Israelƒuɔ Bɔlɛ 33:4 - Katɔti Ɔku Kedee

⁴ Uwi ɔni na bekyuli bammɔ bénu ɔmɛni ni, bana lɛlɔ lɛ́bla-ma kɔnyana na beewulo. Na básɔ bátada lɛlɔ ku sika ugyiedi ala.

Israelƒuɔ Bɔlɛ 33:4 Referans Kwoze

Bumomo Bɔka 14:39

Amu ka Mose únwini úsie Israelƒuɔ kudɔ na útásu-ma lɛla lɛni na Unwoti ɔ́su-nwu mɛni ni, béwulo bana lɛlɔ geen.

Esekiel 26:16

Baga badubo bɔta bana agaboku lɛlɔ na bedie bana agala abuni lidu lɛmmɔ bewi na bayu belie ɔtuma akɔ na bataatɔ kpakpaakpa ku liƒu. Na ɔtɔtɔ ukpidi geen ɔdubɔgyu-ma si bénu kalɛ na ƒula bekisine badi-ɔ lɛlɔ.

Esekiel 24:23

Na bɛɛɛdubo bina aduni bɔda bɔmami bina eli na biledie bina lɛgbanvuo lɛnɔ lɛgba na bɛsɔ bɛkɛ lɛgbakplu. Nsu bɛdubo bɔkɛ buteewulo kɔnyana na bina ekpidi ɔsu limeyi limodi.

Esekiel 24:17

Wulo kɔnyana na ƒula kayi kemmo kani na tabla tatina na bekyuli banu ɔmɛni bati na ƒula anumi lɛlɔ ka eewulo kɔnyana kɔdi. Tada ƒula lɛduni lɛni mma-a lili tamana iye edie ƒula lɛgbanvuo lɛni na akya na akɛ lɛgbakplu. Na teti lɛla lɛni lɛnɔ tebi ƒula anumi atina ka lɛla lɛdi lɛɛbla-a. Na tadi adila ani na kɔnyana bewulone lɛnɔ baadi aani kalɛ na ɔtɛ use na bekyuli baabla.”

Bumomo Bɔka 14:1

Usien umodi ɔmmɔ ƒui Israelƒuɔ bákya beewulo momoomo ku kudu.

Yona 3:6

Lebo lɛni na Niniweƒuɔ ɔga únu litemi lɛmmɔ ni, ɔ́ta ɔ́lɛ nwuna lɛga kadikɔ ɔtɔ ɔmmɔ kemmo na údie nwuna agala uwi, na únyimi adikpi na ɔ́sɔ úlie ntɔ lɛlɔ.

Hosea 7:14

Belewulo taakpali-mi geen taasiku bana kayi kemmo, mmomu bebi bana kɔtɛnkɔ beewulo kɔnyana, na baabla lɛlɔ ulikplu ala ani na basiaku ala bamba baabla na basia anu ka ɔmmɔ ɔdubɔya na bakɛ kebunku na wete-ma kusɛ kusɛ na bakɛ edula pii ani na baawia.

Yesaia 32:11

Amii beleku bani na bulie kani na bilie na bilábla kasusu taasiku lɛla lɛdi lɛlɔ ni, bɛya na lɛlɔ litaatɔ-mii kpakpaakpa ku liƒu! Bidie bina adala bise na binyimi ala ani mɔɔtina ka biiwulo kɔnyana.

Hiob 2:12

Ka bakɛ ɔgyu bésela na bánu-nwu bémene ni, béteyile-nwu bɔnu bɔti banii anwu na ɔdi mmɔ. Na litemi lɛmmɔ lɛ́bla-ma kɔnyana, anwuɔsu báni bana lɛwu bábwɛ na báma ɔtumu béwi eli na beewulo momoomo na anwu ɔsu.

Hiob 1:20

Hiob ɔ́ta únye kɔnakunwi ka únu kenye kamɛni. Na ɔ́ni nwuna awu ɔ́bwɛ na úkpeyi lili, na ɔ́yu úbi kalɔ úmwi Unwoti.

Esra 9:3

Amu ka línu ɔmɛni ni, lɛ́ni mina awu lɛ́bwɛ na lɛ́gyɔ mina lili linwini ku ukwi! Na lɛ́yu lílie kalɔ ku bɔyia geen ku kɔnyana.

Baga 2 19:1

Uwi ɔni na Hesekia ɔnya únu bekyuli bammɔ kenye kani na ɔ́ni nwuna adala ɔ́duli na lɛƒɛda kemmo, na úti adikpi ɔ́da lɛlɔ na ɔ́tɔlɔ úsie Unwoti kakpakɔ.

Baga 1 21:27

Amu uwi ɔni na Ahab únu Elia etemila ammɔ ɔ́wɔlɔ ni, ɔ́ni nwuna awu ɔni na ɔkya ɔ́buɛ na úti kekwa kɔdi ɔ́da lɛlɔ na úlie kɔka na ɔkɛ ɔɔví ku kɔnyana.

Samuel 2 19:24

Na Meƒiboset ɔni na ɔdi Saul uwɔ lɛnɔ úsie útásiaku Ɔga Dawid. Na útada lɛlɔ kaduɛ munu munu. Ɔsika ɔ́si limeyi lɛni lɛlɔ na Ɔga Dawid ɔ́tɔlɔ Yerusalem úbedu ɔni na ɔ́sɔ únwini úbeduo buɛɛ mmɔ ni, útekulo nwuna kenyedɔ linwini iye ɔƒɔ nwuna lɛgba ku nwuna adala ani na ɔkya.

Lewiƒuɔ Ɔda Bubo 10:6

Amu na Mose ɔ́su Aaron ku nwuna bebi bananabi Eleasar ku Itamar ɔnini, “Amii amu ni, bitanyonu bina lili linwini bitewi na lɛbla kalɛ kalɛ iye bɛni bina adala bɛbwɛ bɛtina ka likpidi lɛdi lɛ́lɛku-mii si ɔɔɔdi lɛni bɛdubo bukpi, na Unwoti ɔ́kɛku bina kadi kammɔ bekyuli ƒui kɔnyi. Na bina lɛlɔ bekyuli ku kadi ƒui ama bakana na bewulo bani ƒui na Unwoti ɔ́ya na ogya ɔ́yila-ma udu mmɔ.

Israelƒuɔ Bɔlɛ 33:6

Anwuɔsu ka bátɔlɔ Sinai kɔbi lɛlɔ mmɔ ni, básɔ bátada sika ugyiedi ala.

Samuel 1 6:19

Nsu ka Bet-Semesƒuɔ bébimi Unwoti Bunyimi Adaka ɔmmɔ kemmo bánu ɔsu ni, Katɔti ɔ́ya na bana nkyuli liti ku aavlanyɔ békpi. Na béwulo kɔnyana geen na ɔgbankpi ɔni na Unwoti ɔ́ya na ɔ́siaku-ma ɔsu.