Israelƒuɔ Bɔlɛ 5:2 - Katɔti Ɔku Kedee

² Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”

Israelƒuɔ Bɔlɛ 5:2 Referans Kwoze

Israelƒuɔ Bɔlɛ 3:19

Nsu ngyi ka Egyipteƒuɔ ɔga ɔɔɔdubo bɔtuna, si ɔyikun ubendi ɔdi útebedi-nwu asa na unu kalɔ.

Hiob 21:15

Ɔma ndi Ɔyikune Ƒui ɔmmɔ na butaabla-nwu kabla? Na bi na bɔdubo bɔkɛ na butaakya lili kalɔ taakpali-nwu?

Baga 2 18:35

Na kalɔ kamani geen baƒiɔ néekpo báƒɔ bana kalɔ bekyuli básiku-mi enu kemmo? Na dɛ na Unwoti anwu ɔdubɔkana na ɔƒɔ Yerusalem na mina enu kemmo?”

Tesalonikaƒuɔ 2 1:8

Na bekyuli bani naaabu Katɔti na bátaƒɔ Blɔti Yesu Kristo litemi buni bátadi ni, ɔdubɔni-ma kɔtu na lɛgyavonku kemmo.

Romaƒuɔ 1:28

Na ka bése béni banii balatɛya lɛla lɛni na ɔdi ka bati ɔsu ni, Katɔti ɔ́nyonu-ma, na likyulikpi lɛ́ƒɔ-ma kasusu kemmo. Na baabla ala ani na utalɛka babla.

Yohane 16:3

Bekyuli badubo-mii ɔmɛni bɔbla, ɔsika baaagyi ami iye Katɔti.

Kɔgya 14:1

Ɔdɔlɔdi mɔɔsu na nwuna kayi kemmo ɔnini, “Katɔti uuubo.” Likyulikpi lɛ́ƒɔ-ma keliela kemmo ɔsu balábla lɛbuni lɛdi.

Kɔgya 12:4

Ɔsika baasu ka ama ni, bana kenye ogya na badubuti bakɛ lɛla biala. Na lɛla biala na baayɔ́ ni, badubɔsu-ni ƒaa, ɔsika baasu banii ukyuli biala ulakana-ma lɛla lɛdi bɔbla.

Kɔgya 10:4

Ukyuli ukpidi ɔɔɔdaku Unwoti lɛda na ɔɔkali ka Unwoti uuubo kenyekɔ kadi na nwuna keliela kemmo.

Ala Alɛdi 2 32:19

Na geen ni, bɔtɛmi kani na benengu bammɔ benye baatɛmi Unwoti Katɔti lɛlɔ kɔtɛ aani baƒiɔ keeke badi iye ala ani na bekyuli keeke nábla-ma bése lɛlɔ.

Ala Alɛdi 2 32:15

Bitaya na Hesekia use-mii lisusu lɛmmɔ udu! Baƒiɔ badi bátakana bunye bɔsiaku Asiria kudii na baƒɔ bana kadi bekyuli badi. Anwuɔsu bɛƒɔ-mi bɛdi ka bina Katɔti lɛnɔ ɔɔɔdubo-mii bɔkana bɔƒɔ!”

Samuel 1 2:12

Eli bebi bani ndi bakpane mɛni badi bekyuli bekpidi geen. Na balábu Unwoti lɛnɔ munu munu.

Israelƒuɔ Bɔlɛ 7:17

Anwuɔsu Unwoti ɔnini, “Ɔkɛnku ɔmɛni lɛlɔ ɔsu ni, adubo bɔnu bɔti ka Ami ndi Unwoti sɔsɔ.” Na ugyii ɔni nkya-mii kɔnu mɛni, ndubuti bɔƒiɛmi Nil Ketu ntu bɔmɛni anumi na ketu kammɔ kenwini ubugya.

Litemi Batɛne 2:10

Na uwi ɔdi kama ni, kaba kammɔ bekyuli ƒui békpi na bása bɔtɔlɔ busie bana bati kudɔ. Na kaba kabambadi nási bákɔ ɔni na ama baaagyi Unwoti, na bátanu ala ani lɛnɔ na ɔ́bla úte Israel úbavi.

Ala Alɛdi 2 32:14

Mɔɔsu-mii ka baƒiɔ badi bátakana bana bekyuli ngba bɔƒɔ na bakɛ bɔnwuna na Siriaƒuɔ baga ɔdi enu kemmo. Na bɔkali geen na amii bɛda bɛnii bina Katɔti anwu ɔdubɔkana lɛla lɛdi bɔbla butulo baƒiɔ bamba bammɔ?

Nehemia 9:10

Na ábla akɔla lidu lidu asiaku Ƒarao ku nwuna kabla bablane ku nwuna bekyuli bani ƒui nli-nwu kalɔ kemmo. Ɔsika ánu áti tati tati ɔni na Hetiƒuɔ béti bábla ƒula bekyuli kalala. Na awɔ nábla lɛnyi éte ƒula lɛlɔ. Na lɛnyi lɛmmɔ lise líbedu ɔmwi kadi.

Yeremia 42:13

“Ɔƒɛni kalɛ ɔdubo-mii bɔbla kalɛ kadi na bɛsu bɛnini, ‘Bɔɔɔdubo Unwoti bula Katɔti litemi lɛmɛni bunu na bɔsɔ bɔkya Yuda mɛni.

Yeremia 48:26

Moab kadi bekyuli, bɛɛsu taatina ka bibo ɔyikun bitulo-mi. Nsu ɔƒɛni ni, ndubo kadi bamba bekyuli bɔsu na bete-mii ntɛ na bɛni bikpi. Na bataama-mi si uwi ɔni na ntɛ bɔmmɔ bútulo-mii na biibuli taatɛ amii alati bina kɔdala kemmo.

Daniel 3:15

Ɔƒaani ni, ndubɔya na bedie lɛnu na bagya agyala bete-mii. Na si bɛ́kya lili kalɔ bímwi mina lɛtabi lɛni na lɛ́tu ni, lɛla biala lɛdubo buse buɛɛ bute-mii na ɔsa. Nsu si bíni na bítabla lɛni ni, badubo-mii bubo bɔkya lɛgyavonku kemmo, na baƒiɔ badi baaadubo-mii bɔkana bɔƒɔ bɔsiku mina enu kemmo.”

Samuel 1 25:10

Amu na Nabal udie lɛla lɛni na bábasu-nwu kenye ɔnini, “Ɔma ndi Dawid ku Yisai ubidi ɔmmɔ? Kabla bablane pii bukeli na benye beekeli bana batɔlati emeyi amɛni kemmo.

Hiob 15:25

Na bekyuli bani muunene enu taakya Katɔti na baadi lɛmɛnɛ taakya-nwu ni, lɛni na ɔɔbla-ma.

Hiob 15:26

Báta ku usi ku lɛla tabu, na béti agyumanala ka betékpoku Katɔti.

Kɔgya 12:5

Nsu Unwoti ɔnini, “Ɔƒɛni amu ndubɔta lɛda lɛlɛ bekyuli bamɛni lɛlɔ, ɔsika bawabane beebó abi. Na bekyuli bani na baanya taakya lɛnɔ beedumo. Na ndubute-ma kagyumana kani na baasia anu.”

Agba 30:9

Ɔsika ɔƒɛni kalɛ lɛ́kɛ lɛmmɔ lɛdubumo-mi lɛvili na lini-ɔ, na ndubuye nnini, ‘Ɔma ndi Unwoti?’ Na si kɔwaba lɛnɔ nda-mi kɔ́vili ni, ɔƒɛni kalɛ ndubo buyu na bekyuli balabu mina Katɔti lɛnyi kedee.