1 Amu na Unwoti ɔ́su Mose ɔnini,
Na ka Mose ɔ́sia ala ammɔ ƒui anu na ɔ́nu ka bábla-nya kalɛ kani na Unwoti úbo-nwu ɔda ni, úte Israelƒuɔ kusɛ kusɛ.
“Lɛ Adi Kevo kani ndi Kevo Kasakɔ kammɔ na kɔbuli kudeedi kuna limeyi lideedi lɛlɔ.
Na badubo Adi Kevo kedee, ku Unwoti Bunyimi Adaka, ku nwuna likpidi kɔtu bɔni budie libila, ku ala ani ƒui nkya kevo kammɔ kemmo bɔbla.
Amu na Mose ɔ́su bekyuli bani ƒui nda kɔnu kemmo kabla ka bebo na babla kabla kani Katɔti úbo-ma ɔda.
Ɔmɛni ɔsu Israelƒuɔ báwɔlɔ Unwoti Adi Kevo kani ndi Kevo Kasakɔ kammɔ bɔtu. Na bátu-nwu pɛpɛɛpɛ aani kalɛ kani na Unwoti úbo Mose ɔda.
Anwuɔsu bálɛ kevo kammɔ na lɛkwa linyɔdi kɔbuli kudeedi limeyi lideedi lɛlɔ ka bálɛ Egyipte kalɔ lɛlɔ.
ɔsika ɔɔyia Unwoti ɔtu ɔmmɔ kewii kammɔ na ulayɔ ka use usie Gibeon kesii kani na Unwoti Adi Kevo kani na Mose ɔ́bla na kalɔ kakwiidi kemmo mmɔ kalɛ ku nwuna lɛkpabi.
