Israelƒuɔ Bɔlɛ 32:12 - Katɔti Ɔku Kedee

¹² Na bi ɔsu na ɔdi ka Egyipteƒuɔ basu banii kasusu na ábla ka akpanku ƒula bekyuli esienku abi lɛlɔ na atádu-ma na ayila-ma udu. Anwuɔsu ya na kaƒɔ kayɔ-ɔ na avumana ƒula kasusu, na taya na ɔgbankpi ɔmɛni udu ubo ƒula bekyuli lɛlɔ.

Israelƒuɔ Bɔlɛ 32:12 Referans Kwoze

Lɛkpa Ulu 9:28

Si ɔɔɔdi lɛni ni, Egyipteƒuɔ badubɔsu banii átakana na akpanku ƒula bekyuli bammɔ esienku kalɔ kani ásu ése ka éti-ma éselaku mmɔ lɛlɔ. Na badubɔsu lɛnɔ banii bɔkpanku na ákpanku ƒula bekyuli bammɔ esienku kalɔ kakwiidi kemmo na átadu-ma. Ɔsika eekisi-ma.

Yosua 7:9

Kanaanƒuɔ ku bekyuli ƒui badubo bunu ala ani mɔɔlɛ́ mɛni. Na badubo bɔsala na bebo-bu ƒui badu kede kede. Na si ɔmɛni udu ɔlɛ ni, dɛ na adubɔblaku ƒula lɛnyi lɛni lɛƒɔ kuye mɛni?”

Israelƒuɔ Bɔlɛ 32:14

Ɔmɛni ɔsu Unwoti kasusu kávumana, na útaya na ɔgbankpi ɔni na ɔ́su ka webo nwuna bekyuli lɛlɔ ubo-nwu kemmo lɛni.

Sakaria 8:14

“Uwi ɔni na bina bati kuuku bákya-mi kɔnyi ni, lɛ́lɛ ugyii ka lɛya na ɔgbankpi ubo-mii lɛlɔ liti lɛni-mii kɔtu na ńteni ɔmɛni bɔbla.

Yona 3:9

Ɔƒaalɛ Katɔti ɔdubo bɔvumana nwuna kasusu, na ɔnu-bu kɔnyana na nwuna kɔnyi kɔsɔ kulebo-bu lɛlɔ na ɔyila-bu ku udu.”

Amos 7:6

Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na anwu lɛnɔ ubo-nwu kemmo lɛni.”

Amos 7:3

Na lɛla lɛmɛni líkpoku Unwoti ɔlati, anwuɔsu enu áƒɛ-nwu ka ɔbla lɛla lɛni na ɔ́su. Na ɔnini, “Nsɔ lɛɛɛdubo bɔya na ubo-nwu kemmo lɛni.”

Esekiel 20:22

Nsu ńtabla ńtasiaku lɛni. Ɔsika nka ɔmmɔ ɔdubɔbla-mi kɔƒa na kadi bekyuli bani nánu-mi ka lɛ́kpanku Israelƒuɔ lɛ́lɛku Egyipte kalɔ kemmo.

Esekiel 20:14

Nsu ɔmmɔ lɛnɔ ami ɔla kɔƒa na kɔdi. Ɔsika kadi bamba bekyuli pii bánu ka ami nákpanku Israelƒuɔ lɛ́lɛku Egyipte kalɔ kemmo.

Esekiel 20:9

Nsu lɛ́nu ka si lɛ́bla lɛni ni, ɔmmɔ ɔdubɔtina aani si ɔkɔ ɔnyine na ndi, ɔsika bana anumi na líse kenye ka ndubo-ma bɔkpanku bɔlɛku Egyipte kalɔ lɛlɔ.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Kɔgya 90:13

O Unwoti, buuvele-ɔ bɔnii kaƒɔ kayɔ-ɔ. Buuvele na anu ƒula kabla bablane kɔnyana.

Kɔgya 85:3

Áya na ƒula kɔnyi kenye kékulo na kaƒɔ kába-a.

Kɔgya 78:38

Ina amu ni, ɔ́nu-ma kɔnyana na úti bana alaekpidi ɔ́kyiɛ-ma na útayila bana ƒui udu. Katɔti uuƒie nwuna kɔnyi kenye pla pla na ulábla ala teetédu kalɛ na úti kɔnyi kenye.

Kɔgya 74:18

O Unwoti, kali nu kalɛ na bekisine badɔlɔdi bamɛni baama-a na baalɔ-ɔ lɛnyikpi.

Esra 10:14

Na aya na bula bakutine basɔ bakya Yerusalem na beti kabla kamɛni basia lɛlɔ. Na ukyuli biala na uti kadi bamba uleku ni, bete-nwu uwi na ubo ubasiaku benengu ku litemi batɛne bani nási nwuna ɔma. Na bɔdubɔbla lɛni wetédu ka kaƒɔ káyɔ Katɔti na udie nwuna kɔnyi na litemi lɛmɛni lɛlɔ.”

Yosua 7:26

Na bála atabi lisu pim lɛdi bálɛ Akan lɛlɔ. Na atabi lisu lɛmmɔ lɛlɛ mmɔ úti úbedu ɔmwi. Ɔmmɔ ɔsu na baalɔ kesii kammɔ banii Lɛbibo Kɔwɛ. Na ɔmɛni ɔ́ya na Unwoti kɔnyi kati kati kɔmmɔ kɔyɔ.

Lɛkpa Ulu 32:36

Unwoti ɔdubo nwuna bekyuli bukpo bɔƒɔ uwi ɔni na ɔ́nu ka bana ɔlɔkplu ɔ́yuɛ. Na ɔdubo bani muumwi-nwu kɔnyana bɔnu si ɔ́nu kalɛ na bábla kpɛtɛ kpɛtɛ.

Lɛkpa Ulu 13:17

Na ɔdi uteti ala ani na ɔ́su-mii ka bɛkyula mmɔ adi utese lɛlɔ. Ɔmɛni ndubɔya na nwuna kɔnyi kati kati kɔyɔ na ɔnu-mii kɔnyana. Ɔdubɔnu-mii kɔnyana na ɔya na bimomo bibu aani kalɛ na ɔ́su bina bati kuuku úse.

Ala Kalɔ Buse 6:6

Na úduo Unwoti ka údie ukyuli ɔ́kya kalɔ lɛlɔ. Na nwuna kayi kénu ɔlɛ geen.

Israelƒuɔ Bɔlɛ 33:13

Na ɔƒɛni ɔni lɛ́ɛti-ɔ mɛni ni, ya na lɛti ƒula kasusu kani na ada, kalɛ na makana na mesie anumi na mabla ƒula lɛyɔla. Na enyimo lɛnɔ ka awɔ náƒuna bekyuli bamɛni ábla ƒula badi.”

Bumomo Bɔka 16:21

“Bɛmami lɛlɔ bɛsiku bekyuli bammɔ ƒui kudɔ na ɔdia-mi na lɛyila-ma udu ƒui kɔnakunwi.”

Samuel 1 12:22

Nwuna lɛnyi bonwu lɛni náƒɔ kuye ɔsu ni, Unwoti ɔɔɔdubo nwuna bekyuli buni, ɔsika ɔɔyɔ́-nwu kaƒɔ ka ɔbla-mii nwuna kadi bekyuli.

Baga 1 8:51

Ɔsika badi ƒula bekyuli bani na áda édie Egyipte kalɔ lɛlɔ, kalɔ kani kemmo nse aani ogya lɛyu lɛni kemmo na baanwamana abuala.

Yoel 2:17

Su mina bakpane bani nnye kakpakɔ kayakun ku lɛkpabi ntɛ mmɔ na bewulo bakpali-mi banini, “Unwoti, ƒɔ ƒula kadi bekyuli! Na taya na kadi bamba bekyuli beti ƒula bekyuli benwini lɛƒiankula na bataama-ma teeye banini, ‘Wɛ na bana Unwoti ɔkya?’ ”

Bumomo Bɔka 14:19

Na ɔkɛnku ƒula lɛƒɔndia bonwu ɔsu ni, ti bana ekpidi kyiɛ-ma aani kalɛ kani na eeti takyiɛ-ma ɔ́si uwi ɔni na bɔ́lɛ Egyipte kalɔ lɛlɔ úbedu ɔƒaani.”

Yesaia 64:7

Ukyuli ndi ukyuli ɔsɔ ulákpali-ɔ lɛnyi iye unye kpakplaa ute-ɔ, ɔsika ábɛla-bu ƒula anumi. Na bubie kani náƒɔ-bu keliela ƒui na bɔɔyii udu na bula alaekpidi ammɔ ɔsu.

Yesaia 64:8

Nsu ni, Unwoti awɔ ndi bula ɔti. Lɛvɔti na abu bɔdi na awɔ ndi ɔvɔne ɔmmɔ. Ɔsika bula ƒui ƒula enu kabla na bɔdi.