Israelƒuɔ Bɔlɛ 34:7 - Katɔti Ɔku Kedee

⁷ Mɔɔdi mina kenye kani líse líte kaba bekyuli apim apim lɛlɔ na muuti bekyuli bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.”

Israelƒuɔ Bɔlɛ 34:7 Referans Kwoze

Kɔgya 103:3

Anwu muuti mina alaekpidi ƒui taakyiɛ-mi. Na ɔɔbwi-mi lɛlɛ lɛni ƒui na muuƒi.

Eƒesoƒuɔ 1:7

Ɔsika ɔkɛnku Kristo ubugya lɛlɔ na bɔ́kɛ bɔƒɔ, na ɔmɛni ɔ́tina ka bɔ́kɛ likpidi buti taakyiɛ. Bɛnu Katɔti lɛƒɔndia bonwu lɛni na úti úte-bu!

Yeremia 32:18

Aanu kaba bekyuli mpim mpim kɔnyana. Na lɛni kani na aaní bekyuli kɔtu na bana bawɔne ekpidi ani na bábla ɔsu. Awɔ ndi Unwoti Ɔyikune Ƒui.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.

Daniel 9:9

Unwoti Katɔti, aanu kɔnyana na eeti likpidi taakyiɛ ina ka bɔ́bla alaekpidi na bɔ́ƒiɔ-ɔ,

Kɔgya 130:4

Nsu ni, awɔ muuti alaekpidi taakyiɛ-bu, anwuɔsu na ɔlɛka bɔyia-a na bɔbu-ɔ.

Hiob 10:14

Si lɛ́bla lɛla lɛdi lɛ́ƒiɔ-ɔ ni, agyi ana ƒui, na aaadubo-mi atu budie lɛni, mmomu adubɔni-mi kɔtu.

Israelƒuɔ Bɔlɛ 23:7

Ɔkɔ kenye kani na báda básia ukyuli ɔdi ni, teti litemi lɛmmɔ tabla kabla na adu ukyuli buni kɔtɔ anii badu-nwu, ɔsika lɛɛɛdubo litemi ɔtɛne ukpidi ɔmɛni ubo bute na ɔlɛ kɔtu bɔni kemmo.

Nahum 1:6

Ɔma ndubɔkana Unwoti kɔnyi kpakplaa kɔmmɔ kenye bunye? Nwuna kɔnyi kuubile ala aani kalɛ na ogya ɔɔda taakyula ala, na atabi muedi aabwɛ.

Daniel 9:4

Na lɛ́kpali Unwoti mina Katɔti kpakplaa geen lɛ́su nnini, “Bula Unwoti, adi Katɔti ɔni na ébomo na ƒula lɛlɔ libo liƒu geen. Na bekyuli bani na baayɔ́-ɔ na beenú ƒula litemi ni, alalɛ ƒula linyese lɛni na ényimiku-ma kama kudii.

Hebriƒuɔ 12:29

Ɔsika bula Katɔti use aani ogya ɔni mɔɔkyula ala.

Eƒesoƒuɔ 4:32

Mmomu ni, bitaanyuɛ lɛlɔ, na bina lɛlɔ litaakywi-mii kaƒɔ. Na biteeti bina bɔƒiɔ taakyiɛ lɛlɔ aani kalɛ na Katɔti úti ɔ́kyiɛ-mii ɔkɛnku Kristo lɛlɔ.

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Nehemia 9:32

“Ɔƒɛni, o bula Katɔti ɔni na edu na ebomo, na eeti bɔyɔ taadi bunyimi lɛlɔ ni, buvele bɔda-a bɔnii tabu lɛbibo lɛni mɔɔlɛ́ mɛni aani lɛla lɛni nse bliisuɛ na ƒula anumi. Na tabu lɛbibo lɛni mɔɔlɛ́ abu ku bula baga ku bula batɔnkune ku bula bakpane ku kenye bediene ku bula bati ku ƒula bekyuli ƒui lɛlɔ úti ɔ́si Asiriaƒuɔ baga uwi úbedu ɔmwi kadi aani lɛla blii.

Nehemia 1:5

Na lɛ́su nnini, “O Unwoti Katɔti ɔni nkya katɔ, ébomo na ebo ɔyikun na ámanku ka bɔyia-a. Na adi Ati ɔni na eeti bɔyɔ taadi ƒula bunyimi lɛlɔ teete bekyuli bani na aayɔ́ ka baadi ƒula ɔda bubo lɛlɔ ɔsu.

Batalane Kabla 13:38

“Banwa, binu! Na Yesu ɔmɛni lɛnyi kemmo ni, Katɔti ɔdubuti bina ekpidi ɔkyiɛ-mii.

Batalane Kabla 5:31

Katɔti úte-nwu kenyekɔ kenengudi na nwuna kɔdianu. Na úti-nwu ɔ́bla Ɔgadine ku Ɔƒɔne kalɛ na Israelƒuɔ bakɛ kuƒi benwini bana kɔyi, na bakɛ ekpidi butitaakyiɛ.

Yosua 24:19

Amu na Yosua ɔ́su Israelƒuɔ ɔnini, “Ngyi ka bilakana Unwoti bɔɔsiaku, ɔsika ɔdi Katɔti ɔni nse kedee na uukpó kogyulo na si bɛ́ta binye-nwu lɛlɔ ni, uleti bina ekpidi ulakyiɛ-mii.

Lɛkpa Ulu 32:35

Na uwi uletu badubɔnu lɛla lɛni na ɔlɛka banu. Na uwi ɔdubo ɔni na bana ƒui badubo bubuli. Na bana kɔtu bɔni uwi úude.

Israelƒuɔ Bɔlɛ 23:21

Binu ɔtu ɔmmɔ litemi biala lɛni na ɔdubo-mii bɔsu. Na ɔdi utata utenye-nwu lɛlɔ, ɔsika ami nátala-nwu. Na si ɔdi ɔ́ta únye-nwu lɛlɔ ni, uleti ulakyiɛ-nwu, ɔsika mina lɛnyi lɛlɔ na ɔkɛ.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Budie Taatina 20:15

Na ukyuli ɔni na bétenweni-nwu lɛnyi bátakya ngba ɔku ɔmɛni kemmo ni, béti-nwu bébo bákya lɛgyavonku lɛmmɔ kemmo.

Luka 7:48

Amu na Yesu ɔ́su uleku ɔmmɔ ɔnini, “Ákɛ ƒula ekpidi buti taakyiɛ.”

Luka 7:42

Bekyuli bamɛni ƒui ɔdi útakana na ɔƒɔ-nwu kayu kamɛni. Anwuɔsu úti kayu kɔmmɔ ƒui ɔ́kyiɛ-ma. Na nkyuli inyɔ bamɛni kemmo ni, ɔmani na aabu anii ɔdubɔyɔ ɔlakɛne ɔmɛni utulo?”

Mateo 12:31

Ɔmɛni ɔsu ni, mɔɔsu-mii nnii Katɔti ɔdubuti alaekpidi biala na bekyuli bábla ku anyikpi biala ani na bálɔ Katɔti ƒui ɔkyiɛ-ma. Nsu anyikpi ani na ukyuli ɔdi ɔdubɔlɔ Katɔti Kɔyu ni, Katɔti uleti ulakyiɛ-nwu.

Mika 6:11

Nsu ami Unwoti ndubo-mii kɔtu bɔni na akɔkula ekpidi ani na bɛda bɛɛkya ala na bɛɛkɔ́ku ala unu lɛnɔ na biiyú-ma mɛni ɔsu.

Yesaia 45:21

Bɛta na bɔsa na litemi katɛkɔ, munuu ńtasu-mii ɔ́si kukuuku lɛla lɛni ndubo libalɛ? Ami lɛti kani ndi Katɔti ɔmmɔ! Na ɔdi ɔsɔ uuubunku-mi. Ami kani mɔɔƒɔ́ bekyuli ngba na ami kani mɔɔbla ala ulu siin lɛlɔ.

Kɔgya 136:15

Nsu ɔ́nyina Ƒarao ku nwuna badi ƒui ama ɔ́kya ntu bɔmmɔ kemmo. Ɔsika ɔɔyɔ́-bu uwi ndi uwi.

Kɔgya 136:10

Bɛgya anwu ɔni náya na bebi bedeedi bani na Egyipteƒuɔ báwɔ ku bana bebuo bebi bedeedi ƒui békpi enu. Ɔsika ɔɔyɔ́-bu uwi ndi uwi.

Mateo 6:12

Na eti bula ekpidi akyiɛ-bu aani kalɛ na buuti taakyiɛ bani mɔɔƒiɔ́-bu.

Ala Kalɔ Buse 19:16

Ka Lot unye ɔɔní litemi lɛmɛni teenene ni, batu bammɔ báda-nwu kɔnu ku ulekudi lɛnɔ enu ku nwuna bebi belekubi inyɔ bammɔ, ɔsika Katɔti ɔɔyɔ́ ka udie-ma na bákpanku-ma bálɛku ɔma unengudi ɔmmɔ kemmo.

Israelƒuɔ Bɔlɛ 33:19

Amu na Unwoti údie kenye ɔnini, “Ndubɔya na mina bukeye bɔvi ƒula anumi. Na si mɔɔví ni, ndubɔlɔ mina lɛnyi kedee nnii Unwoti. Na ukyuli ɔni litemi mɔɔyɔ́ ni, ndubɔnu-nwu kɔnyana. Na ukyuli ɔni mɔɔyɔ́ lɛnɔ ni, ndubɔbla-nwu lɛƒɔndia.

Israelƒuɔ Bɔlɛ 34:9

Na ɔ́su-nwu ɔnii, “Unwoti, si mina lɛlɔ lɛ́da-a kubiti sɔsɔ geen ni, muuvele-ɔ nnii kpanku-bu ina ka bekyuli bamɛni bébo atu ɔkplu geen. Ti bula ekpidi kyiɛ-bu na aƒɔ-bu aani ƒula bebi.”

Lɛkpa Ulu 7:9

Na bɛti nwaa ka bina Unwoti Katɔti kani ndi Katɔti ɔni nkya na ɔɔdi nwuna litemi lɛlɔ uwi ndi uwi na ulalɛ-ni kama. Na ɔɔdi nwuna bunyimi lɛlɔ na uudie nwuna bɔyɔ taatina bekyuli bani mɔɔyɔ́-nwu na baadi nwuna ɔda bubo lɛlɔ útédu kaba apim apim.

Lɛkpa Ulu 7:10

Nsu bani muukisi-nwu ni, ulenye taanu-ma gyɔlɔɔ mmomu uudie taalɛ-ma anumi ku anumi na ɔyila-ma udu kɔnakunwi.

Baga 1 8:30

Anwuɔsu nu ƒula kabla ɔblane ku Israelƒuɔ bɔkpali si bénye mɛni bákpali-ɔ. Na enu asiku katɔ, kesii kani ndi ƒula keliekɔ. Na si enu ni, na eti bana ekpidi akyiɛ-ma.

Ala Alɛdi 2 30:9

“Na bekisine bani néƒie bina lɛlɔ bekyuli badi bátɔlɔku ni, badubɔya na basɔ benwini bebo ɔma. Unwoti Katɔti ubo lɛƒɔndia na ɔɔnu kɔnyana. Na si bínwini bíbo-nwu kudɔ ni, ɔsɔ ɔɔɔdubo nwuna kama bunwini bɔkya-mii kudii.”

Yeremia 9:24

Na ukyuli ɔni mɔɔkun lɛmɛnɛ ni, ɔnu ka nwuna kasusu kese-nwu nwaa na ɔsiaku ami Unwoti. Na lɛla lɛni na mɔɔyɔ́ teetulo ƒui ndi lɛƒɔndia bɔbla ku etemila bɔtɛ siin ku bekyuli kɔnyana bɔnu na kalɔ kammɔ ƒui lɛlɔ.

Baga 1 8:32

na enu asiku katɔ na atɛ litemi lɛmmɔ. Na ɔni na ádu kɔtɔ ni, na ani-nwu kɔtu kalɛ na ɔ́manku. Na edie ɔni nátaƒiɔ ubo atina na ukeye.

Kɔgya 25:11

Unwoti, ɔkɛnku ƒula lɛnyi ɔsu ni, ti mina bɔƒiɔ ƒui kyiɛ-mi ina ka bumomo na babu-ɔ.

Kɔgya 99:8

O Unwoti, bula Katɔti, uwi ɔni na ƒula kadi bekyuli bábla likpidi ni, áni-ma kɔtu nsu ka bákpali-ɔ ni, énu na éti bana ekpidi ákyiɛ-ma.

Kɔgya 109:14

Unwoti unyimo nwuna bati kuuku ekpidi na uteti uni ekpidi utakyiɛ-nwu.

Yeremia 30:11

Na ndubɔsɔku-mii ku bina bawɔ liboku bina kalɔ kani lɛlɔ na mɔɔgyumana-mii na mɔɔnu-mii lɛlɔ na mɔɔyá na keyi kaayɔ́ku-mii lɛlɔ. Na liƒu biala lɛsɔ lilakya-mii kemmo. Ami Unwoti násu.”