Israelƒuɔ Bɔlɛ 6:7 - Katɔti Ɔku Kedee

⁷ Na ndubuti-mii lɛbla aani ami ɔlati mina bekyuli geen na lɛbla bina Katɔti. Na ɔmɛni ɔdubɔya na bɛnu bɛti ka ami Unwoti bina Katɔti nédie-mii lɛ́lɛku lɛbibo kalɔ na Egyipte.

Israelƒuɔ Bɔlɛ 6:7 Referans Kwoze

Lɛkpa Ulu 29:13

Na Unwoti ɔlɛ-nwu ugyii ka bɛdi nwuna bekyuli. Na anwu lɛnɔ ɔbla bina Katɔti aani kalɛ na úse kenye úte amii ku bina bati kuuku bani ndi Abraham ku Isak ku Yakob.

Lɛkpa Ulu 7:6

Bɛdi Unwoti Katɔti bekyuli kedee bani na ɔ́ƒuna ɔ́bla nwuna badi na kayawi bekyuli ƒui akɔ. Na bɛ́ƒɔ-nwu kuye geen.

Lɛkpa Ulu 4:20

Nsu amii amu ni, Katɔti nékpo údie-mii ɔ́lɛku lɛbibo lɛni mɔɔda aani ogya gaganga kemmo na Egyipte kalɔ ka bɛbla nwuna bekyuli bani na bɛdi ɔmwi mɛni.

Budie Taatina 21:7

Ukyuli ɔni madi ekpidi lɛlɔ ni, ɔdubɔkɛ kadikɔ kamɛni. Na ami lɛdi-nwu Kɔti, na anwu wadi mina ubi.

Lɛkpa Ulu 26:18

Na ɔmwi kadi ni, Unwoti lɛnɔ ɔ́lɛ ugyii ka bɛdi nwuna bekyuli aani kalɛ na ɔ́su úse. Na ɔɔsu-mii ɔnii bɛdi nwuna ɔda bubo ƒui lɛlɔ.

Lɛkpa Ulu 14:2

Ɔsika amii bɛdi Unwoti Katɔti ɔdi na anwu náƒuna-mii ɔ́lɛku kadi bamba bekyuli akɔ na kalɔ lɛlɔ ƒui ka bɛbla nwuna ɔdi.

Budie Taatina 21:3

Na línu lɛdi bonwu lɛdi ɔ́si lɛgaboku lɛmmɔ kudɔ ka lɛɛsu lɛnini, “Bɛnu! Katɔti keliekɔ káyu kébo bekyuli akɔ. Ɔdubulie-ma kudɔ na ama benwini-nwu bekyuli. Na Katɔti ɔlati ɔkya-ma akɔ na ɔdi-ma Kɔti.

Petro 1 2:10

Uwi ɔdi kemmo ni, bɛɛɛdi Katɔti bekyuli. Anwuɔsu Katɔti útanu-mii kɔnyana. Nsu ɔƒɛni ka bɛdi nwuna bekyuli ɔsu ni, Katɔti ɔɔnu-mii kɔnyana.

Hebriƒuɔ 11:16

Mmomu ni, baanu ulu teete kalɔ kani ndia ntulo kammɔ. Na aka ndi Katɔ Ɔga Ɔma kadi. Ɔmmɔ ɔsu ulekpo Katɔti lɛnɔ kɔƒa ka balɔ-nwu banii bana Katɔti. Ɔsika ɔ́ɔda ɔma unengudi ɔdi úse-ma.

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Mateo 22:32

‘Ami ndi Abraham Katɔti ku Isak Katɔti ku Yakob Katɔti!’ Ɔmɛni ɔɔtina ka ama bani néekpi ni, bamu beli ngba. Anwuɔsu ɔdi ama lɛnɔ Katɔti.”

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Yesaia 41:20

Na bekyuli ƒui badubɔnu ɔmɛni na bati na ɔbla-ma nwaa ka ami Israel Unwoti Katɔti kedee nédie ala amɛni ƒui.”

Kɔgya 81:6

“Lɛ́ya na etila átimi-mii lɛlɔ na bina enu ánwuna ásiku kabla kpakplaa kani na bítaabla kemmo.

Israelƒuɔ Bɔlɛ 16:12

“Su Israelƒuɔ bammɔ anini, línu bana etemila ani bakya baasu teewi-mi. Ɔmmɔ ɔsu si úsela useyi uwi ni, badubɔkun lɛna. Na ɔtanta lɛnɔ badubɔkɛ bodobodo ɔni baawia badi. Mmɔ na badubɔnu bɔti ka ami Unwoti ndi bana Katɔti.”

Israelƒuɔ Bɔlɛ 6:6

“Anwuɔsu sie na atásu Israelƒuɔ anini, ‘Ami ndi Unwoti, na ndubo-mii budie bɔsiku lɛbibo ugyigba ɔni na Egyipteƒuɔ bétile-mii kalɔ. Na lɛya na bɛkɛ bɔnwuna na bɛsɔ bilabla-ma kabla lɛnɔ. Na ndubudie mina kɔnu na lɛbla ɔyikun ala ebendi na bana akɔ liti lɛtɛku-ma litemi.

Israelƒuɔ Bɔlɛ 2:11

Uwi ɔni na Mose ɔ́ɔlɛ lili ƒui kama ni, limeyi lɛdi úsie kesii kani na nwuna bekyuli bakya, na ɔ́nu kabla kpakplaa kani na baabla. Mmɔ ni, ɔ́nu ka Egyipteni ɔdi ɔkya uubó Hebrini ɔdi ɔni ndi anwu Mose lɛlɔ ukyuli.

Israelƒuɔ Bɔlɛ 16:6

Anwuɔsu Mose ku Aaron básu Israelƒuɔ bammɔ ƒui banini, “Ɔmwi useyi ɔmɛni ni, bɛdubɔti ka Unwoti náda-mii údie Egyipte kalɔ lɛlɔ.

Lewiƒuɔ Ɔda Bubo 11:44

Ami ndi bina Unwoti Katɔti. Bidie lɛlɔ bise sɛsɛɛ na bɛbla lɛlɔ kedee ɔsika nse Kedee. Na bitabla na bina lɛlɔ liteese lɛlɔ ɔkɛnku kubweyi kɔni mɔɔkpɛ́ kalɔ mɛni ɔsu.

Lewiƒuɔ Ɔda Bubo 11:45

Ami ndi Unwoti ɔni nákpanku-mii lɛ́lɛku Egyipte kalɔ lɛlɔ kalɛ na lɛbla bina Katɔti. Ɔmɛni ɔsu bɛbla lɛlɔ kedee ɔsika nse kedee.

Yesaia 49:23

Na kadi bani akɔ na bákya mmɔ baga ku beleku baga badububo babataanu-mii lɛlɔ aani bina kabla bablane bani nnye bati ku beni kenyekɔ bete-mii. Na badubɔkya lili kalɔ bete-mii. Na bɛdubɔnu bɔti ka ami ndi Unwoti ɔmmɔ. Na anumi elewi-mii kalɔ si bíti bina anu bɛ́sia-mi lɛlɔ.”

Yesaia 49:26

Na ɔdubɔya na bekyuli bekpidi bammɔ bakun ama alati bana ɔlɔna aani lɛna na bani bana ubugya bekpi aani kalɛ na baaní ntɛ teekpi. “Na ukyuli biala ɔdubɔnu ɔti ka ami ndi Unwoti Israel Katɔti Ɔyikune Ƒui ɔni mɔɔƒɔ́-mii ngba na ɔɔyá na bɛɛkɛ́ bɔnwuna.”

Yesaia 60:16

Na adubɔkpala kadi bamba ku bana baga akɛla asiku-ma kudɔ ƒui kede kede na bɛnu bɛti ka ami Unwoti Israel Katɔti nédie-mii na lɛ́ƒɔ-mii ngba.

Yesaia 63:8

Anwu nédie-ma ɔ́lɛku bana bubie kemmo na ɔ́su ɔnini, “Ami mbo-ma na baaadubo-mi kama bɔlɛ.”

Yeremia 30:22

Bɛdubo mina bekyuli bunwini na ami lɛnɔ linwini bina Katɔti. Ami Unwoti násu.

Esekiel 20:19

Línyimene-ma ka ami kani ndi bana Unwoti Katɔti ɔni ndanku-ma mmɔ na ɔdi ka benu-mi ala bɔtina na badi mina ɔda bubo lɛlɔ.

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Ala Kalɔ Buse 28:13

Na ubili kɔnyakɔ kɔmmɔ katɔ ƒui ni, ɔ́nu ka Unwoti Katɔti unye. Na ɔ́su-nwu ɔnini, “Ami ndi Unwoti, ƒula ɔti Abraham ku Isak Katɔti. Na ndubuti kalɔ kani lɛlɔ na atɛ mɛni lite awɔ ku ƒula kaba kemmo bebi.

Israelƒuɔ Bɔlɛ 7:17

Anwuɔsu Unwoti ɔnini, “Ɔkɛnku ɔmɛni lɛlɔ ɔsu ni, adubo bɔnu bɔti ka Ami ndi Unwoti sɔsɔ.” Na ugyii ɔni nkya-mii kɔnu mɛni, ndubuti bɔƒiɛmi Nil Ketu ntu bɔmɛni anumi na ketu kammɔ kenwini ubugya.

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Israelƒuɔ Bɔlɛ 13:14

“Na si ƒ'ubidi ɔnanabi úye-ɔ limeyi lɛdi ɔnini, ‘Lɛla lɛmɛni kalɔ ndi bi’ ni, na asu-nwu anii, ‘Ɔkɛnku Katɔti kɔnu ɔyikun ablala ɔsu na údie-bu ɔ́lɛku bekyuli bamba kabla bɔbla kalɔ na Egyipte kalɔ lɛlɔ.’

Israelƒuɔ Bɔlɛ 14:4

Na ami Unwoti ndubɔya na Ƒarao kayi kayu ɔkplu, na lɛya na ɔbi ɔsiaku-ma. Na ndubɔdi Ƒarao ku nwuna bekpone lɛlɔ. Na mmɔ na Egyipteƒuɔ badubɔnu ka ami ndi Unwoti.” Na bábla básiaku lɛni kani.

Israelƒuɔ Bɔlɛ 14:18

Na si lɛ́di Ƒarao ku nwuna bapɔnkɔ kɛɛkɛ bakane ku bapɔnkɔ beliene bammɔ lɛlɔ lɛni na mina lɛnyi líkeye ni, na Egyipteƒuɔ banu bati ka ami ndi Unwoti.”

Israelƒuɔ Bɔlɛ 15:2

Unwoti ndi mina ɔyikun ɔni ɔsu na mɔɔtu kɔgya. Anwu nénwini mina ɔƒɔne. Na mina Katɔti na ndubumwi, Ɔdi mina Katɔti, mina bati kuuku Katɔti, na ndubɔkɔliku-nwu lɛnyi katɔ.

Israelƒuɔ Bɔlɛ 15:16

Liƒu ku bɔyia geen ndubo bekyuli bamɛni bɔda. O, Unwoti, ɔkɛnku ƒula ɔyikun ɔsu ni, badubo bɔsinsi bunye aani lɛtakpɛ, úti útédu ka awɔ Unwoti ásia ávi, na ƒula bekyuli bani na édie adanku bávi bátɔlɔ.

Bumomo Bɔka 15:41

Ami ndi Unwoti bina Katɔti ɔni nákpanku-mii lɛ́siku Egyipte kalɛ na lɛdi bina Katɔti. Ami ndi Unwoti bina Katɔti.’ ”

Lɛkpa Ulu 29:5

Na akwa aavlene kemmo ni, Unwoti ɔ́tɔnku-mii na kalɔ kakwiidi kemmo ɔni na ukyuli ɔdi adala iye agbanvuo étebie.

Lɛkpa Ulu 29:12

Ɔmwi limeyi lɛmɛni ni, bina ƒui binye mɛni ka binu bunyimi bɔni na bina Unwoti Katɔti únyimiku-mii. Na bɛbla bɛsia lɛla biala na ɔ́su-mii lɛlɔ.

Baga 1 8:60

Ɔmɛni ndubɔya na kayawi bekyuli ƒui banu bati ka Unwoti lɛti pɛ kani ndi Katɔti, na ɔdi biala ɔsɔ uuubo.

Baga 1 20:28

Amu na kenye udiene ɔdi úsie Ɔga Ahab kudɔ na ɔ́su-nwu ɔnini, “Lɛni na Unwoti ɔɔsu. Siriaƒuɔ básu ka ami abi lɛlɔ Katɔti na ndi na lɛɛɛdi kalɔ ƒiaa katɔti ɔsu ni, ndubɔya na bɛdi Siriaƒuɔ lɛlɔ. Na mmɔ na awɔ ku ƒula bekyuli bɛdubɔnu bɔti ka Unwoti na ndi.”

Nehemia 1:10

“Anwuɔsu muuvele-ɔ ka ƒula bekyuli ku kabla bablane na badi na awɔ néti ƒula ɔyikun bonwu ékpo áƒɔ-ma.

Kɔgya 100:3

Bɛnu bɛti ka Unwoti ndi Katɔti! Anwu nábla-bu na bɔdi nwuna badi bani na ɔɔnu lɛlɔ aani nwuna baƒonu kalɛ na kadikɔ.

Yesaia 51:15

Ndubo bana ƒui bubunku, ɔsika ami ndi bina Unwoti Katɔti Ɔyikune Ƒui. Na ami mɔɔyá na ɛpu uubó lɛdi ku kɔku.