Israelƒuɔ Bɔlɛ 34:12 - Katɔti Ɔku Kedee

¹² Na awɔ ku kadi bamba bekyuli badi bitenyimi bunyimi bɔdi na kalɔ kani lɛlɔ na ésela mmɔ.

Israelƒuɔ Bɔlɛ 34:12 Referans Kwoze

Lɛkpa Ulu 7:2

Unwoti ɔdubo-ma budie bute-mii na bɛbɔku-ma bɛlɛku kalɔ kammɔ lɛlɔ. Na mmɔ na ɔlɛka bɛyila-ma udu ƒui na bitanu ɔdi biala kɔnyana lɛnɔ. Amii ku-ma bitenyimi lɛla biala bitete lɛlɔ.

Lɛkpa Ulu 7:16

Si Unwoti Katɔti úbunku-mii na bíkpo bɛ́di bina bekisine lɛlɔ ni, bɛnu ka bɛ́yila lɛla biala udu. Na bitanu ukyuli biala kɔnyana. Na bɛnu kaduɛ kalɛ na ɔdi uleduo bukpoku taanu bɔdi kemmo na ɔkpa bana baƒiɔ bammɔ badi.

Kɔgya 106:36

Na Katɔti bekyuli bébenwini baƒiɔ bakpane. Na ɔmmɔ geen náya na Katɔti ɔ́yila-ma udu.

Litemi Batɛne 8:27

Na Gideon úti ala ammɔ na ɔ́vɔ lɛla lɛdi na úti-nwu útése Oƒra na nwuna ɔma. Na Israelƒuɔ ƒui béni bana Unwoti na beesié Oƒra mmɔ taatákpa ala ani na bavɔ mmɔ. Na ɔmɛni úbenwini kakpagyuɛ úte Gideon ku nwuna kaduli bekyuli.

Lɛkpa Ulu 20:18

Bɛyila-ma udu kalɛ na balátɔlɔ-mii na bitaabla ala ani muusé-nwu lɛlɔ ɔkɛnku bana lɛƒiɔkpa ablala lɛlɔ. Na ɔdi uláƒiɔ bina Unwoti Katɔti.

Baga 1 11:2

Na beleku bammɔ bási kadi bani bekyuli akɔ na Unwoti ɔ́su Israelƒuɔ ɔnini, “Amii ku kadi bammɔ bekyuli biteti lɛlɔ, ɔsika badubɔtɔlɔ-mii batákya bana lɛƒiɔkpa kemmo.” Nsu ɔmɛni ƒui kama kadi kammɔ beleku bɔyɔ bɔkya Salomo kayi geen.

Baga 2 17:10

Na abi ƒui lɛlɔ ku egyii biala na ebo ɔyuli kalɔ ni, bálɛ atabi kedee ku lɛƒiɔgyii béte Asera baƒiɔ.

Ala Alɛdi 2 24:18

Anwuɔsu bétebile uwi ɔdi munu munu asa na báda Unwoti Katɔti bɔkpa báya na nwuna kakpakɔ na bése kalɔ baakpa ala ani na bávɔ béte Asera baƒiɔ beledi bammɔ. Na ɔkɛnku ɔmɛni ɔsu Unwoti Katɔti úti kɔnyi kpakplaa ɔ́kya Yudaƒuɔ ku Yerusalemƒuɔ bammɔ ƒui.

Bumomo Bɔka 33:52

na bɛbɔku bekyuli bani ƒui nlie kalɔ kammɔ kemmo na bina anumi. Na bibile bana ala anwidi ku ala ani béti ogya banwami babla baƒiɔ na bibile bana baƒiɔ bani na bátu bálɛ abi eli mmɔ ƒui.

Lɛkpa Ulu 31:5

Na Unwoti ɔdubɔya na bɛdi lɛma lɛmmɔ lɛlɔ. Anwuɔsu bɛbla-ma kalala kalɛ kani na lɛ́su-mii.

Yosua 9:7

Amu na Israelƒuɔ béye-ma banini, “Bi ɔsu na bɛɛyɔ́ ka bɔbla unwi? Ɔƒaalɛ bina keliekɔ kátagyunku-bu.”

Litemi Batɛne 6:10

Lɛ́su-mii ka ami ndi bina Unwoti Katɔti, na ɔdi utakpa Amoriƒuɔ baƒiɔ na kalɔ kani lɛlɔ na bilie mɛni ɔƒɛni. Nsu bítenu mina litemi.”