Israelƒuɔ Bɔlɛ 32:10 - Katɔti Ɔku Kedee

¹⁰ Anwuɔsu mɔɔsu awɔ Mose nnii tedie-ma kenye, ɔsika líti kɔnyi geen lɛ́kya-ma, na lɛ́bla kasusu ka lɛyila-ma udu. Na ɔmmɔ kama ndubɔbla awɔ Mose ku ƒula kaba bekyuli kadi kani náƒɔ kuye.”

Israelƒuɔ Bɔlɛ 32:10 Referans Kwoze

Lɛkpa Ulu 9:14

Anwuɔsu te-mi kuƒi na lɛyila bekyuli bamɛni udu. Na linine bana anyi lidie na ɔƒɛ kalɔ. Na ndubudie kadi bekyuli bani ndubɔyu ɔyikun geen na bimomo bitulo-ma lɛsiku-ɔ kemmo.”

Bumomo Bɔka 14:12

Ɔmɛni ɔsu ndubo ɔ́lɛ buɛ ɔdi buti bɔkya bekyuli bammɔ akɔ na lɛyila-ma udu. Nsu awɔ Mose anwu ni, ndubo bɔya na kadi bekyuli pii bani na bemomo betulo bamɛni balɛ basi-ɔ kemmo na bayu ɔkplu lɛnɔ betulo-ma.”

Lɛkpa Ulu 9:19

Ka mɔɔyia Unwoti kɔnyi ɔsu ku kalɛ ɔ́kɛ kɔnyi kpakplaa kɔni na úti ku kalɛ na ɔɔyɔ́ ka ɔyila-mii udu ɔsu ni, lɛ́bla ɔmɛni ƒui. Na Unwoti kaƒɔ káyɔ-nwu na únu mina buvele.

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Israelƒuɔ Bɔlɛ 32:19

Uwi ɔni na Mose ɔdaku bɔni bude kesii kani Israelƒuɔ básala belie na ɔ́nu ɔmantɛ akɔ ɔni bávɔ ku kalɛ bekyuli bammɔ bakya baatɔ́ taamana akɔ ɔni bávɔ mmɔ ni, kɔnyi kɔ́ƒɔ-nwu lɛlɔ kemmo na kɔbi kaƒɔna mmɔ na úƒwimi atabi anyɔ ani na Unwoti úti úte-nwu mmɔ ɔ́va kalɔ na ábwɛ kɔkɛ kɔkɛ.

Israelƒuɔ Bɔlɛ 32:11

Amu na Mose úvele kɔnyana bɔnu na Unwoti Katɔti kudɔ ɔnini, “Unwoti, bi ɔsu na éti kɔnyi ákya ƒula bekyuli lɛni? Ƒula bekyuli badi, na éti ƒula ɔyikun bonwu na áda-ma édie Egyipte kalɔ lɛlɔ.

Israelƒuɔ Bɔlɛ 22:24

Na ndubuti kɔnyi lɛkya-mii, na lɛdu-mii ku kewii, na bina beleku benwini bekpinele, na bina bebi lɛnɔ babla bekpinebi.

Yakobo 5:16

Anwuɔsu bidie bina alaekpidi ani na bɛ́bla kalɔ bite lɛlɔ. Na bitaakpali katɔ teete lɛlɔ kalɛ na Katɔti wabwi-mii lɛlɛ lɛni na biiƒi. Ukyuli ɔni nse sɛɛn ni, nwuna katɔ bɔkpali bubo ɔyikun geen.

Yeremia 15:1

Unwoti ɔ́su-mi ɔnini, “Ina Mose ku Samuel nnye mɛni bebunku-ɔ na bɛɛkpali-mi teevele ni, lɛɛɛdubo bunu, anwuɔsu ya na Yudaƒuɔ bammɔ benwini batɔlɔ.

Yeremia 14:11

Unwoti ɔ́su-mi ɔnini, “Yeremia, tevele-mi anii nnu bekyuli bamɛni kɔnyana.

Israelƒuɔ Bɔlɛ 33:3

Kalɔ kani lɛlɔ bísela mmɔ egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Nsu ami Unwoti lɛɛɛdubo-mii bɔkpanku. Ɔsika bɛdi bekyuli bani atu mbo ɔkplu geen, na ɔƒɛni kalɛ ndubɔyila-mii udu na ulu lɛlɔ.”

Bumomo Bɔka 16:21

“Bɛmami lɛlɔ bɛsiku bekyuli bammɔ ƒui kudɔ na ɔdia-mi na lɛyila-ma udu ƒui kɔnakunwi.”

Kɔgya 106:23

Anwuɔsu uwi ɔni na ɔ́bla kasusu ka ɔyila-nwuna bekyuli udu ni, Mose ɔni ndi nwuna kabla ɔblane ɔƒunadi unye ɔda-ma na úvele Katɔti ka nwuna kɔnyi kɔyɔ-nwu na ɔda-ma bɔkyula ɔya.

Yeremia 7:16

“Yeremia, takpali-mi tevele na bekyuli bamɛni lili! Ami Unwoti lɛɛɛdubo bunu.

Yeremia 11:14

“Yeremia, takpali tevele na bekyuli bamɛni lili iye asu-mi anii ndie-ma. Ɔsika lɛɛɛdubo bunu ina ákpali-mi na lɛɛɛdubo bana buvele lɛnɔ bunu!”

Esekiel 20:13

Nsu Israelƒuɔ báta bénye-mi lɛlɔ na ketele kalɔ kakwiidi kemmo mmɔ. Na béni banii baaadubo-mi litemi bunu na badi mina ɔda bubo ku ala ani mɔɔtina-ma mmɔ lɛlɔ. Na baabla Lɛnwunameyi lɛmmɔ kalɛ kalɛ aani limeyi keeke bamba biala kalɛ. “Mmɔ na lɛ́lɛ ugyii ka nka mɔɔyila Israelƒuɔ bammɔ ƒui udu na kalɔ kakwiidi kemmo mmɔ kɔnakunwi kani na ɔsa.

Ala Kalɔ Buse 12:2

“Ndubɔya na kadi bekyuli pii balɛ basiku-ɔ lɛlɔ. Na ndubute-ɔ kusɛ kusɛ. Ndubɔya na aƒɔ lɛnyi geen, na bekyuli badubɔsia-a lɛlɔ na bakɛ kusɛ kusɛ