Israelƒuɔ Bɔlɛ 34:9 - Katɔti Ɔku Kedee

⁹ Na ɔ́su-nwu ɔnii, “Unwoti, si mina lɛlɔ lɛ́da-a kubiti sɔsɔ geen ni, muuvele-ɔ nnii kpanku-bu ina ka bekyuli bamɛni bébo atu ɔkplu geen. Ti bula ekpidi kyiɛ-bu na aƒɔ-bu aani ƒula bebi.”

Israelƒuɔ Bɔlɛ 34:9 Referans Kwoze

Kɔgya 33:12

Lɛlɔ lɛdubɔyɔ kadi bekyuli bani mɔɔbu Unwoti kani, ama bani na ɔ́ƒuna aani nwuna bebi!

Kɔgya 94:14

Ɔsika Unwoti ɔɔɔdubo kama bunwini bɔkya nwuna bekyuli baƒunadi.

Lɛkpa Ulu 32:9

Ɔsika Unwoti ɔlati néti Israelƒuɔ bani ndi Yakob bebi ɔ́bla nwuna badi.

Kɔgya 135:4

Unwoti Katɔti ɔlati náƒuna Yakob úte lɛlɔ. Na ɔ́ƒuna Israel kadi ka babla nwuna bekyuli.

Kɔgya 28:9

Unwoti, gyumana bekyuli bani na áƒuna na badi awɔ badi na eete-ma kusɛ kusɛ na ada-ma aani kalɛ na baƒonu ɔdane ɔɔda nwuna baƒonu ɔ́si ɔƒɛni úsela uwi ƒui.

Yeremia 10:16

Nsu awɔ Israel Katɔti ni, eeese lɛni, awɔ nédie ala ƒui na áƒuna Israel kadi bekyuli na badi awɔ badi geen. Ƒula lɛnyi ndi Unwoti Ɔyikune Ƒui.

Israelƒuɔ Bɔlɛ 32:9

“Na ami Unwoti ngyi kalɛ na bekyuli bamɛni bese.

Sakaria 2:12

Na Yuda lɛnɔ ɔdubunwini kalɔ kedee kammɔ kakɛ kadi, na Yerusalem ɔsɔ unwini Unwoti ɔma unengudi ɔƒunadi ɔmmɔ.

Kɔgya 78:62

Na ɔkɛnku kɔnyi kpakplaa kɔni na úti ɔ́kya-ma mmɔ ɔsu ni, ɔ́ya na bekisine bammɔ bádu nwuna kadi bekyuli baƒunadi bammɔ ku kuwii.

Israelƒuɔ Bɔlɛ 19:5

Ɔƒɛni si bínu-mi litemi kaduɛ na bɛ́di mina bunyimi lɛlɔ ni, amii ndubɔbla mina bekyuli bani lɛlɔ na mina kayi kadubɔsia na kadi bekyuli ƒui akɔ, ina ka kayawi ƒui kadi mina kadi.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Yesaia 48:4

Ngyi ka bibo atu ɔkplu ku lili ɔkplu.

Kɔgya 25:11

Unwoti, ɔkɛnku ƒula lɛnyi ɔsu ni, ti mina bɔƒiɔ ƒui kyiɛ-mi ina ka bumomo na babu-ɔ.

Bumomo Bɔka 14:19

Na ɔkɛnku ƒula lɛƒɔndia bonwu ɔsu ni, ti bana ekpidi kyiɛ-ma aani kalɛ kani na eeti takyiɛ-ma ɔ́si uwi ɔni na bɔ́lɛ Egyipte kalɔ lɛlɔ úbedu ɔƒaani.”

Israelƒuɔ Bɔlɛ 34:7

Mɔɔdi mina kenye kani líse líte kaba bekyuli apim apim lɛlɔ na muuti bekyuli bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.”

Lɛkpa Ulu 4:20

Nsu amii amu ni, Katɔti nékpo údie-mii ɔ́lɛku lɛbibo lɛni mɔɔda aani ogya gaganga kemmo na Egyipte kalɔ ka bɛbla nwuna bekyuli bani na bɛdi ɔmwi mɛni.

Lɛkpa Ulu 9:18

Amu na kunyɔdi lɛnɔ ntayu lɛ́tɛ Unwoti anumi na líti mina anumi líbi kalɔ emeyi aavlene usien ku ɔƒɛ ɔni na ntadi iye ntani lɛla lɛdi. Lɛ́bla ɔmɛni ƒui ɔ́si likpidi lɛni bɛ́bla Unwoti na bɛɛbla lɛla lɛni naaayɔ-nwu kaƒɔ ɔsu. Na bɛ́ya na ɔ́kɛ kɔnyi.

Lɛkpa Ulu 9:26

Mmɔ na lɛ́kpali-nwu lívele-nwu nnii, “O Ɔyikune Ƒui Katɔti, tayila ƒula bekyuli bani na ɔkɛnku ƒula ɔyikun ku ɔlɔkplu na édie-ma álɛku Egyipte kalɔ lɛlɔ udu.

Lɛkpa Ulu 9:29

Ɔmɛni ƒui kama ni, bekyuli bamɛni na áƒuna na éti-ma ábla ƒula badi. Na ama na édie álɛku Egyipte kalɔ lɛlɔ ɔkɛnku ƒula ɔyikun bonwu ku ɔlɔkplu ɔsu.”

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Israelƒuɔ Bɔlɛ 33:12

Amu na Mose ɔ́su Unwoti ɔnini, “Ɔdi sɔsɔ ka awɔ násu-mi anii nkpanku bekyuli bamɛni nsienku kalɔ kani kenye na ése-ma lɛlɔ. Nsu átasu-mi ukyuli ɔni na ndubo-mi bubunku.