Israelƒuɔ Bɔlɛ 39:43 - Katɔti Ɔku Kedee

⁴³ Na ka Mose ɔ́sia ala ammɔ ƒui anu na ɔ́nu ka bábla-nya kalɛ kani na Unwoti úbo-nwu ɔda ni, úte Israelƒuɔ kusɛ kusɛ.

Israelƒuɔ Bɔlɛ 39:43 Referans Kwoze

Ala Alɛdi 2 30:27

Bakpane ku Lewiƒuɔ bammɔ bévele Katɔti ka ɔya na nwuna kusɛ kusɛ ɔsiaku bekyuli bammɔ na sɔsɔ ni, únu-ma buvele ɔ́siku nwuna keliekɔ kedee kammɔ na katɔ ƒui.

Baga 1 8:14

Uwi ɔni na Israelƒuɔ ƒui básala lisu na benye kakpakɔ anumi mmɔ ni, ɔga ɔmmɔ ɔ́nu-ma ɔ́mana na úte-ma kusɛ kusɛ.

Samuel 2 6:18

Ka bábla akpala ammɔ báwɔlɔ ni, úte bekyuli bammɔ ƒui kusɛ kusɛ ɔkɛnku Unwoti Ɔyikune Ƒui lɛnyi kemmo.

Kɔgya 104:31

Buuvele bɔnii Unwoti uteekeye uwi ƒui. Na lɛlɔ lɛyɔ-nwu na ala ani ƒui na údie lɛlɔ.

Ala Alɛdi 2 6:3

Salomo únwini lɛlɔ ɔ́tina bekyuli bani nnye mmɔ na úte-ma kusɛ kusɛ.

Yosua 22:6

Anwuɔsu Yosua úte-ma kusɛ kusɛ na ɔ́ya na bénwini bésie bana kalɔ lɛlɔ.

Ala Kalɔ Buse 14:19

Úvele kusɛ kusɛ úte-nwu ɔnini, “Katɔti Ɔni Ntulo Ƒui na anwu nédie katɔ ku kalɔ ni, ɔdubɔya na nwuna kusɛ kusɛ ɔsiaku Abram.

Ala Kalɔ Buse 1:31

Katɔti ɔ́nu ala ani ƒui na ɔ́bla na adia-nwu sɔsɔ. Na useyi údu na kadi kégye na limeyi lɛkundi lɛ́vi.

Kɔgya 19:11

Na ɔkɛnku ƒula ala bɔtina bɔmɛni lɛlɔ ni, aalɛ-mi, ƒula kabla ɔblane kpakplaa, na mɔɔkɛ́ kɔsia na litemi lɛmmɔ lɛlɔ bɔdi ɔsu.

Nehemia 11:2

Na bani nátuna ka badubusie betélie Yerusalem ni, bakladi bémwi-ma.

Ala Alɛdi 1 16:2

Na ka Dawid ɔ́wɔlɔ ala amɛni bɔbla ni, úvele ka Unwoti kusɛ kusɛ ɔsiaku bekyuli bammɔ.

Israelƒuɔ Bɔlɛ 40:25

Na ɔ́tu lɛsogya lɛmmɔ ɔ́sia nina kalɛkɔ mmɔ na Unwoti anumi aani kalɛ na Unwoti úbo-nwu ɔda.

Israelƒuɔ Bɔlɛ 39:42

Na Israelƒuɔ bábla kabla kammɔ pɛpɛɛpɛ kalɛ kani na Unwoti úbo Mose ɔda.

Israelƒuɔ Bɔlɛ 40:1

Amu na Unwoti ɔ́su Mose ɔnini,

Yeremia 13:5

Na ami lɛnɔ lísie ńtábla lɛni kani.

Israelƒuɔ Bɔlɛ 7:6

Na Mose ku Aaron bábla básiaku Unwoti lɛla lɛni na úbo-ma ɔda lɛlɔ pɛpɛɛpɛ.

Israelƒuɔ Bɔlɛ 12:28

Amu na bátɔlɔ bésie bana kɔduli na bátábla lɛla lɛni na Mose ku Aaron básu-ma aani kalɛ na Unwoti úbo-ma ɔda.

Israelƒuɔ Bɔlɛ 25:9

Sia anumi na anu ka bátu kevo kedee kamɛni ku kana lɛlɔ ala aani kalɛ na ndubo-ɔ bɔtina pɛpɛɛpɛ.

Lewiƒuɔ Ɔda Bubo 16:34

“Na bunyimi bɔmɛni bɔdubuse bute-mii uwi ƒui. Na ɔlɛka babla likpidi kɔtu bɔni budie akpala ɔdi ɔmɛni kunwi na lɛkwa kemmo ute Israelƒuɔ ƒui ekpidi lili.” Na bábla básia kalɛ kani na Unwoti úbo Mose ɔda.

Yosua 22:7

Mose néle kalɔ kani nkya Basan úte Manase kaba kakɛ bekyuli. Nsu kaba kakladi bekyuli ama ni, Yosua néle bana kalɔ úte-ma na Yordan ɔƒɛ kanukɔ kakɛ ku Israel kaba bekyuli bakladi. Amu uwi ɔni na Yosua ɔdubo-ma ulu budie ka beteesie bana kuliekɔ ni,

Baga 1 6:38

Na kɔbuli maanedi kɔni baalɔ Bul na lɛkwa leevu-linwidi kemmo ɔni na Ɔga Salomo ɔɔdi lɛga ni, ɔ́tu kakpakɔ kammɔ ƒui ɔ́wɔlɔ aani kalɛ na ɔ́bla kasusu úse. Na akwa maatɛ na Ɔga Salomo úti ɔ́tu Unwoti kakpakɔ kammɔ.

Baga 1 8:55

na únye mmɔ na úte Israelƒuɔ ƒui kusɛ kusɛ ku lɛdi momoomo ɔ́su ɔnini,