Israelƒuɔ Bɔlɛ 34:25 - Katɔti Ɔku Kedee

²⁵ “Teti akpala ubugya ku lɛla biala kemmo na bɔnyii bɔkya tabla akpala tete-mi. Na akpala ani na ábla na Kukpi Lili Bɔvia Limeyi ni, taya na kadi kegye akpala ammɔ lɛlɔ.

Israelƒuɔ Bɔlɛ 34:25 Referans Kwoze

Israelƒuɔ Bɔlɛ 23:18

“Biteti lɛla biala kemmo na bɔnyii bɔkya bitebunku ubugya akpala ani na bíti biite-mi lɛlɔ. “Na bebuo bani akpala na bɛ́bla bíte-mi na emeyi atɛ amɛni kemmo ni, bɛnu ka kadi kétegye ɔdi lɛmwi lɛlɔ.

Israelƒuɔ Bɔlɛ 12:10

Na bɛnu ka lɛna lɛmmɔ lɛdi lítebu asa na kadi kégye. Na si ɔdi úbu ni, na bɛkyula-ni ɔtanta ɔmmɔ.

Lɛkpa Ulu 16:3

Na si bɛɛdi Kukpi Lili Bɔvia adila ammɔ ni, biteti bɔnyi bɔni mɔɔyá na ɔlaaƒɔ uuƒu bitasala bodobodo ɔmmɔ kemmo. Biti emeyi maatɛ bɛdi bodobodo ɔni neeeƒu aani kalɛ kani na bɛ́bla limeyi lɛni na bɛ́babla na bɛ́tɔlɔ Egyipte kalɔ lɛlɔ mmɔ. Na si bɛɛdi bodobodo ɔmmɔ udu ni, bɛsia-nwu lɛnyi bɛnii Lɛbibo Adila Bɔdi kalɛ na biteenyimo na bina ngba bulie ƒui kemmo abi ani na bíbo uwi ɔni bɛ́kya Egyipte kalɔ lɛlɔ.

Bumomo Bɔka 9:12

Na betebu ala ammɔ lɛdi betese na kadi kegye-ni lɛlɔ iye babwɛ likubi lɛdi lɛnɔ si baadi. Ɔƒɛni si baadi limeyi lɛmɛni ni, badi bunyimi bɔmmɔ ƒui lɛlɔ kaduɛ.

Lewiƒuɔ Ɔda Bubo 7:15

Ɔƒɛni ebuo ɔni na úti úboku úbo ɔɔbla unwi bɔbla enugya akpala ammɔ ni, limeyi lɛni na bábla akpala ammɔ lɛlɔ kani na ɔlɛka bakun lɛna lɛmmɔ. Na ukyuli ɔmmɔ ulada-ni ulése na kadi kegye kewi-nwu lɛlɔ.

Israelƒuɔ Bɔlɛ 29:34

Na si adila kedee ammɔ ébu úti útédu lɛdigye ni, na bakyula-nya.

Israelƒuɔ Bɔlɛ 12:20

Bitadi lɛla biala kemmo na bákya bɔnyii. Bodobodo ɔni néteƒu kani na ɔlɛka bɛdi na kesi kesii na bɛdubɔkya na emeyi bɔdi bɔmmɔ kemmo.”

Israelƒuɔ Bɔlɛ 12:8

Na usien ɔmmɔ ni, ukyuli biala uƒi nwuna lɛna na ɔkun-ni ku evete ani mbo ɔdu ku bodobodo ɔni kemmo na bɔnyii buuubo.

Mateo 13:33

Yesu ɔ́sɔ úbo-ma lɛgba lɛbambadi ɔnini, “Katɔti lɛga bɔdi litemi bugyingya buse aani ɔmɛni. Uleku ɔdi úti bɔnyii ɔ́salaku ɔlaaƒɔ koƒo kunwi na ɔ́nwu ɔ́sala útédu uwi ɔni na bɔnyii bɔmmɔ bɔ́ƒɔ ɔlaaƒɔ ɔmmɔ ƒui na úƒu.”

Lewiƒuɔ Ɔda Bubo 2:11

“ ‘Edula ebi etela biala na ɔdi éti aduboku-mi ni, nu ka bɔnyii bɔdi buuubo-nwu kemmo. Ɔsika lɛla lɛni kemmo na bɔnyii bɔkya iye uwɔ ni, utalɛka beti-nwu babla ogya akpala bɔkyula ƒui bete-mi.

Lɛkpa Ulu 16:4

Na emeyi maatɛ kemmo ɔdi biala uteti bɔnyi bɔni mɔɔyá na ɔlaaƒɔ uuƒu utese nwuna kaduli. Na ebuo ɔni na bɛ́du na Kukpi Lili Bɔvia limeyi lideedi useyi uwi ni, na bɛkun lɛna lɛmmɔ useyi ɔmmɔ kani. Bitebu ɔdi bitese lɛlɔ.