“Binu lɛla lɛni na bɛ́su bɛnini, ‘Kɔdɔlɔ na kɔdi-bu ka bunye butaakpali Unwoti Ɔyikune Ƒui. Bi kɔsia geen na bɔɔkɛ́ si bunye bɔɔbu-nwu na bɔkɛ ku kɔnyana bɔɔví uwi biala?
Nsu ka béni mina etemila ku bɔlɛ bɔni na mina kenye bediene bálɛ-ma ɔsu ni, básiaku lɛla lɛni na baawia. Anwuɔsu bénwini bébevele-mi banini, “Unwoti Ɔyikune Ƒui, áni-bu kɔtu kɔni námanku bula ekpidi ani na bɔ́bla aani kalɛ na ásu ése.”
Nsu bitaya na baƒana bana atimbɔ bumomo bɔni na beekúlo kuuku mmɔ. Israelƒuɔ bamɛni bébo kɔkɔsɔ, anwuɔsu na benye-mi lɛlɔ banii nte-ma kuƒi na beteesie batábla akpala bete bana Katɔti.