Israelƒuɔ Bɔlɛ 34:13 - Katɔti Ɔku Kedee

¹³ Mmomu bo bana akpabi ƒui bwɛ na ayila bana baƒiɔ bani baalɔ banii Asera ligyii lɛni bálɛ ƒui udu.

Israelƒuɔ Bɔlɛ 34:13 Referans Kwoze

Baga 2 18:4

Na ɔ́bwɛ aƒiodu ani na abi eli mmɔ ƒui, na ɔ́ƒɛ atabi kedee lɛƒiɔgyii lɛni na bálɛ béte Asera baƒiɔ mmɔ. Na lɛbualagyie lɛni na Mose úti ɔ́vɔ kɔlakpi mmɔ ni, úbo-ni ɔ́bwɛ, ɔsika Israelƒuɔ baakyula oloƒui teete-ni. Na baalɔ-ni Nehustan.

Israelƒuɔ Bɔlɛ 23:24

Na bitakya lili kalɔ bitete bana baƒiɔ na bitaabla-ma kabla, na bitasiaku bana ɔbladu kama lɛnɔ. Ɔlɛka bɛbwɛ bana baƒiɔ ku bana atabi kedee ammɔ ƒui kpɛtɛ kpɛtɛ.

Lɛkpa Ulu 16:21

Si bɛɛtú lɛkpabi lɛdi bite bina Unwoti Katɔti ni, biteti baƒiɔ beledi bani baalɔ banii Asera ɔƒiɔgyii bitalɛ Katɔti lɛkpabi lɛmmɔ kudɔ.

Lɛkpa Ulu 7:5

Anwuɔsu ni, bibo bana akpabi ƒui bɛbwɛ. Na bibo bana atabi ani baalɔ banii atabi kedee lɛnɔ bɛbwɛ kpɛtɛ kpɛtɛ. Na bɛƒɛ bana lɛƒiɔgyii lɛni na bálɛ béte bana baƒiɔ beledi bani baalɔ Asera baƒiɔ. Na bibo bana baƒiɔ ƒui bɛkya ogya kemmo.

Ala Alɛdi 2 31:1

Ka bádi limeyi lɛmmɔ báwɔlɔ ni, bekyuli bammɔ bésie Yuda lɛma ƒui kemmo na bátábwɛ atabi baƒiɔ bani ƒui na bátu bálɛ lɛma lɛmmɔ kemmo. Na békulo lɛƒiɔgyii lɛni na bálɛ béte Asera baƒiɔ mmɔ ƒui béwi kalɔ. Na baƒiɔ lidu biala na bátu na abi eli ku bana akpabi ƒui ni, bábwɛ-ma na Yuda kalɔ lɛlɔ ƒui ku Benyamin ku Eƒraim ku Manase ɔƒɛ kanukɔ kakɛ ƒui béwi kalɔ na bátɔlɔ bésie bana kɔduli.

Baga 2 23:14

Na Ɔga Yosia ɔ́kɔ atabi ammɔ kpɛtɛ kpɛtɛ ɔ́bla ɔtumu, na ɔ́gyu Asera liƒiɔgyii lɛmmɔ údie. Na kesii kani na ɔ́gyu ligyii lɛmmɔ údie ni, úti bekyuli ekubi útébile bana ekisila na mmɔ.

Litemi Batɛne 6:25

Amu na usien ɔmmɔ ni, Unwoti ɔ́su Gideon ɔnini, “Ti ƒula ɔti ɔmantɛ akɔ ɔni nsiaku ebuo unengudi kama unyɔdi ɔni náakɛ akwa maatɛ. Na atáƒɛ ƒ'ɔti Baal baƒiɔ bani na ɔ́tu ɔ́lɛ mmɔ. Na amɛnɛ Asera kugyii kɔni kunye-nwu kudɔ mmɔ ewi kalɔ.

Litemi Batɛne 2:2

Na lɛ́su-mii ka ɔdi biala utenyimi lɛla lɛdi ku bekyuli bani nlie kalɔ kammɔ kemmo. Na bibo bana akpabi ƒui bɛƒɛ biwi kalɔ. Nsu bítadi mina litemi lɛlɔ. Na muuye-mii nnii bi ɔsu bɛ́bla lɛni?

Litemi Batɛne 6:26

Na atu lɛkpabi buni lɛni nákuku ete ƒula Unwoti Katɔti na katɔ mmɔ. Na eti ɔmantɛ akɔ ɔmmɔ abla bɔkyula akpala ete-mi. Na eti kugyii kɔni na amɛnɛ mmɔ ekyweni abla akpala ammɔ.”

Baga 1 14:15

Na Unwoti ɔdubɔni Israel kɔtu na ɔkunku-nwu aani kalɛ na ntu buubó ketu kemmo alakpi teesie teebo. Na ɔdubɔgyu Israel udie kalɔ kabuni kani na úti úte bana bati kuuku, na úgyingya-ma útákya ketu ɔvi. Ɔsika bákya Unwoti kɔnyi ɔkɛnku Asera lɛƒiɔgyii lɛni na bálɛ mmɔ ɔsu.

Ala Alɛdi 2 14:3

Úbo baƒiɔ ƒui ɔ́bwɛ ku bana abi ƒui. Na úkulo baƒiɔ ligyii lɛni na bálɛ béte Asera baƒiɔ bɔkpa mmɔ bene ƒui. Na ala ani na bávɔ ku atabi ani bánwi bábla báƒiɔ mmɔ ƒui ɔ́bwɛ-nya úwi kalɔ kpɛtɛ kpɛtɛ.

Ala Alɛdi 2 15:16

Asa unieku ɔni baalɔ Maaka ɔ́tu baƒiɔ bonwu badi úte uleku Asera kɔwɔ baƒiɔ, anwuɔsu Asa ɔ́bwɛ-ma úwi kalɔ na ɔ́la bana lɛla biala útákyula na Kidron Kɔwɛ kemmo. Na ɔ́ya na bátu Maaka ɔmɛni beleku lɛga lɛni na ɔɔdi.

Ala Alɛdi 2 17:6

Ɔ́siaku Unwoti kama siin na ulu biala lɛlɔ na ɔ́sɔ útalɛ-nwu kama. Na kadi bamba baƒiɔ bani ƒui na bávɔ béte lɛlɔ na mmɔ ni, ɔ́ya na bábwɛ bana ƒui na Yuda mmɔ ku kesii kani na baakpá Asera baƒiɔ lɛnɔ.

Ala Alɛdi 2 24:18

Anwuɔsu bétebile uwi ɔdi munu munu asa na báda Unwoti Katɔti bɔkpa báya na nwuna kakpakɔ na bése kalɔ baakpa ala ani na bávɔ béte Asera baƒiɔ beledi bammɔ. Na ɔkɛnku ɔmɛni ɔsu Unwoti Katɔti úti kɔnyi kpakplaa ɔ́kya Yudaƒuɔ ku Yerusalemƒuɔ bammɔ ƒui.

Ala Alɛdi 2 33:19

Kenye udiene Hosai únweni ala pii ɔ́siku Manase lɛlɔ úbunku kalɛ na útaakpali Katɔti ku kalɛ na Katɔti únu-nwu bɔkpali. Nsu ala ekpidi ani na ɔ́bla lɛnɔ asa na ɔdubɔsɔ unwini kayi ni, únweni ana ƒui. Na únweni ala ɔ́siku kesii kani bene na ɔ́tu kadi bamba baƒiɔ ku aƒiodu ɔ́lɛ ku kesii kani na ɔ́ya na bátaakpa Asera baƒiɔ beledi bammɔ.

Yesaia 17:8

Na basɔ belésie bana akpabi ani na béti bana enu bávɔ béte lɛlɔ kudɔ, na basɔ beleti anu balasia Asera ɔƒiɔgyii ku nwuna lɛlɔ ala ku oloƒui bɔkyula akpabi ani na ama alati bátu mmɔ.

Yesaia 27:9

Na ɔkɛnku ɔmɛni lɛlɔ na ndubudie kɔtu bɔni bana lɛlɔ na bana ekpidi ammɔ alɛ-ma lɛlɔ ƒui. Na lɛnɔ ni, ntu bábwɛ akpabi ani na bátu ku atabi mmɔ kpɛtɛ kpɛtɛ. Na babwɛ Asera baƒiɔ na bagyu-ma ku lɛƒiɔgyii lɛmmɔ na abi lɛlɔ kesii kani na baakyula oloƒui teete-ma mmɔ ƒui na basɔ balanu ka ɔdi unye.

Yeremia 17:2

Ɔsika kaba biala atɔ asia bina ƒui bɛ́lɛ baƒiɔ akpabi bíte lɛlɔ na bɛɛkpá Asera baƒiɔ beledi bammɔ na bina kalɔ kesii biala na abi ku abinkpo lɛlɔ ku egyii enengudi kalɔ.

Mika 5:14

Na lɛbwɛ bina baƒiɔ ligyii ku bina lɛma lɛnɔ muedi.

Bumomo Bɔka 33:52

na bɛbɔku bekyuli bani ƒui nlie kalɔ kammɔ kemmo na bina anumi. Na bibile bana ala anwidi ku ala ani béti ogya banwami babla baƒiɔ na bibile bana baƒiɔ bani na bátu bálɛ abi eli mmɔ ƒui.

Lɛkpa Ulu 16:22

Na biteti lɛtabi lɛdi bitabla baƒiɔ na bitaakpa-ni. Ɔsika Katɔti ukisi ala ammɔ bene.

Baga 2 10:27

Anwuɔsu bábwɛ Baal lɛtabi kedee lɛmmɔ na báƒɛ Baal kakpakɔ kammɔ ƒui béwi kalɔ, na béti mmɔ bénwini kuvodɔ kesiekɔ.