Israelƒuɔ Bɔlɛ 36:10 - Katɔti Ɔku Kedee

¹⁰ Na báka aduni alɔ básala ɔvi unwi, na báka alɔ lɛnɔ básala ɔvi ɔkladi.

Israelƒuɔ Bɔlɛ 36:10 Referans Kwoze

Ƒilipiƒuɔ 3:15

Na abu bani ƒui nésie anumi na bɔƒɔtaadi kemmo ni, ɔlɛka bɔkɛ kasusu kamɛni. Nsu si badi bebo kasusu kabambadi ni, Katɔti ɔdubɔya na ɔmɛni ɔbla-mii nwaa.

Ƒilipiƒuɔ 2:2

Na si use lɛni sɔsɔ ni, na mɔɔkya-mii ogya ka bɛya na lɛlɔ lɛyɔ-mi lɛwɔlɔ, na biti bɛtina ka biiti kasusu kenwi na bɛɛyɔ́ lɛlɔ na bɛdi benwi na kɔyu ku kasusu kemmo.

Eƒesoƒuɔ 1:23

Baƒɔtaadine bamɛni badi Kristo ɔlɔna na beedie-nwu keyi na ulu biala lɛlɔ ka anwu ndi ukyuli ɔni náƒɔ lɛla biala kemmo ƒui.

Korintoƒuɔ 1 12:27

Anwuɔsu bina ƒui násala bɛ́bla Kristo ɔlɔna ugyii ɔmmɔ na bɛdi-nwu lɛlɔ ekpo unwi unwi.

Korintoƒuɔ 1 12:20

Nsu kalɛ na bɔɔnu-nwu ni, ɔdi ekpo pii. Nsu ɔdi lɛlɔ ugyii unwi.

Korintoƒuɔ 1 1:10

Na kenyekɔ kani na Blɔti Yesu Kristo úte-mi kenye ni, mɔɔsu-mii kpakplaa aani mina banwa baƒɔtaadine kalɛ nnii bina ƒui binu lɛlɔ kalɔ kalɛ na lɛlɔ bule bɔdi bulakya-mii akɔ. Na bɛbla unwi na ala ani na bɛɛkali ku ala ani na bɛwia lɛlɔ.

Batalane Kabla 2:1

Amu ka limeyi lɛni baalɔ Pentekoste limeyi lídu ni, baƒɔtaadine bammɔ ƒui bátása na likpo linwi pɛ.

Seƒania 3:9

“Ndubo adi biala batɛmine bɔbla sɛɛn na bamanku kalɛ na bemwi-mi lɛnyi. Na bana ƒui badubɔsala babla unwi, na babla ami, Unwoti, kabla.

Kɔgya 133:1

Bɛnu kalɛ na ɔɔdia bɔnu si banwani bábla unwi na bása beli liku linwi.

Kɔgya 122:3

Na adi ɔma unengudi ɔni básɔku-nwu bátu na ɔ́sala ɔdanku lɛlɔ na ɔɔdia bɔnu geen.

Israelƒuɔ Bɔlɛ 26:3

Ya na baka aduni alɔ basala kakɛ kenwi na baka alɔ basala kakɛ kanyɔdi.

Israelƒuɔ Bɔlɛ 36:9

Na aduni ammɔ ƒui bɔkɔku bɔdi unwi, bune bɔdi lɛgba aavlene-inyɔ na bɔbɛbɛ bɔdi lɛgba ɛku.

Israelƒuɔ Bɔlɛ 36:11

Na béti aduni buluu buni gyɛlɛɛ baka-nwu kunu kunu na eƒi atɛ-nwu kemmo, na baka bada aduni enengudi ammɔ atu ɔvi unwi. Na bábla lɛni kani ku lɛduni linengudi linyɔdi lɛnɔ atu na ɔvi unyɔdi.