Israelƒuɔ Bɔlɛ 33:11 - Katɔti Ɔku Kedee

¹¹ Na Unwoti ɔɔtɛmi-ku Mose anumi ku anumi aani kalɛ na bakpana baatɛmi. Na Mose ɔ́sɔ únwini úsie nwuna keliekɔ. Nsu okloƒu ɔni muubunku Mose na baalɔ-nwu banii Yosua na ɔdi Nun ubidi ni, anwu ɔɔƒɔ́ lɛlɔ taakya Katɔti kevo kammɔ kemmo.

Israelƒuɔ Bɔlɛ 33:11 Referans Kwoze

Bumomo Bɔka 12:8

Mɔɔtɛmi ku anwu anumi ku anumi, na ɔɔɔdi agyolo kemmo, mmomu atɛ nwaa kemmo, na ɔɔnu kalɛ na Unwoti use ku nwuna anumi. Na bi ɔsu na bítayia ka bɛsu lɛla lɛdi na bɛ́ta bínye mina kabla ɔblane Mose lɛlɔ?”

Lɛkpa Ulu 34:10

Na Katɔti kenye udiene ɔdi útakya Israel kudii aani Mose kalɛ. Na Unwoti útaatɛmi-ku Mose anumi ku anumi.

Israelƒuɔ Bɔlɛ 33:9

Na si Mose úsie kevo kammɔ kemmo ni, liƒlukutu bonwu lɛmmɔ liibo teebenye ɔtɔ ɔmmɔ kayakun uwi ɔni na Unwoti ɔkya ɔɔtɛmi-ku Mose.

Israelƒuɔ Bɔlɛ 24:13

Mmɔ na Mose ku nwuna ubunkune Yosua báyu ulu na Mose ɔ́kɔ úsie Katɔti kɔbi lili mmɔ.

Lɛkpa Ulu 5:4

Na kɔbi kɔmmɔ lɛlɔ ni, amii alati binu ka Katɔti ɔ́tɛmiku-mii ɔ́siku lɛgyavonku lɛni mɔɔda kemmo.

Ala Kalɔ Buse 32:30

Ɔmmɔ ɔsu ni, Yakob ɔ́sia mmɔ lɛnyi ɔnii Peniel, na ɔ́su ɔnini, “Lɛ́sia mɛni lɛnyi lɛni, ɔsika lɛ́nu Unwoti Katɔti anumi ku anumi na útayila-mi ngba.”

Yakobo 2:23

Na Bunweni Kedee Ɔku kemmo etemila ébo éte lɛni anini, “Abraham ɔ́ƒɔ Katɔti ɔ́di. Na ɔkɛnku nwuna bɔƒɔtaadi ɔsu ni, Katɔti ɔ́bu-nwu aani ukyuli ɔni nse siin.” Na anwuɔsu Katɔti ɔ́lɔ-nwu ɔnii mina ɔkpana.

Yohane 11:11

Ka Yesu ɔ́su ɔmɛni ni, ɔ́sɔ ɔ́su úbunku ɔnini, “Bula ɔkpana Lasaro ɔ́ɔlɛɛ, nsu muusié ntágyila-nwu.”

Yohane 3:29

Na ɔƒɛni ni, anwu ɔni ndi uleku ɔgya ɔmmɔ mbo uleku. Na uleku ɔgya ɔkpana ɔni nnye uleku buti kabla kamɛni kenye ni, si uwi ɔni na uleku ɔgya ku uleku ɔmmɔ bása baatɛmi bana lɛlɔyɔ atɛ ni, uunye teenu-nya ku ebiti. Lɛni kani na ami lɛnɔ ebiti aada-mi geen aani uleku ɔgya ɔkpana ɔmmɔ.

Yesaia 42:8

“Ami ndi Unwoti na lɛɛɛdubo bunye bɔnu na baƒiɔ iye ukyuli ɔyawine ɔdi ɔta unye ɔnii ami ku-nwu buule mina bukeye ku bumwi bɔni na ɔlɛka bekyuli beti bete-mi.

Hiob 16:21

Na uudie taatina Katɔti ka ńtabla lɛla lɛdi aani kalɛ na ukyuli uuvele teete nwuna ɔkpana.

Ala Alɛdi 2 20:7

Bula Katɔti, awɔ nábɔku kadi bekyuli bani ƒui na nka beli mɛni kukuuku álɛku mɛni asa na ƒula kadi bekyuli bani ndi abu Israelƒuɔ búbelie mɛni. Na awɔ néti kalɔ kamɛni éte ƒula ɔkpana ɔni ndi Abraham bebi ku bawɔ ka kenwini bana kadikɔ uwi ƒui.

Israelƒuɔ Bɔlɛ 32:17

Ka Yosua únu ka bekyuli bammɔ beete kudu ni, ɔ́su Mose ɔnini, “Kekpo kakya kesii kani na belie mmɔ.”

Israelƒuɔ Bɔlɛ 17:9

Amu na Mose ɔ́su Yosua ɔnini, “Tiku banana badi na bitékpoku Amalekƒuɔ. Ndubɔkɔ lisie nténye kɔbi kɔmmɔ lili kɔnaadi na liti Katɔti ugyii ɔdadi ɔmmɔ lɛda.”

Israelƒuɔ Bɔlɛ 33:10

Na si Israelƒuɔ bánya bánu liƒlukutu lɛmmɔ na kevo kayakun na ɔdi biala uuboku lɛlɔ kalɔ.

Bumomo Bɔka 11:28

Amu na Nun ubidi ɔni baalɔ banii Yosua na anwu nsiaku Mose kesi kesii na úsela ɔ́si nwuna lɛkloƒu uwi ɔ́su Mose ɔnini, “Ati, ya na bekyuli bammɔ bada Unwoti ablala kudu bubo baya.”

Bumomo Bɔka 12:7

Nsu mina kabla ɔblane Mose anwu ni, ɔɔɔdi lɛni na mɔɔbla-nwu. Ɔdi ukyuli ɔni mɔɔbla ala ulu lɛlɔ na mina kaduli.

Lɛkpa Ulu 31:14

Amu na Unwoti ɔ́su Mose ɔnini, “Ƒula kukpi uwi úudu. Anwuɔsu lɔ Yosua na bibenye kɔdi ɔtɔ ɔmɛni anumi na lɛtina-nwu lɛla lɛni na ɔlɛka ɔbla.” Anwuɔsu Mose ku Yosua bálɛ bébenye kɔdi ɔtɔ ɔmmɔ anumi.