Israelƒuɔ Bɔlɛ 32:14 - Katɔti Ɔku Kedee

¹⁴ Ɔmɛni ɔsu Unwoti kasusu kávumana, na útaya na ɔgbankpi ɔni na ɔ́su ka webo nwuna bekyuli lɛlɔ ubo-nwu kemmo lɛni.

Israelƒuɔ Bɔlɛ 32:14 Referans Kwoze

Yona 3:10

Ka Katɔti ɔ́nu kalɛ na bávumana na báda bana likyulikpi báya ɔsu ni, ɔ́vumana nwuna kasusu na ɔ́sɔ útani-ma kɔtu aani kalɛ na ɔ́su use kalɛ.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Yeremia 18:8

na kadi kammɔ bekyuli bávumana bana udu na baabla lɛbuni ni, ndubɔvumana mina kasusu na kɔtu kɔni na nnii mɔɔní-ma lɛlɔ.

Ala Alɛdi 1 21:15

Na ɔmmɔ kama ni, ɔ́ya na nwuna ɔtu ɔdi úbo kalɛ na ubayila Yerusalem udu ƒui. Nsu uwi ɔni lɛlɔ na ɔtu ɔmmɔ ɔ́klibi lɛlɔ ka use kabla kammɔ kalɔ kani na bekyuli bammɔ lɛlɔ lɛ́bla Unwoti kɔnyana na ala ani néebo-ma lɛlɔ ɔsu na ɔ́bala ɔtu ɔmmɔ ɔnini, “Sɔ nye! Bana lɛbibo lɛ́bɔ.” Na ala amɛni álɛ na Yebusini ɔnana ɔni baalɔ banii Arauna kakpa kesii kani na uuwiile nwuna edula ebi mmɔ.

Samuel 2 24:16

Ɔƒɛni ka Katɔti ɔtu ɔni ndanku ɔlɛ ɔmɛni ɔ́sɔ ɔ́tala kɔnu katɔ ka ubile Yerusalem ni, bekyuli bammɔ bádu Unwoti kaƒɔ na ɔgbankpi ɔni mɔɔlɛ́ku-ma ɔsu na ɔ́su ɔtu ɔmmɔ ɔnini, “Ɔ́bɔ yula ƒula kɔnu kalɔ.” Na nka ɔtu ɔmmɔ úudu kesii kani na Yebusini ɔni baalɔ Arauna ubo kakpa kesii kani na uuwiile edula kudɔ.

Yona 4:2

Ɔmɛni ɔsu ɔ́kpali Katɔti ɔnini, “Unwoti ɔɔɔdi ɔmɛni na lɛ́su nnii aaadubo ɔma ɔmɛni bɔkyula iye ɔ́si ɔni nkya ɔma. Ɔmɛni ɔsu na lɛ́kya ɔkplu ka likeli lisie Tarsis! Ngyi ka awɔ adi kɔnyana ɔnune Katɔti na ebo kayi buɛɛ uwi ndi uwi, na aakana tavumana ƒula kasusu uwi biala kemmo kalɛ na aláni ukyuli kɔtu lɛnɔ.

Yoel 2:13

Ɔɔɔdi bina lɛwu na bɛɛní bɛbwɛ biti bɛtina ka biiwulo kɔnyana. Mmomu binwini bibo-mi kudɔ ku kayi kani muunú ɔlɛ na bina ekpidi ani na bɛ́bla lili. Mɔɔnu kɔnyana na mbo lɛƒɔndia na ndaku ukyuli lɛda. Neeeti kɔnyi buti buti. Na naaayɔ ka ntaani kɔtu lɛnɔ.

Yeremia 26:19

Amu na benengu bammɔ bésie anumi banini, “Ukyuli ɔdi útadu Mika na lɛla lɛmmɔ bɔsu ɔsu. Mmomu Ɔga Hesekia ɔ́kpali Katɔti ku bɔyia na lɛlɔ lɛnɔ lɛɛtɔ́-nwu na úvele-nwu ɔnii ɔnu-ma kɔnyana. Ɔmmɔ ɔsu Unwoti ɔ́bla kasusu ka ɔsɔ ulayila Yerusalem ɔma ɔmmɔ udu ina ka lɛni na nka ɔ́ɔsu ka wabla. Ɔmmɔ ɔsu ni, Yudaƒuɔ kadi bekyuli, bɔdubuti ɔgbankpi bonwu buboku lɛlɔ si bɔ́du Yeremia.”

Lɛkpa Ulu 32:26

“Lɛ́yɔ ka lɛyila-ma udu kede kede kalɛ na ukyuli biala ulenyimo-ma.

Israelƒuɔ Bɔlɛ 33:13

Na ɔƒɛni ɔni lɛ́ɛti-ɔ mɛni ni, ya na lɛti ƒula kasusu kani na ada, kalɛ na makana na mesie anumi na mabla ƒula lɛyɔla. Na enyimo lɛnɔ ka awɔ náƒuna bekyuli bamɛni ábla ƒula badi.”

Samuel 1 15:11

“Úduo-mi geen ka lɛ́ya na Saul ɔ́di lɛga, ɔsika únwini kama ɔ́kya-mi na útadi mina kenye kani na lɛ́su-nwu lɛlɔ.” Lɛla lɛmɛni líkpoku Samuel geen, anwuɔsu útalɛɛ, mmomu ɔkya ɔɔkpali Katɔti teevele usien umodi ɔmmɔ.

Ala Kalɔ Buse 6:6

Na úduo Unwoti ka údie ukyuli ɔ́kya kalɔ lɛlɔ. Na nwuna kayi kénu ɔlɛ geen.

Bumomo Bɔka 14:20

Amu na Unwoti údie kenye ɔnini, “Líti lɛkyiɛ-ma na kalɛ na évele-mi kenye.

Lɛkpa Ulu 10:10

Uwi ɔni na kɔmmɔ lɛlɔ ni, lɛ́kya mmɔ emeyi aavlene usien ku ɔƒɛ emeyi aani kalɛ kani na lɛ́kya kudeedi. Na Unwoti únu mina buvele na bina lili. Anwuɔsu na útayila-mii udu.

Lɛkpa Ulu 32:36

Unwoti ɔdubo nwuna bekyuli bukpo bɔƒɔ uwi ɔni na ɔ́nu ka bana ɔlɔkplu ɔ́yuɛ. Na ɔdubo bani muumwi-nwu kɔnyana bɔnu si ɔ́nu kalɛ na bábla kpɛtɛ kpɛtɛ.

Litemi Batɛne 2:18

Uwi biala na Unwoti ɔ́ya na litemi ɔtɛne ɔdi ɔ́kɔ ɔ́lɛ Israelƒuɔ akɔ ni, uunye litemi ɔtɛne ɔmmɔ kama nwuna ngba kemmo ƒui, na uukpó taaƒɔ-ma taalɛku bana bekisine enu kemmo. Na Unwoti ɔɔnu-ma kɔnyana si beedumo na ɔgbankpi ɔni kemmo na bana bekisine béti-ma bákya ɔsu.

Kɔgya 106:23

Anwuɔsu uwi ɔni na ɔ́bla kasusu ka ɔyila-nwuna bekyuli udu ni, Mose ɔni ndi nwuna kabla ɔblane ɔƒunadi unye ɔda-ma na úvele Katɔti ka nwuna kɔnyi kɔyɔ-nwu na ɔda-ma bɔkyula ɔya.

Amos 7:3

Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na ubo-nwu kemmo lɛni.”

Amos 7:6

Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na anwu lɛnɔ ubo-nwu kemmo lɛni.”