Israelƒuɔ Bɔlɛ 32:13 - Katɔti Ɔku Kedee

¹³ Na enyimo ƒula linyese lɛni na éte ƒula kabla bablane Abraham ku Isak ku Yakob ka adubɔya na bana kaba bekyuli bemomo aani katɔ ayabi. Na adubute-ma kalɔ kani na ése kenye ka badubuti-ka babla bana kadikɔ.”

Israelƒuɔ Bɔlɛ 32:13 Referans Kwoze

Hebriƒuɔ 6:13

Uwi ɔni na Katɔti úse Abraham kenye ni, ɔ́kpali lɛlɔ úse kenye kammɔ, ɔsika lɛla lɛdi liiibo na litulo anwu Katɔti.

Ala Kalɔ Buse 22:16

Na ɔ́su-nwu ka Unwoti Katɔti ɔ́su ɔnini, “Éteni ka eti ƒ'ubidi unwi pɛ akpa ete-mi. Anwuɔsu ni, lɛ́kpali lɛlɔ líse kenye ka

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Ala Kalɔ Buse 15:5

Mmɔ na ɔ́kpanku-nwu úsienku keyi na ɔ́su-nwu ɔnini, “Kɔliku anumi katɔ na anu kayaa na aka ayabi ani na aanu si adubɔkana-nya bɔka.” Amu na Katɔti ɔ́sɔ ɔ́su-nwu ɔnini, “Ƒula bawɔ lɛnɔ badubo bumomo lɛni kani.”

Ala Kalɔ Buse 15:18

Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.

Lɛkpa Ulu 7:8

Nsu Katɔti ɔ́ƒuna-mii, ɔsika ɔɔyɔ́-mii litemi na úse bina bati kuuku kenye úse ɔsu. Na ɔkɛnku nwuna ɔyikun bonwu kenye na úkpo ɔ́ƒɔ-mii ɔ́lɛku Egyipteƒuɔ ɔga enu kemmo kesii kani na nka únye-mii lɛlɔ na bɛ́kya bɛɛbla kabla teete-nwu.

Lewiƒuɔ Ɔda Bubo 26:42

ndubunyimo lɛla lɛni na línyimi líse ɔ́siaku Yakob ku Isak ku Abraham lɛlɔ, na linyimo kalɔ kammɔ lɛnɔ.

Ala Kalɔ Buse 48:16

Na ɔ́ya na nwuna ɔtu údie-mi na ɔdi útabla-mi kalala kadi. Muuvele nnii ute bebi bananabi bamɛni kusɛ kusɛ. Mina lɛnyi ku mina bati bani ndi Abraham ku Isak lɛnyi na badubo bɔdi. Na muuvele nnii bawɔ na bemomo na baƒɔ lɛnyi na kayawi.”

Ala Kalɔ Buse 15:7

Na Unwoti ɔ́sɔ ɔ́su-nwu ɔnini, “Ami ndi Unwoti Katɔti ɔni nákpanku-ɔ ɔ́siku Ur ɔma kemmo na Kaldea kalɔ lɛlɔ, kalɛ na liti kalɔ kamɛni lite-ɔ na kenwini awɔ kadi.”

Lɛkpa Ulu 9:27

Na enyimo ƒula kabla bablane bani ndi Abraham ku Isak ku Yakob, na alakpete bekyuli bamɛni atuɔkplu ku likyulikpi ku bana ekpidi ani bábla.

Ala Kalɔ Buse 12:2

“Ndubɔya na kadi bekyuli pii balɛ basiku-ɔ lɛlɔ. Na ndubute-ɔ kusɛ kusɛ. Ndubɔya na aƒɔ lɛnyi geen, na bekyuli badubɔsia-a lɛlɔ na bakɛ kusɛ kusɛ

Ala Kalɔ Buse 17:8

Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”

Ala Kalɔ Buse 24:7

Na ɔ́sɔ ɔ́su-nwu ɔnini, “Unwoti ɔni ndi Katɔti ni, anwu nálɔ-mi ɔ́siku mina ɔti kaduli ku mina kalɔ lɛlɔ. Na anwu nákpali lɛlɔ úse-mi kenye ɔnini, ‘Ƒula bawɔ na ndubuti kalɔ kamɛni lite.’ Anwu ɔmmɔ ndubɔya na nwuna ɔtu ɔtɔnku-ɔ. Na ɔdubɔya na akɛ uleku asiku mmɔ eboku mina ubi ɔnanabi.

Israelƒuɔ Bɔlɛ 13:5

Na si Unwoti úti-mii úduoku Kanaanƒuɔ ku Hetiƒuɔ ku Amoriƒuɔ ku Hewiƒuɔ ku Yebusiƒuɔ kalɔ kamɛni kemmo ni, na bɛsia anu na bitaadi limeyi lɛmɛni na kɔbuli kɔmɛni kemmo. Kalɔ kamɛni na úse kenye úse úte bina bati kuuku ka kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii na aka na ɔdubuti ute-mii na kenwini bina kadikɔ.

Israelƒuɔ Bɔlɛ 13:11

“Si Unwoti úti-mii úduoku Kanaanƒuɔ kalɔ kani na úse kenye úte amii ku bina bati kuuku ka weti wete-mii kemmo ni,

Israelƒuɔ Bɔlɛ 33:1

Amu na Unwoti ɔ́su Mose ɔnini, “Awɔ ku bekyuli bani na ákpanku álɛku Egyipte mmɔ bɛta kesii kani bilie mɛni. Na biteesie kalɔ kani líse kenye ka mete Abraham ku Isak ku Yakob ku bana bawɔ mmɔ lɛlɔ.

Lɛkpa Ulu 1:10

Na bina Unwoti Katɔti ɔ́ya na bíimomo aani katɔ ayabi.

Ala Kalɔ Buse 22:17

ndubute-ɔ kusɛ kusɛ na lɛya na ƒula kaba bebi bemomo betulo ayabi. Na badubo bumomo aani ɛpu kɔnwinimi. Na ƒula bawɔ badubo bukpo na baƒɔ bana bekisine lɛma linengudi ƒui.