Israelƒuɔ Bɔlɛ 34:21 - Katɔti Ɔku Kedee

²¹ “Emeyi aku na ebo kuƒi ka abla kabla biala. Nsu ɔtuma uwi na ɔdi o-o, edula ɔƒɛwi o-o ni, tabla kabla kadi na limeyi maatɛdi lɛlɔ.

Israelƒuɔ Bɔlɛ 34:21 Referans Kwoze

Israelƒuɔ Bɔlɛ 23:12

“Biti emeyi aku bɛbla bina kabla na bɛnwuna limeyi maatɛdi lɛlɔ. Kalɛ na bina baƒɔ ku bekyuli bani mɔɔbla kabla teete-mii ku bina bebuo muedi lɛnɔ bakɛ bɔnwuna.

Luka 13:14

Yudaƒuɔ kasalakɔ kammɔ lɛlɔ ɔnune úti kɔnyi geen sɔsɔ na ɔni na Yesu ɔ́bwi ɔlɛne na lɛnwunameyi lɛlɔ ɔsu. Anwuɔsu ɔ́su bekyuli bammɔ ƒui ɔnini, “Bubo emeyi aku ani buti bɔbla bula kabla. Anwuɔsu bibo na emeyi amɛni kemmo si lɛla lɛdi lɛda bina akɔ ɔdi na babwi-nwu, na ɔɔɔdi lɛnwunameyi lɛlɔ!”

Samuel 1 8:12

“Ɔdubɔya na badi benwini bekpone benengu na bekpone mpim mpim lɛlɔ. Na badi lɛnɔ badubɔdi bekpone liti liti lɛlɔ. Na badi ama ni, badubo butaatuma na nwuna kemo na bataaƒɛ edula teewi-nwu linwu. Na ɔdubɔya na badi bataabla ekpola teete nwuna bekpone bani ndanku nwuna kɛɛkɛ.

Lɛkpa Ulu 21:4

Na beti ɔmantɛ akɔ ɔmɛni besienku kɔwɛ kɔni kemmo na ketu kani nátakwii kudii katɛ na bátatuma mmɔ iye bátava edula adi mmɔ kudii. Na si bésie mmɔ ni, na beti lɛla lɛdi baƒiɛmi ɔmantɛ akɔ ɔmmɔ limɔ kama badu.

Israelƒuɔ Bɔlɛ 35:2

Ɔnii bibo emeyi aku ka biti bɛbla bina kabla. Nsu limeyi maatɛdi lɛlɔ ni, bɛbla-ni kedee bite Unwoti na ɔdi utabla kabla kadi. Na si ukyuli ɔdi ɔ́bla kabla kadi lɛnwunameyi lɛlɔ ni, ɔlɛka badu-nwu.

Luka 23:56

Na básɔ bénwini bésie kaduli na bátákɔ ala ƒɛƒɛɛ ani na beeti taawɛɛ ukpine lɛlɔ bése. Amu na lɛnwunameyi lɛlɔ ni, bánwuna aani kalɛ na ɔda bubo bɔmmɔ bɔɔtina.

Yesaia 30:24

Na bebuo bani na bíbo anwami kɔgba bɛ́da na benye beegúlu kalɔ teete-mii muedi bɛdubute-ma antabi abuni ani na bígyuo bídie akpa na bakun.

Ala Kalɔ Buse 45:6

Akwa anyɔ sɔɔn mɛni ka kɔka kúbo kalɔ ƒui lɛlɔ. Na akwa alɔ bamba ani lɛnɔ ndubo ni, ɔdi ulakana edula adi bɔkya na balaƒɛ adi lɛnɔ na kalɔ kammɔ ƒui kemmo.

Israelƒuɔ Bɔlɛ 31:15

Su-ma anii beti emeyi aku babla kabla bete lɛlɔ, nsu limeyi maatɛdi lɛdi lɛnwunameyi lɛni lídie líse líte lɛlɔ. Na ukyuli ɔni mabla kabla kadi limeyi lɛmmɔ lɛlɔ ɔlɛka badu-nwu.

Lewiƒuɔ Ɔda Bubo 23:3

“ ‘Emeyi aku na bɛdubuti bɛbla bina kabla, nsu limeyi maatɛdi ni, lɛdi bɔsa kedee limeyi lite-mii. Na ɔdi utalɛka ɔbla kabla kadi na kesi kesii na bilie, ɔsika ɔdi Lɛnwunameyi ute Unwoti.

Nehemia 13:15

Uwi ɔmmɔ kemmo ni, lɛ́nu bekyuli ka baabla ntɛ na lɛnwunameyi lɛlɔ na Yuda. Na badi lɛnɔ bákya beeti bana edula ku ntɛ ku adingyii ebi ku ala bamba na bényimi básia bana bebuo ala betine kama. Na líbo-ma ɔda kpakplaa ka ɔdi úteti nwuna lɛla lɛdi utéye lɛnwunameyi lɛmmɔ lɛlɔ.