Israelƒuɔ Bɔlɛ 34:10 - Katɔti Ɔku Kedee

¹⁰ Amu na Unwoti ɔ́su Mose ɔnini, “Ndubo bunyimi bɔwɔdi bunyimiku-ɔ na Israelƒuɔ ƒui anumi. Na bana anumi ndubo ala ebendi ani ukyuli ɔdi utabla kudii na kalɔ lɛlɔ bɔbla. Na ɔyawine biala ɔdubɔnu lɛla lɛni na ami ɔni ndi Unwoti ndubɔkana bɔbla. Ɔsika ndubo liƒu ala bɔbla bɔtina-a.

Israelƒuɔ Bɔlɛ 34:10 Referans Kwoze

Lɛkpa Ulu 10:21

Biteemwi-nwu uwi ndi uwi, ɔsika ɔdi bina Unwoti Katɔti. Na bina ɔdi biala ɔ́nu ku nwuna lɛnumi ala ebendi ani na ɔ́bla úte-mii ku ani mɔɔda liƒu.

Kɔgya 77:14

Katɔti ɔni mɔɔbla akɔla ala budie taatina na adi. Na édie ƒula ɔyikun keyi átina na bekyuli bammɔ bánu.

Yesaia 64:3

Ɔsika uwi ɔni na ábla liƒu ala ani na bɔɔɔsia anu muedi ni, bɔyu na áyu ébo na abi ammɔ ƒui ákunku na ƒula anumi.

Kɔgya 66:5

Bibo na bibanu akɔla budie taatina ani na Katɔti ɔ́bla na bekyuli akɔ.

Yeremia 32:21

Na ábla akɔla budie taatina amɛni éti ákya Egyipteƒuɔ liƒu geen. Na awɔ ɔlati édie ƒula kɔnu na ábla ɔyikun ala na édie ƒula kadi bekyuli Israelƒuɔ na Egyipteƒuɔ enu kemmo.

Samuel 2 7:23

Na bekyuli badi lɛnɔ beeese aani ƒula kadi bekyuli Israelƒuɔ kalɛ na kalɔ kamɛni lɛlɔ. Ama kani na awɔ Katɔti étédie álɛku Egyipteƒuɔ lɛlɔ bɔdi kalɔ éte lɛlɔ na bénwini ƒula kadi bekyuli. Na ƒula lɛnyi lɛ́ƒɔ kuye na ábla ala enengudi éte-bu ku akɔla ala budie taatina ani mɔɔda bekyuli liƒu. Na ábɔku kadi bamba bekyuli ku bana baƒiɔ álɛku bana kuliekɔ na bana kalɔ kénwini abu Israelƒuɔ bati kadi.

Kɔgya 78:12

Nsu bana bati kuuku anumi geen na Katɔti ɔ́bla akɔla ala budie taatina amɛni na Saan kalɛkɛ lɛlɔ na Egyipte kalɔ kemmo.

Kɔgya 66:3

Bɛsu Katɔti bɛnini, “Ƒula ablala adi akɔla budie taatina. Na ƒula ɔyikun bonwu ɔni na ebo ɔsu ni, ƒula bekisine béboku lɛlɔ kalɔ béte-ɔ ku bɔyia.

Lɛkpa Ulu 32:30

Bi mɔɔlɛ́ ɔsu na ukpone ukisine unwi pɛ ɔ́bi ɔ́siaku Israelƒuɔ bekpone apim? Na bekisine bekpone inyɔ bábi básiaku Israelƒuɔ bekpone mpim leevu?

Yosua 6:20

Amu na bakpane bammɔ bávwi kɔku gyɔlɔɔ kɔdi ku bana atunkpɛ. Na ka bekyuli bammɔ bénu kɔku kɔmmɔ ni, bése kalɔ beedie kudu momoomo. Mmɔ na awodu ammɔ áƒɛ éwi kalɔ kɔnakunwi. Na bekpone bammɔ bétéduo ɔma ɔmmɔ kemmo na békpo bádi-ma lɛlɔ.

Israelƒuɔ Bɔlɛ 34:27

Amu na Unwoti ɔ́sɔ ɔ́su Mose ɔnini, “Nweni etemila amɛni ƒui se. Ɔsika etemila amɛni na ndubo buti bɔbla mina bunyimi ku Israel.”

Kɔgya 145:6

Na bekyuli badubɔsu ala enengudi ani na ábla, na lidie ƒula ɔyikun bonwu keyi lɛtina.

Kɔgya 106:22

ku ɔyikun kpakplaa ɔ́lɛku Egyipte kalɔ lɛlɔ ku akɔla ala budie taatina enengudi ani na ɔ́bla na mmɔ ku Ɛpugyie kudɔ.

Kɔgya 76:12

Uuboku bagabi bani mɔɔkɔliku lɛlɔ katɔ kalɔ. Na ɔɔyá na baga benengudi ƒui baayia-nwu.

Kɔgya 65:5

O Katɔti, bula ɔƒɔne, eenú-bu bɔkpali na eebunku-bu ɔkɛnku ƒula akɔla budie taatina lɛlɔ. Kayawi bekyuli ƒui anu asia-a lɛlɔ ku bani na beli ɛpu ɔvi.

Kɔgya 147:20

Útabla ɔmɛni útete kadi bamba bekyuli badi kudii. Na baaagyi kalɛ na ɔɔtɛ litemi lɛnɔ. Bɛya na bumwi Unwoti.

Lɛkpa Ulu 4:13

Na ɔ́tɛmi úte-mii ɔ́siku ulu ɔni lɛlɔ na bɛdubɔsia na bɛdi nwuna lɛla lɛni na únyimiku-mii lɛlɔ na bitaadi Ɔda Bubo Leevu bɔni na únweni ɔ́sia atabi bɛbɛ anyɔ lɛlɔ mmɔ lɛlɔ.

Kɔgya 68:35

Katɔti lɛlɔ libo líƒu na nwuna keliekɔ kedee kemmo. Na anwu ndi Israel Katɔti. Anwu muute nwuna bekyuli ɔyikun na ɔ́ya na bebo kenyekɔ. Bimwi Katɔti!

Israelƒuɔ Bɔlɛ 34:28

Na Mose ɔ́kya Unwoti kudɔ na kɔbi kɔmmɔ lili emeyi aavlene usien ku ɔƒɛ, na útadi iye útani lɛla lɛdi. Na únweni bunyimi bɔmmɔ ku Ɔda Bubo Leevu bɔmmɔ ɔ́sia atabi anyɔ ammɔ lɛlɔ.

Lɛkpa Ulu 9:19

Ka mɔɔyia Unwoti kɔnyi ɔsu ku kalɛ ɔ́kɛ kɔnyi kpakplaa kɔni na úti ku kalɛ na ɔɔyɔ́ ka ɔyila-mii udu ɔsu ni, lɛ́bla ɔmɛni ƒui. Na Unwoti kaƒɔ káyɔ-nwu na únu mina buvele.

Kɔgya 72:18

Bimwi Unwoti Israel Katɔti, ɔsika anwu kani mɔɔbla akɔla ala budie taatina amɛni udu.

Kɔgya 136:4

Bɛgya anwu ɔni mɔɔbla akɔla ala budie taatina enu. Ɔsika ɔɔyɔ́-bu uwi ndi uwi.

Mika 7:15

“Ami Unwoti ndubo akɔla budie taatina bɔbla aani kalɛ na lɛ́bla uwi ɔni na bɛ́si bɛ́lɛ Egyipte kalɔ kemmo.