Israelƒuɔ Bɔlɛ 30:23 - Katɔti Ɔku Kedee

^23-25 “Wia nnɔmii bɔni nse kede kede lɛkyami linwi ku ala ani muunwenyi ƒɛƒɛɛ te ukyuli ɔni ngyi bɔsala kabla kaduɛ, na uti mira ɔɔƒɛɛ unwi ku sinamon ɔɔƒɛɛ kakɛ ku kalamus ɔɔƒɛɛ kakɛ ku kasia ɔɔƒɛɛ unwi ɔsala-mu. Nnɔmii bɔmɛni bɔdubɔbla likposela nnɔmii sɛsɛɛ.

Israelƒuɔ Bɔlɛ 30:23 Referans Kwoze

Esekiel 27:19

“ ‘Na Vedan ku Yavan bani nde Usal béboku-ɔ abuala ku kutu akyala.

Lɛnu Ƒui Ɔnu 4:14

ku oloƒui ku mira ku ana lidu ku kutu akyala ani udu adi ndi ɔyii ku keyeeyi ku abintolobi ku lidu bamba pii lɛnɔ.

Esekiel 27:22

“ ‘Beyedine bani na bási Seeba ku Raama béti kutu akyala abuni geen ku atabi ani na áƒɔ kuye geen ku sika ugyiedi bábavumana ku ƒula eyedila ani na ebo.

Yeremia 6:20

Amii Yudaƒuɔ, bɛda oloƒui bɛ́siku Seeba kalɔ lɛlɔ bíboku-mi ku kutu akyala ƒɛƒɛɛ ani na bɛ́siku kalɔ ɔgyu kakaaka bíboku-mi. Na bɛɛbla akpala lidu lidu lɛnɔ. Nsu bi ɔsu na binye biikpóku lɛlɔ lɛni? Bina etela ammɔ ƒui adi ala ani muusé-mi lɛlɔ na muukisi-nya geen!

Lɛnu Ƒui Ɔnu 1:13

Mina ɔyɔne use ute-mi aani ugyulo ɔni baalɔ nard ɔsii na ɔtɛ-mi anyii lɛlɔ.

Lɛnu Ƒui Ɔnu 1:3

Ebo ɔnyi ƒɛƒɛɛ ɔdi ɔni na si línu ka ɔdi ɔ́kpali-ɔ lɛnyi ni, na ɔnyi ɔmmɔ kani na muunú. Na unyeƒi ɔdi uuubo-nwu kemmo ka ɔmmɔ ɔsu geen na begblebi ƒui baayɔ́-ɔ!

Agba 7:17

Na lɛ́ya na ɔnyi ƒɛƒɛɛ ɔ́ƒɔ mina atɛla ammɔ. Nnɔmii bɔni baalɔ mira ku lidu bamba na lɛ́kuna líwi-nya lɛlɔ.

Kɔgya 45:8

Ƒula awu ɔni na akya ni, ugyulo ƒɛƒɛɛ lidu lidu ɔnyi ɔ́ƒɔ-nwu kemmo. Na ɔtunkpɛ sɔɔn na béti bákya ƒula lɛgbanya lɛmmɔ bɔdia. Na lɛbentaa na baagyá taakya-a lɛga ebiti.

Israelƒuɔ Bɔlɛ 37:29

Na ɔ́sɔ ɔbla ala kewikɔ kesii kani beewi nnɔmii kedee ku oloƒui ɔni muunwenyi ƒɛƒɛɛ na béti ala ƒɛƒɛɛ básala-nwu.

Israelƒuɔ Bɔlɛ 25:6

ku asogya nnɔmii, ku ugyulo ƒɛƒɛɛ ɔni na baakya likpose nnɔmii kemmo ku oloƒui ƒɛƒɛɛ,

Israelƒuɔ Bɔlɛ 30:22

Amu na Unwoti ɔ́su Mose ɔnini,

Israelƒuɔ Bɔlɛ 31:11

Na badubɔbla nnɔmii ku oloƒui ƒɛƒɛɛ ɔni beeti taabla Katɔti Kakpakɔ Kedee lɛlɔ kabla. Na badubɔbla ala amɛni ƒui aani kalɛ kani na líbo-ɔ ɔda.”

Israelƒuɔ Bɔlɛ 35:28

Na básɔ béboku nnɔmii kede kede, ku ugyulo ƒɛƒɛɛ ɔni na baakya likpose nnɔmii kemmo ku oloƒui ƒɛƒɛɛ.

Samuel 1 10:1

Ɔmmɔ kama ni, Samuel úti ɔsii ɔdi na nnɔmii buwi-nwu kemmo na úwilimi nnɔmii bɔmmɔ úwi Saul lili na ɔ́kya-nwu kɔgbu na ɔ́su-nwu ɔnini, “Geen geen ni, Katɔti ɔ́ƒuna-a ka enwini nwuna kadi bekyuli Israelƒuɔ ɔga.

Baga 1 1:39

Na ɔkpane Sadok úduo úsie Unwoti Adi Kevo kedee kammɔ kemmo na útéti ebuo lise lɛdi kemmo na nnɔmii buwi ɔ́lɛku. Na úwilimi nnɔmii bɔmmɔ úwi Salomo lili úse-nwu likpo. Na ɔmmɔ kama bávwi kakpɛɛ kadi momoomo na bekyuli ƒui báva momoomo banini, “Ɔga Salomo ulie ngba gyɔlɔɔ!”

Ala Alɛdi 1 9:30

Na bakpane bammɔ badi mɔɔsála akyala.

Yesaia 43:24

Bíteboku-mi kutu akyala ƒɛƒɛɛ adi iye bɛƒuna bina bebuo bani na bɛ́du kabunikɔ ƒui biboku-mi. Mmomu ami na binye biikpóku ku bina ekpidi bonwu bonwu pii ani na bɛɛbla.

Bumomo Bɔka 4:16

“Aaron ubidi Eleasar ɔni ndi ɔkpane ni, nnɔmii bɔni na beewi asogya ku oloƒui ƒɛƒɛɛ ku limeyi ndi limeyi edula ebi akpala ku likpose nnɔmii ni, nwuna lɛkɔkɔ na ɔ́lɛka akya. Na anwu na ɔlɛka utaanu katɔma kammɔ ku kana lɛlɔ ku kakpakɔ lɛlɔ ala kedee ammɔ ƒui lɛlɔ.”

Ala Alɛdi 1 9:29

Na badi lɛnɔ mɔɔnu ala ani ƒui bánwi bálɛ kakpakɔ kammɔ lɛlɔ. Na básɔ baanú ɔlaaƒɔ ku ntɛ ku nnɔ ku oloƒui ku akyala ani nse kakpakɔ mmɔ lɛlɔ.