Israelƒuɔ Bɔlɛ 6:12 - Katɔti Ɔku Kedee

¹² Nsu Mose ɔ́su Unwoti ɔnii, “Ka lísie Israelƒuɔ kudɔ na bátakpete-mi ni, Ƒarao ndubo ami ɔni mɔɔwalɛ mɛni bɔkpete?”

Israelƒuɔ Bɔlɛ 6:12 Referans Kwoze

Israelƒuɔ Bɔlɛ 4:10

Amu na Mose ɔ́su Unwoti ɔnini, “O Unwoti, ɔ́si mina lɛnamu uwi úti úbedu ɔƒɛni ni, lɛɛɛgyi bɔtɛmi. Na úti úbedu uwi ɔni na aatɛmiku ami ƒula kabla ɔblane mɛni ni, mina bɔtɛmi bulábla nwaa. Na ndi ukyuli ɔni mɔɔwalɛ.”

Yeremia 1:6

Mmɔ na lídie kenye nnini, “Unwoti Ɔyikune Ƒui, lɛɛɛgyi bɔtɛmi na ńtabi lɛlɔ lɛnɔ.”

Israelƒuɔ Bɔlɛ 6:30

Nsu Mose udie kenye ɔ́su Unwoti ɔnini, “Kalɛ na mɔɔtɛmi taawalɛ mɛni ni, dɛ na Ƒarao ɔdubo-mi kalɔ bunu?”

Yeremia 6:10

“Ami Unwoti lɛ́ɛsu bekyuli bamɛni ka ndubo-ma kɔtu bɔni, nsu bɔma kani na baamá-mi, na bébulo banii belenu-mi litemi na badi-ni lɛlɔ.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Lewiƒuɔ Ɔda Bubo 26:41

ɔsu na ami lɛnɔ lɛ́ta línye-ma lɛlɔ na líti-ma ńtákya bana bekisine kalɔ lɛlɔ, na si bana kayi kani lɛlɔ na bétekulo ekpidi bétedie mmɔ kébo kalɔ buɛɛ ku udu buni na báƒɔ bana ekpidi lili kayu ni,

Israelƒuɔ Bɔlɛ 6:9

Na ka Mose úsie útásu Israelƒuɔ etemila amɛni ni, bátakpete-nwu. Ɔsika enu áƒɛ-ma na abi ani na beebó mmɔ ɔsu.

Israelƒuɔ Bɔlɛ 3:13

Amu na Mose úye Katɔti ɔnii, “Na si banii lísie ńténye Israelƒuɔ anumi na lɛ́su-ma nnii, ‘Bina bati kuuku Katɔti nátala-mi ɔ́kya-mii’ na béye-mi banii, ‘Dɛ na baalɔ-nwu’ ni, bi na nsu-ma?”

Yesaia 6:5

Amu na lɛ́su nnini, “Mina bɔkywi uwi údu, ɔsika alaekpidi ɔblane na ndi na alaekpidi bablane kaba kemmo na lɛ́si, nsu mina anumi ánu Ɔga ɔni ndi Unwoti Katɔti Ɔyikune Ƒui!”

Lɛkpa Ulu 30:6

Bina Unwoti Katɔti ɔdubɔya na binu lɛlɔ kalɔ na bina kayi kemmo amii ku bina bawɔ kalɛ na biteenu-nwu litemi na bitaayɔ-nwu ku bina kayi ƒui. Na ɔmɛni ndubɔya na bilie kalɔ kammɔ lɛlɔ bítu uwi.

Israelƒuɔ Bɔlɛ 3:11

Amu na Mose ɔsu Katɔti ɔnini, “Ami ndi ɔma, na muusié nténye Ɔga Ƒarao anumi nnii mɔɔkpanku Israelƒuɔ lɛlɛku Egyipte kalɔ lɛlɔ?”

Israelƒuɔ Bɔlɛ 4:1

Amu na Mose úye Unwoti ɔnini, “Na si Israelƒuɔ bátaƒɔ-mi bátadi iye bétenu mina litemi na básu banii, ‘Unwoti útedie lɛlɔ biala útatina-a’ ni, dɛ na mabla?”

Israelƒuɔ Bɔlɛ 6:13

Amu na Unwoti ɔ́tɛmiku Mose ku Aaron ɔ́siku Israelƒuɔ ku Egyipteƒuɔ Ɔga Ƒarao lɛlɔ, na úbo-ma ɔda ɔnii, batákpanku Israelƒuɔ balɛku Egyipte kalɔ lɛlɔ.