Israelƒuɔ Bɔlɛ 34:15 - Katɔti Ɔku Kedee

¹⁵ “Na awɔ ku kadi bamba bekyuli badi bitenyimi bunyimi bɔdi. Ɔsika si baakpá bana baƒiɔ na baabla akpala teete-nwu ni, badubo-ɔ bɔlɔ na ɔmɛni ɔdubunwini ala ani ndubo-ɔ bukpoku na adubɔdi bana adila.

Israelƒuɔ Bɔlɛ 34:15 Referans Kwoze

Litemi Batɛne 2:17

Nsu ɔmɛni kama ƒui belenu litemi batɛne bamɛni litemi. Na béti lɛlɔ bénwini bayalɛ, na bakɛ basiaku baƒiɔ lidu kama baakpá-ma. Kaba kamɛni bekyuli ama bávumana ƒui kede kede, na beeese aani bana bati, na baaasiaku bana ɔbladu kama, na bétenu litemi na bataadi Unwoti ɔda bubo lɛlɔ.

Korintoƒuɔ 1 8:4

Na ɔmɛni ndi lɛla lɛni mɔɔsu-mii na adila ani na béti bákpa na baƒiɔ abi lɛlɔ bɔdi lɛlɔ. Bɔgyi ka ala ani na bekyuli bábla bése baakpá ni, aaadi lɛla lɛdi na kayawi kamɛni kemmo. Ɔsika bɔgyi ka Katɔti unwi pɛ kani nkya.

Kɔgya 106:28

Na Peor mmɔ ni, muna kadi bekyuli béti bana lɛlɔ bátámana baƒiɔ bani baalɔ banii Baal lɛlɔ. Na baadú bebuo taakpa lɛla lɛni neeebo ngba.

Lɛkpa Ulu 31:16

Amu na Unwoti ɔ́su Mose ɔnini, “Adubo bukpi. Na ƒula kekpima ni, bekyuli bamɛni badubo-mi kama bɔlɛ na bata benye ɔda ɔni na líbo-ma lɛlɔ. Badubo-mi bɔda buse na besie batátaakpa kadi bamba baƒiɔ na kalɔ kani lɛlɔ bésela betélie mmɔ lɛlɔ.

Bumomo Bɔka 25:2

Na ɔkɛnku ɔmmɔ ɔsu beleku bamɛni baakpanku banana bammɔ teesienku bana lɛƒiɔkpa emeyi bɔdi kalɔ. Na Israelƒuɔ baadi adila ani béti bákpa béte baƒiɔ na baalɛ-ma akɔnkɔ kalɔ.

Korintoƒuɔ 1 10:27

Si ukyuli ɔni naaadi ɔƒɔtaadine ɔdi ɔ́lɔ-ɔ ɔnii baadiku-nwu na átuna na ésie ni, lɛla biala na úte-ɔ ɔnii di ni, di na teye lɛla lɛdi enu ati si adila ammɔ ese kedee iye eeese.

Korintoƒuɔ 1 8:10

Kali nu si ukyuli ɔni na nwuna bɔƒɔtaadi buuubo ɔkplu ɔnu-ɔ aani ukyuli ɔni na ƒula lɛnunda lísie anumi ka aadi adila ani bákpa béte baƒiɔ na nwuna ɔtɔ. Anwu lɛnɔ ɔdubɔkɛ ɔyikun na ɔdi adila ani na béti bákpa béte baƒiɔ mmɔ.

Korintoƒuɔ 1 8:7

Ɔɔɔdi ukyuli biala ngyi litemi geen lɛmɛni. Ala ani na bekyuli bábla bése baakpá ni, ése áƒɔ badi lɛlɔ kemmo ɔni na úbedu ɔmwi kadi si bádi adila amɛni udu ni, baabu banii baƒiɔ adila na adi. Na bana kasusu kpɛtɛ kpɛtɛ kaadú-ma kɔtɔ ka adila ammɔ aayá beesé lɛlɔ.

Yeremia 3:9

Útekpoku Yuda lɛga kadikɔ munu munu ka úti lɛlɔ únwini ɔyalɛ. Na úbile lɛlɔ ku kalɔ kammɔ ƒui, na beesé lɛlɔ na lɛƒiɔkpa kpakplaa lɛni kemmo na béti lɛlɔ bákya na baakpá atabi ku egyii ɔsu.

Lewiƒuɔ Ɔda Bubo 17:7

Na básɔ batabla akpala adi betete bese udu baƒiɔ bani na bakɛ basiaku aani kalɛ na bayalɛ baabla. Na ɔda bubo bɔmɛni buse bute amii ku bina kaba ɔ́si ɔƒɛni úsela uwi ƒui.’

Israelƒuɔ Bɔlɛ 34:12

Na awɔ ku kadi bamba bekyuli badi bitenyimi bunyimi bɔdi na kalɔ kani lɛlɔ na ésela mmɔ.

Budie Taatina 2:20

“Nsu bɔƒiɔ bɔni muudie-mii ndi ka biite uleku Isebel ɔni mɔɔlɔ lɛlɔ ɔnii Katɔti kenye udiene kuƒi. Nsu uleku ɔmmɔ ala ani na ɔɔtina aayá na mina kabla bablane bayii ulu na baabla lɛyalɛ ala, na baadi adila ani na béti bákpa béte baƒiɔ.

Hosea 9:1

Israelƒuɔ, lɛlɔ litayɔ-ɔ munu munu! Na tebimi lɛlɔ aani kalɛ na kadi bamba bekyuli baadi bana emeyi kalɛ, ɔsika ádi lɛyalɛ ágya na álɛ ƒula Unwoti Katɔti kama. Na akɛ eebi taata na kesii biala na beewiile edula, na aaƒɔ́ lɛla lɛdi biala na bɛ́di kuye ka bete-ɔ.

Hosea 4:12

Na bakɛ beebó like na egyiiku kudɔ ka bati lɛla lɛni na babla! Na egyiiku ammɔ lɛnɔ aasu-ma lɛla lɛni na baawia bati! Bányonu-mi aani uleku ɔni nányonu ɔnana na únwini ɔyalɛ, na bakɛ basiaku ala bamba kama.

Kɔgya 73:27

Na bekyuli bani mɔɔlɛ́-ɔ kama ni, ɔkɔ uuubo-nwu kemmo ka badubo bɔyii ku udu.

Esra 6:9

Na lɛla biala na Yerusalem bakpane badubo bɔwia aani ɔmantɛ bakɔ iye edula ebi iye mma iye nnɔ iye ntɛ ka beteeti taabla limeyi ndi limeyi akpala na Katɔti ɔni nkya Katɔ kakpakɔ ni, na beteete-ma na beteni ɔdi bute.

Lɛkpa Ulu 7:2

Unwoti ɔdubo-ma budie bute-mii na bɛbɔku-ma bɛlɛku kalɔ kammɔ lɛlɔ. Na mmɔ na ɔlɛka bɛyila-ma udu ƒui na bitanu ɔdi biala kɔnyana lɛnɔ. Amii ku-ma bitenyimi lɛla biala bitete lɛlɔ.

Bumomo Bɔka 15:39

Na adi linwo lɛmmɔ lɛdubɔbla enyimola ute-mii na uwi biala bɛ́nu adi ammɔ ni, bɛdubo buteenyimo mina ɔda bubo na bitaadi-nwu lɛlɔ kalɛ na bilálɛ-mi kama na bitásiaku amii alati ɔbladu kama.

Israelƒuɔ Bɔlɛ 34:10

Amu na Unwoti ɔ́su Mose ɔnini, “Ndubo bunyimi bɔwɔdi bunyimiku-ɔ na Israelƒuɔ ƒui anumi. Na bana anumi ndubo ala ebendi ani ukyuli ɔdi utabla kudii na kalɔ lɛlɔ bɔbla. Na ɔyawine biala ɔdubɔnu lɛla lɛni na ami ɔni ndi Unwoti ndubɔkana bɔbla. Ɔsika ndubo liƒu ala bɔbla bɔtina-a.

Israelƒuɔ Bɔlɛ 23:32

Na amii ku bekyuli bammɔ iye bana baƒiɔ ni, bitenyimi lɛla lɛdi bitete lɛlɔ.

Batalane Kabla 15:20

Mmomu bɛya bunweni-ma ɔku na bada ala aani béti bákpa béte baƒiɔ na aayá na beesé lɛlɔ bɔbla baya ku kɔsɔnɔ bɔdi ku bebuo bani bélii-ma amɔ bádu bɔkun ku ubugya bɔni baya.

Israelƒuɔ Bɔlɛ 22:20

“Ukyuli biala matábla akpala mete unwoti ɔdi ɔni na ɔɔɔdi Katɔti ni, ɔlɛka badu-nwu.

Israelƒuɔ Bɔlɛ 32:8

Báyila ulu geen ɔni na líbo-ma ɔda nnii basia mmɔ lɛlɔ. Na béti sika ugyiedi bávɔ ɔmantɛ akɔ na baakpá-nwu na baabla akpala teete-nwu. Na baasu banini, ‘Ɔmɛni ndi bula Katɔti ɔni nákpanku-bu ɔ́lɛku Egyipte kalɔ lɛlɔ.’

Bumomo Bɔka 25:1

Uwi ɔni na Israelƒuɔ bákya Sitim ni, na ama ku Moab belekubi bése kalɔ baatɛ.

Lɛkpa Ulu 7:3

Na bitaya na amii ku kadi bamba bammɔ bekyuli biti lɛlɔ. Biteti bina bebi beleku bitete-ma iye biti bana belekubi bite bina bananabi.

Lɛkpa Ulu 32:37

Amu na Unwoti ɔdubuye nwuna bekyuli ɔnini, “Wɛ na baƒiɔ bani na bɛɛsu ka bebo ɔyikun ɔsu na bɛ́ƒɔ-ma bɛdi mmɔ bakya?

Lɛkpa Ulu 32:38

Na biti bebuo bani nélie lɛmwi bɛkpa bite-ma. Na bite-ma ntɛ na bani. Bɛsu-ma na bebo bebebunku-mii ɔƒaani. Bɛya na bekeli babaƒɔ-mii.

Yosua 23:12

“Nsu si bɛ́lɛ bina Unwoti kama na bíti lɛlɔ bɛ́sala ku kadi bamba bekyuli bani nébu mmɔ akɔ na biiti lɛlɔ ni,

Litemi Batɛne 3:6

Na kadi bekyuli bamɛni ku Israelƒuɔ beeti lɛlɔ, na Israelƒuɔ baakpá bana baƒiɔ.

Ala Alɛdi 1 5:25

Nsu bekyuli bammɔ bátasiaku bana bati kuuku Katɔti kama. Na béni-nwu na bésie bákya baakpá benwoti bani Katɔti ɔ́bɔku ɔ́lɛku kalɔ kammɔ lɛlɔ.

Esra 9:12

Ɔmmɔ ɔsu biteti bina bebi belekubi bitete-ma na beti iye bɛya na bina bakloƒu beti bana belekubi. Na bitawia ulu ɔdi na amii ku ama bɛbla unwi na ulu ɔdi lɛlɔ. Na bɛdubɔkɛ ɔlɔkplu na bɛdi ala abuni ani nkya kalɔ kammɔ kemmo na bise bina bebi ku bawɔ kama úsela uwi ƒui.’

Israelƒuɔ Bɔlɛ 22:19

“Ukyuli biala na anwu ku ebuo ɔdi bátɛ ni, ɔlɛka badu ukyuli ɔmmɔ.

Lɛkpa Ulu 31:18

Na ndubuni ka libunku-ma, ɔsika bénwini bésie bakya baakpá baƒiɔ ɔ́si bana likyulikpi ɔsu.