Israelƒuɔ Bɔlɛ 30:7 - Katɔti Ɔku Kedee

^7-8 “Na ɔtanta ku useyi biala na Aaron watu asogya ɔmmɔ ni, bitaakyula oloƒui ɔni muunwenyi ƒɛƒɛɛ na lɛkpabi lɛmmɔ lɛlɔ teete-mi.

Israelƒuɔ Bɔlɛ 30:7 Referans Kwoze

Samuel 1 2:28

Ƒ'ɔti kaba kemmo bekyuli na lɛ́ƒuna na atɔƒi bamba ƒui akɔ na Israel. Na ama kani ndubusie mina lɛkpabi lɛlɔ na bakyula oloƒui bete-mi. Na bakya bakpane awu asa benye-mi anumi bataabla-mi kabla. Na ama kani na líti bɔkyula akpala ani na Israelƒuɔ béboku kadikɔ líte.

Luka 1:9

Ɔsika na bana bakpane ɔdi bɔbla kemmo ni, bátu egulabi bánu na Sakaria ɔmmɔ ɔdi nénwini úwi. Anwuɔsu anwu na báƒuna ka ɔkyula oloƒui ute Katɔti na nwuna lɛkpabi lɛlɔ. Amu na úduo úsie Yudaƒuɔ kakpakɔ mmɔ.

Ala Alɛdi 1 23:13

Na Amram ɔmɛni náwɔ Aaron ku Mose. Na Aaron ku nwuna kaba kemmo bebi na báƒuna ka bataanu kakpakɔ ala kedee ammɔ lɛlɔ. Na bataabla Unwoti kabla na akpala bɔkyula kemmo na ama ndubo buteete bekyuli kusɛ kusɛ na Unwoti lɛnyi kemmo.

Samuel 1 3:3

Na ka Samuel ɔ́wɔlɔ nwuna kabla ni, ɔ́yu ɔ́tɛ ɔnii utaalɛɛ na kakpakɔ mmɔ kesii kani na Unwoti Bunyimi Adaka ɔmmɔ ɔlɛ kudɔ na asogya ɔma ɔɔda.

Israelƒuɔ Bɔlɛ 30:34

Amu na Unwoti ɔ́su Mose ɔnini, “Wia ala ani muunwenyi ƒɛƒɛɛ na abla oloƒui. Ti mira ku klobo ku onika ku galbanum te ukyuli ɔni ngyi-nwu kabla kaduɛ, na ubunku mma uti ɔbla oloƒui sɛsɛɛ kedee ɔmmɔ.

Israelƒuɔ Bɔlɛ 30:6

Ti lɛkpabi lɛmmɔ lɛ kakpakɔ bule kɔdi kɔni néle kevo kammɔ kemmo mmɔ anumi kakɛ mɛni. Na Bunyimi Adaka ɔmmɔ ɔlɛ kakpakɔ bule kɔdi lɛmmɔ kama ku nwuna likpidi kɔtu bɔni budie libila kesii kani na ndubo-mii butaasiaku mmɔ.

Israelƒuɔ Bɔlɛ 40:27

Na ɔ́kyula oloƒui ƒɛƒɛɛ aani kalɛ kani na Unwoti úbo-nwu ɔda.

Bumomo Bɔka 7:56

ku sika ugyiedi lɛkyami linwi, aani edula ebi lɛkɔkɔ linwi unu, na úyile-ni ku oloƒui,

Bumomo Bɔka 16:40

aani kalɛ na Unwoti úbo Mose ɔda. Na ɔmɛni ɔ́bla bɔlɛ úte Israelƒuɔ kaduɛ ka ukyuli ɔni nátasi Aaron kaba kemmo utalɛka usie Unwoti lɛkpabi kudɔ ɔnii utákyula oloƒui ute Unwoti. Na si ɔdi ɔ́bla lɛni ni, Unwoti ɔdubɔyila-nwu udu aani kalɛ na ɔ́bla Kora ku nwuna bekyuli. Na Eleasar ɔ́bla lɛla biala ɔ́siaku pɛpɛɛpɛ aani kalɛ na Unwoti úbo Mose ɔda.

Ala Alɛdi 2 2:4

Nnye mɔɔtú kakpakɔ lite Unwoti Katɔti kesii kani na bekyuli bataakpa-nwu. Na badubɔkyula oloƒui ƒɛƒɛɛ na mmɔ na beti bodobodo ɔni nse kedee lɛnɔ bete-nwu na mmɔ. Na bekyuli bani nébo babakpa-nwu badubuti bana akpala beboku-nwu na mmɔ ɔtanta biala ku useyi uwi biala ku Lɛnwunameyi biala ku kɔbuli biala limeyi lideedi lɛlɔ ku Katɔti emeyi buni aƒunadi biala bɔdi lɛlɔ. Na badubo ɔmɛni ƒui butaabla uwi ƒui aani kalɛ na Unwoti ɔda bubo bɔmmɔ bɔ́tina pɛpɛɛpɛ.

Ala Alɛdi 2 26:18

Béye-nwu etemila geen na básu-nwu banini, “Ɔɔɔdi ulu ka ɔbla lɛla lɛni udu na aabla mɛni, ɔsika Aaron bebi bani na bése likpo aani bakpane kani na ɔlɛka babla bɔkyula ɔdi ɔmɛni udu. Anwuɔsu ɔlɛka avi alɛ mɛni! Ábla likpidi áƒiɔ Unwoti ɔni na nwuna kusɛ kusɛ ɔsɔ ɔɔɔdubo-ɔ bɔsiaku.”

Lewiƒuɔ Ɔda Bubo 6:5

bɔkɛ na ɔ́kɛ lɛla lɛdi na útebo-ni kudu mmomu ɔ́kpali ala ka útanu-ni o-o ni, ɔlɛka ɔsɔku lɛla lɛmmɔ ubese kenye ute ɔlati kalɛ kani na líse. Ɔmmɔ kama na ɔƒɔ lɛla lɛmmɔ kayu lɛkpa lɛlɔndi na nina kuye bɔƒɔ kenye ɔsia lɛla lɛmmɔ kuye lɛlɔ ute ɔlati na limeyi lɛni lɛlɔ na ɔ́nu nwuna bɔƒiɔ ɔ́ti mmɔ.

Lɛkpa Ulu 33:10

Na amii bɛtina Israelƒuɔ Katɔti ɔda bubo bɔmmɔ. Na kesii kani na Unwoti ɔ́su-mii ka bitaakpa-nwu na bitaabla nwuna akpala ku oloƒui bɔkyula ɔdi mmɔ.

Ala Alɛdi 1 6:34

ɔni ndi Elkana ubidi ɔni ndi Yeroham ubidi ɔni ndi Eliel ubidi ɔni ndi Toa ubidi

Ala Alɛdi 2 2:3

Ɔmmɔ kama ni, Salomo ɔ́sia Hiram ɔni ndi Tiroƒuɔ ɔga kenye ɔnini, “Uwi ɔni na mina ɔti Dawid ɔɔtú nwuna ɔga kesii na akwa adi kama mɛni ni, awɔ na ɔ́ya na éboku-nwu ligyigba lɛbuni kpakplaa lɛni kabla na ɔ́bla. Adubɔsɔ akana na ete-mi lɛdi ɔƒɛni?

Ala Alɛdi 2 29:7

Bákalɛ kakpakɔ kammɔ bényene na lɛsogya lɛmmɔ ƒui líni. Na basɔ balákyula oloƒui ɔdi iye babla akpala adi bete Katɔti lɛnɔ.

Kɔgya 141:2

Ya na mina katɔ bɔkpali bunwini aani oloƒui ƒɛƒɛɛ ɔni baakyula na ƒula anumi. Na si lɛ́kɔliku mina enu katɔ ni, na ɔbla aani useyi uwi akpala ani na baabla teete-ɔ.