Israelƒuɔ Bɔlɛ 36:5 - Katɔti Ɔku Kedee

⁵ Na bésie bátásu Mose banini, “Bekyuli bammɔ béte ala bétulo kalɛ na Unwoti úbo-ma ɔda ka beti batu Kevo kammɔ.”

Israelƒuɔ Bɔlɛ 36:5 Referans Kwoze

Ala Alɛdi 2 24:14

Na ɔɔɔdi egulabi ammɔ ƒui na béti bábla kabla kammɔ, anwuɔsu egulabi ani nébu ni, béti-nya béte Yoas ku Yehoiada na ama lɛnɔ béti béte na bábla kakpakɔ sika ugyiedi ku ɔƒualadi akyami lidu lidu bese kakpakɔ kammɔ kemmo. Na uwi ɔni ƒui na ɔkpane Yehoiada úlie ngba ƒui ni, bátaabla ɔnyi ƒɛƒɛɛ ɔni mɔɔyɔ́ Katɔti kaƒɔ akpala bɔkyula ɔdi teete Unwoti limeyi ndi limeyi.

Ƒilipiƒuɔ 2:21

Nsu ukyuli bamba biala ni, anwu ɔlati bɔdia lɛlɔ na nwuna kasusu kasia na kaaakɛnku Yesu Kristo ulu lɛlɔ.

Israelƒuɔ Bɔlɛ 32:3

Anwuɔsu Bekyuli bammɔ ƒui bédie bana sika ugyiedi ala ani ƒui bakya mmɔ béte Aaron.

Israelƒuɔ Bɔlɛ 36:4

Mmɔ na bekyuli bani ƒui nkya mɔɔtú Kevo kammɔ báda bana abuala béwi.

Israelƒuɔ Bɔlɛ 36:6

Amu na Mose ɔ́tala bekyuli ɔ́kya Israelƒuɔ bammɔ ƒui ka básu-ma banii, “Ɔnana iye uleku ɔdi ɔsɔ uteti etela adi utesienku ka beti batu Kevo kammɔ.” Anwuɔsu báya na bekyuli bammɔ báda ala buti teesienku mmɔ báya.