Israelƒuɔ Bɔlɛ 6:8 - Katɔti Ɔku Kedee

⁸ Na ndubuti-mii lisienku kalɔ kani na lɛ́kɔliku mina kɔnu katɔ líse kenye ka meti mete Abraham ku Isak ku Yakob. Na ndubuti-ka lite-mii na biti-ka bɛbla bina kadikɔ. Ami ndi Unwoti.’ ”

Israelƒuɔ Bɔlɛ 6:8 Referans Kwoze

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Ala Kalɔ Buse 15:18

Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.

Esekiel 20:42

Amii lɛnɔ bɛdubo bɔnu bɔti ka ami ndi Unwoti ɔni nákpanku-mii úboku Israel ɔmii ɔni kenye na lɛ́su bina bati kuuku líse.

Ala Kalɔ Buse 14:22

Nsu Abram údie kenye na ɔ́su Sodom ɔga ɔnini, “Katɔti ɔni Ntulo Ƒui na anwu nédie katɔ ku kalɔ ni, anwu na lɛkɔliku mina enu lite. Na lɛ́kpali ala lɛ́lɔ-nwu lɛnyi lɛ́su nnini,

Lɛkpa Ulu 32:40

“Ami ndi Ngba Ƒui Katɔti na lɛ́talaku mina kɔnu katɔ na muusé kenye nnii

Israelƒuɔ Bɔlɛ 32:13

Na enyimo ƒula linyese lɛni na éte ƒula kabla bablane Abraham ku Isak ku Yakob ka adubɔya na bana kaba bekyuli bemomo aani katɔ ayabi. Na adubute-ma kalɔ kani na ése kenye ka badubuti-ka babla bana kadikɔ.”

Ala Kalɔ Buse 35:12

Na kalɔ kani na líti líte Abraham ku Isak ni, aka kani na líti muute-ɔ. Na kalɔ kamɛni na ndubuti lite ƒula kaba kemmo bebi.”

Ala Kalɔ Buse 28:13

Na ubili kɔnyakɔ kɔmmɔ katɔ ƒui ni, ɔ́nu ka Unwoti Katɔti unye. Na ɔ́su-nwu ɔnini, “Ami ndi Unwoti, ƒula ɔti Abraham ku Isak Katɔti. Na ndubuti kalɔ kani lɛlɔ na atɛ mɛni lite awɔ ku ƒula kaba kemmo bebi.

Esekiel 36:7

Anwuɔsu ami lɛnɔ líse kenye kpakplaa ka ndubo-ma budu-mi na lɛkya-ma kɔƒa.

Esekiel 20:28

na uwi ɔni na béteeti akpala ku oloƒui ku ntɛ teete baƒiɔ lidu na abi ammɔ lɛlɔ na egyii enengudi ammɔ kalɔ. Na lɛ́kɛ kɔnyi geen, ɔsika ɔmii ɔni na líti líte-ma lɛlɔ na baabla ala amɛni udu!

Esekiel 20:23

Anwuɔsu na lɛ́kanku mina lɛlɔ kpakplaa ka ndubo Israelƒuɔ bugyingya bɔkya kadi bamba bekyuli akɔ na kalɔ kammɔ ƒui lɛlɔ,

Esekiel 20:15

Na ɔmmɔ ɔsu ni, lɛ́su-ma na kalɔ kakwiidi kemmo mmɔ nnii lɛɛɛdubo-ma bɔtɔnku busienku kalɔ kani kenye na líse-ma mmɔ lɛlɔ, kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ.

Samuel 1 15:29

Ɔƒɛni ni, Unwoti ɔɔɔdi ukyuli ɔyawine ɔni na muunwíni nwuna kasusu. Mmomu Israel Katɔti ɔni muukeye na ɔdi, na ɔɔsu litemi geen lɛmmɔ na ulányi ɔkɔ. Anwuɔsu ɔsɔ ulavumana kenye kammɔ.”

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 6:2

Amu na Katɔti ɔ́sɔ ɔ́su Mose ɔnini, “Ami ndi Unwoti.

Budie Taatina 10:6

Na ɔ́kpali ala ɔ́lɔ Katɔti lɛnyi. Ɔ́lɔ Anwu ɔni nli ngba ɔ́si ɔƒɛni úsela ƒui ɔni nédie katɔ ku kalɔ ku ɛpu ku ala ani nkya-nya kemmo ƒui. Na ɔ́su ɔnini, “Katɔti ɔsɔ ulebile uwi!

Israelƒuɔ Bɔlɛ 13:5

Na si Unwoti úti-mii úduoku Kanaanƒuɔ ku Hetiƒuɔ ku Amoriƒuɔ ku Hewiƒuɔ ku Yebusiƒuɔ kalɔ kamɛni kemmo ni, na bɛsia anu na bitaadi limeyi lɛmɛni na kɔbuli kɔmɛni kemmo. Kalɔ kamɛni na úse kenye úse úte bina bati kuuku ka kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na aka na ɔdubuti ute-mii na kenwini bina kadikɔ.

Yosua 24:13

Líti Lɛma lɛni na ɔɔɔdi amii nada-ni lite-mii na bilie-ni kemmo. Na liti kɔlɔ ku mmo bɔni na ɔɔɔdi amii natuma-ni asa na bɛɛdi nwuna egyiibi na bɛɛkɛ́ nnɔ taasiku mmo bɔni na ɔɔɔdi amii nátuma-mu kemmo.”

Nehemia 9:15

Na ka kɔka kɔɔda-ma ni, éte-ma adila ásiku katɔ. Na ka ntukwɛ ɔɔda-ma ni, áya na ntu bɔ́bwɛ bɔlɛ lɛtakpɛ bonwu kemmo. Na ásu-ma ka béteesie bététi kalɔ kani átalaku kɔnu katɔ na ése kenye ka eeti-ka eete-ma.

Israelƒuɔ Bɔlɛ 6:4

Na bunyimi bɔni na línyimiku-ma ka meti Kanaan kalɔ kesii kani na bélie dii aani baƒɔ mete-ma ni, lɛ́lɛ-mu ugyii.

Bumomo Bɔka 10:29

Amu na Mose ɔ́su ulekudi ɔti Hobab ɔni ndi Midiani ɔni baalɔ Reuel ubidi ɔnini, “Uwi údu ka buteesie kalɔ kani na Unwoti ɔ́su úse ɔnini, ‘Ndubuti-ka lite-mii,’ mmɔ lɛlɔ. Bo na abasiaku-bu, na bɔdubɔda-a kaduɛ, ɔsika Unwoti úse ala abuni kenye úte Israelƒuɔ.”

Bumomo Bɔka 11:12

Ami náda bekyuli bamɛni ƒui kaƒɔ, munuu ami náwɔ-ma? Na bi ɔsu na aayɔ́ ka ntaagyu-ma taada enu kemmo aani kalɛ na ukyuli ɔni mɔɔda ubi ɔɔbla, asa na lɛkpanku-ma lisienku kalɔ kani na ése bana bati kuuku kenye ka adubute-ma kemmo?

Lɛkpa Ulu 4:31

Ɔsika Katɔti ubo lɛƒɔndia na ulada-mii ulanyonu iye ɔyila-mii udu na ulayiƒala bunyimi bɔni na anwu ɔlati únyimi ku bina bati kuuku.