Israelƒuɔ Bɔlɛ 33:9 - Katɔti Ɔku Kedee

⁹ Na si Mose úsie kevo kammɔ kemmo ni, liƒlukutu bonwu lɛmmɔ liibo teebenye ɔtɔ ɔmmɔ kayakun uwi ɔni na Unwoti ɔkya ɔɔtɛmi-ku Mose.

Israelƒuɔ Bɔlɛ 33:9 Referans Kwoze

Kɔgya 99:7

Unwoti ɔ́tɛmiku-ma ɔ́siku liƒlukutu bonwu aani lɛkpa lɛdi kemmo. Na ama bénu na bádi nwuna ɔda bubo lɛlɔ.

Israelƒuɔ Bɔlɛ 31:18

Uwi ɔni na Katɔti ɔ́tɛmi-ku Mose ɔ́wɔlɔ na Sinai kɔbi lɛlɔ ni, úti nwuna bunyimi kɔlɛkɛ kɔni na Katɔti ɔlatidi únweni ɔda bubo ɔ́sia úte-nwu.

Esekiel 3:22

Unwoti ɔyikun ɔ́ƒɔ-mi lɛlɔ kemmo na ɔ́su-mi ɔnini, “Ta nye! Teesie kɔwɛ kemmo ngye na ndubo-ɔ bɔtɛmiku na mmɔ.”

Bumomo Bɔka 11:17

Na si bébenye mmɔ ni, ndubɔyu bubo-mii kudɔ na lɛtɛmiku-mii. Na mmɔ ni, ndubɔya na mina kɔyu kɔni nkya-a kemmo kɔdi kɔlɛ na liti ku lɛkya bana kemmo ɔdi. Na ama ndubo-ɔ kebunku buteete. Na betiku-ɔ bekyuli bammɔ etila. Kalɛ na asɔ eleti etila ammɔ awɔ lɛti.

Israelƒuɔ Bɔlɛ 34:9

Na ɔ́su-nwu ɔnii, “Unwoti, si mina lɛlɔ lɛ́da-a kubiti sɔsɔ geen ni, muuvele-ɔ nnii kpanku-bu ina ka bekyuli bamɛni bébo atu ɔkplu geen. Ti bula ekpidi kyiɛ-bu na aƒɔ-bu aani ƒula bebi.”

Israelƒuɔ Bɔlɛ 34:3

Na si adubo ni, taya na ukyuli ɔdi ɔsiaku-ɔ. Ɔsika naaayɔ ka lɛnu ukyuli ɔdi na amadɔ mmɔ. Na taya na koƒonu iye ɔmantɛ akɔ ɔdi usie kɔbi kaƒɔna mmɔ utáwia adila adi.”

Israelƒuɔ Bɔlɛ 33:11

Na Unwoti ɔɔtɛmi-ku Mose anumi ku anumi aani kalɛ na bakpana baatɛmi. Na Mose ɔ́sɔ únwini úsie nwuna keliekɔ. Nsu okloƒu ɔni muubunku Mose na baalɔ-nwu banii Yosua na ɔdi Nun ubidi ni, anwu ɔɔƒɔ́ lɛlɔ taakya Katɔti kevo kammɔ kemmo.

Israelƒuɔ Bɔlɛ 25:22

Na libila lɛmmɔ katɔ mmɔ kesii kani na bebweyi inyɔ bammɔ balɛ ntɛ ni, mmɔ na ndubo-ɔ butaasiaku na litemi lite-ɔ na asu Israelƒuɔ ɔda ɔni mebo-ma.

Ala Kalɔ Buse 18:33

Uwi ɔni na Unwoti ɔ́su Abraham ɔmɛni ɔ́wɔlɔ ni, ɔ́tɔlɔ. Na Abraham únwini úsie kaduli.

Ala Kalɔ Buse 17:22

Na ka Katɔti ɔ́wɔlɔ Abraham bɔtɛmiku ni, ɔ́tɔlɔ úsie katɔ.

Israelƒuɔ Bɔlɛ 33:8

Na uwi biala na Mose úsie kevo kammɔ kudɔ ni, Israelƒuɔ ƒui baalɛ́ teenye bana nvo kɔyakun taanu Mose utédu ka úduo-ka kemmo.

Israelƒuɔ Bɔlɛ 33:10

Na si Israelƒuɔ bánya bánu liƒlukutu lɛmmɔ na kevo kayakun na ɔdi biala uuboku lɛlɔ kalɔ.

Israelƒuɔ Bɔlɛ 34:5

Amu na Unwoti ɔ́yu úbo Mose kudɔ na kɔbi kɔmmɔ lili na liƒlukutu kemmo. Na ɔ́kpali nwuna lɛnyi kedee na ɔ́su ɔnini, “Ami Unwoti mmɔ.”

Lɛkpa Ulu 31:14

Amu na Unwoti ɔ́su Mose ɔnini, “Ƒula kukpi uwi úudu. Anwuɔsu lɔ Yosua na bibenye kɔdi ɔtɔ ɔmɛni anumi na lɛtina-nwu lɛla lɛni na ɔlɛka ɔbla.” Anwuɔsu Mose ku Yosua bálɛ bébenye kɔdi ɔtɔ ɔmmɔ anumi.

Lɛkpa Ulu 31:15

Na Unwoti ɔ́buɛ ɔ́lɛ-ma akɔ aani liƒlukutu kalɛ, na liƒlukutu lɛmmɔ líbenye kɔdi ɔtɔ ɔmmɔ anumi.

Bumomo Bɔka 7:89

Uwi ɔni Mose úduo Unwoti Adi Kevo kammɔ kemmo ka anwu ku Unwoti batɛmi ni, mmɔ kani na únu Unwoti lɛdi ɔ́siku ngba bebweyi inyɔ bani nnye bunyimi adaka likpidi kɔtu bɔni budie libila lɛmmɔ lɛlɔ. Mmɔ na anwu ku-nwu bátɛmi.