Israelƒuɔ Bɔlɛ 4:13 - Katɔti Ɔku Kedee

¹³ Nsu Mose ɔ́su ɔnini, “O Unwoti, buvele nda-a, wia ukyuli bamba na atala-nwu.”

Israelƒuɔ Bɔlɛ 4:13 Referans Kwoze

Yona 1:3

Nsu ka Yona ulayɔ ka usie ɔsu ni, úkeli úsie Yopa ɔnii utéti ɔkɔlɔ ubendi na mmɔ na uteesie kalɔ kani baalɔ banii Tarsis. Amu na ɔ́ƒɔ kayu na úduo ɔkɔlɔ ubendi ɔmmɔ kemmo na básia ntu anumi bésela Tarsis kalɔ lɛlɔ likpo lɛni na watábɛ Unwoti.

Israelƒuɔ Bɔlɛ 4:1

Amu na Mose úye Unwoti ɔnini, “Na si Israelƒuɔ bátaƒɔ-mi bátadi iye bétenu mina litemi na básu banii, ‘Unwoti útedie lɛlɔ biala útatina-a’ ni, dɛ na mabla?”

Yohane 6:29

Amu na Yesu údie kenye ɔnini, “Lɛla lɛni na Katɔti ɔɔwia ka bɛbla ndi ka bɛƒɔ ukyuli ɔni na ɔ́tala bɛdi.”

Mateo 13:41

Ami, Ukyuli Ɔyawine Ubi, ndubɔtala mina batu na babɔku ala ani mɔɔyá na baabla ekpidi ku ekpidi bablane ƒui bedie Katɔti lɛga kadikɔ.

Yona 1:6

Amu na unengu ɔni mɔɔka ɔkɔlɔ ɔmmɔ útánu Yona ka ɔtɛ ɔlɛɛ, na úye-nwu ɔnini, “Bi ɔsu na atɛ alɛɛ lɛni? Ta pla na akpali ƒula Katɔti na eye kebunku. Ɔƒɛni kalɛ ɔdubɔnu bu kɔnyana na ɔƒɔ-bu ngba.”

Yeremia 20:9

Na ɔɔbla-mi uwi ɔdi aani nda ƒula lɛlɔ kasusu buti iye ƒula lɛnyi muedi bɔlɔ nnya. Nsu ƒula litemi lɛɛdu-mi lɛlɔ kemmo aani ogya na naaakana na libile kenye lɛsɔ lilie kpoo.

Yeremia 1:6

Mmɔ na lídie kenye nnini, “Unwoti Ɔyikune Ƒui, lɛɛɛgyi bɔtɛmi na ńtabi lɛlɔ lɛnɔ.”

Litemi Batɛne 2:1

Uwi ɔmmɔ ni, Unwoti ɔtu ɔdi ɔ́si Gilgal úsie Bokim, na ɔ́kɔ lɛsa úte Israelƒuɔ ɔnini, “Lídie-mii lɛ́lɛku Egyipte kalɔ lɛlɔ, na líti-mii lísienku kalɔ kani líse kenye ka meti mete bina bati kuuku lɛlɔ. Na lɛ́su ka lɛɛɛdubo bɔlɛ bunyimi bɔni na línyimiku-mii mmɔ kama.

Israelƒuɔ Bɔlɛ 23:20

“Bɛnu! Ndubo bɔtala mina ɔtu na ɔgyu ɔtɔ-mii, na anwu ndubo-mii bɔgyumana na ulu lɛlɔ, na uti-mii utéduoku kesii kani lɛ́klibi líse-mii.

Ala Kalɔ Buse 48:16

Na ɔ́ya na nwuna ɔtu údie-mi na ɔdi útabla-mi kalala kadi. Muuvele nnii ute bebi bananabi bamɛni kusɛ kusɛ. Mina lɛnyi ku mina bati bani ndi Abraham ku Isak lɛnyi na badubo bɔdi. Na muuvele nnii bawɔ na bemomo na baƒɔ lɛnyi na kayawi.”

Baga 1 19:4

na anwu lɛti ɔ́sɔ úsie limeyi linwi ulu na ɔkɛ ketele kalɔ kakwiidi kemmo. Na ka úbedu kugyii kɔdi kalɔ ni, ɔ́yu úlie kalɔ mmɔ na ɔ́kpali Katɔti úvele ka ɔya na ukpi. Na ɔ́su ɔnini, “Lɛ́ɛnɔku-ni. Ƒɔ-mi ngba, ɔsika lɛɛɛdia liiitulo mina bati kuuku.”

Ala Kalɔ Buse 24:7

Na ɔ́sɔ ɔ́su-nwu ɔnini, “Unwoti ɔni ndi Katɔti ni, anwu nálɔ-mi ɔ́siku mina ɔti kaduli ku mina kalɔ lɛlɔ. Na anwu nákpali lɛlɔ úse-mi kenye ɔnini, ‘Ƒula bawɔ na ndubuti kalɔ kamɛni lite.’ Anwu ɔmmɔ ndubɔya na nwuna ɔtu ɔtɔnku-ɔ. Na ɔdubɔya na akɛ uleku asiku mmɔ eboku mina ubi ɔnanabi.

Israelƒuɔ Bɔlɛ 4:12

Anwuɔsu teesie na ndubo-ɔ bunku na akana bɔtɛmi na ndubɔtina-a lɛla lɛni na adubɔsu.”

Israelƒuɔ Bɔlɛ 4:14

Amu na Unwoti úti kɔnyi kati kati ɔ́kya Mose na úye-nwu ɔnini, “Ƒ'ɔnwani Aaron, Lewini ɔmmɔ nɔɔ? Ngyi ka ɔgyi bɔtɛmi, na ɔsia ulu lɛlɔ lɛnɔ ɔdubo ubasiaku-ɔ, na kubiti kɔdubɔƒɔ-nwu kayi kemmo si ɔ́nu-ɔ.

Ala Kalɔ Buse 41:35

Na ɔdi ka baƒɔ edula ani na badubɔkɛ na akwa abuni amɛni kemmo na baklibi-nya bese na awɔ, Ƒarao, ɔyikun kemmo na lɛma linengudi ƒui kemmo bese bete bana lɛdila.