Israelƒuɔ Bɔlɛ 30:10 - Katɔti Ɔku Kedee

¹⁰ Na kunwi na lɛkwa kemmo ni, Aaron ɔdu ebuo ɔbla likpidi kɔtu bɔni budie akpala ɔdi na kesii kani na ese ammɔ alɛ. Na ebuo ɔni na badubo bɔdu mmɔ ubugya na badubuti babla buvele ɔdi ɔmɛni bete kaba bekyuli bani mebo ƒui. Na ɔmmɔ ɔdi akpala ani nse kedee ƒui ute ami Unwoti.”

Israelƒuɔ Bɔlɛ 30:10 Referans Kwoze

Lewiƒuɔ Ɔda Bubo 16:18

“Ɔmmɔ kama ɔdubɔlɛ ubo Unwoti lɛkpabi lɛmmɔ kudɔ na uti akɔ ɔmmɔ ubugya ku ketukpa kammɔ ubugya ɔdi ususu bebuo ese ani nlɛ lɛkpabi lɛmmɔ lɛlɔ ƒui na ɔbla-ni ɔdi ɔmmɔ kalɛ kani na ɔ́bla Kevo kammɔ.

Hebriƒuɔ 9:25

Na uléti lɛlɔ taakpa lɛkwa ndi lɛkwa aani kalɛ na ɔkpane unengudi uuduo kesii kani nse kedee ntulo ƒui mmɔ ku ubugya ɔni naaadi anwu ɔlati ɔdi kalɛ.

Lewiƒuɔ Ɔda Bubo 23:27

“Su Israelƒuɔ ka kɔbuli maatɛdi limeyi leevudi lɛlɔ ni, ɔdi Likpidi Kɔtu Bɔni Budie Limeyi. Bikisi lɛlɔ bɛsa bɔsa kedee na mina lɛnyi lɛlɔ na bɛkyula akpala.

Hebriƒuɔ 9:7

Na katɔma kammɔ kemmo aka ni, ɔkpane unengudi kani néteeduo mmɔ kunwi na lɛkwa kemmo. Na ntu úti ebuo ɔni na béeti bákpa ubugya ɔ́da na weti wakpa na anwu ɔlati ku bekyuli ekpidi ani bátati asa na bábla lili.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Budie Taatina 9:13

Amu na Katɔti ɔtu ɔkundi ɔ́vwi nwuna kakpɛɛ. Na línu lɛdi lɛdi ka lɛ́si sika ugyiedi lɛbi lɛni nnye Katɔti anumi ekpo ene ammɔ lɛlɔ lɛdubo.

Israelƒuɔ Bɔlɛ 30:9

Na bɛnu ka bɛ́kyula oloƒui ɔni muunwenyi ƒɛƒɛɛ kani. Na biteti oloƒui ɔmmɔ ɔdi bitabla edula ebi iye ebuo iye ntɛ akpala.

Israelƒuɔ Bɔlɛ 30:11

Amu na Unwoti ɔsu Mose ɔnini,

Lewiƒuɔ Ɔda Bubo 16:2

Ɔ́su-nwu ɔnini, “Ya na ƒ'ɔnwani Aaron ɔti anii utata kalɛ kalɛ uwi ɔni na ɔɔyɔ́ na ubalɛ-mi lɛlɔ na Katɔma Kedee kemmo kesii kani na likpidi kɔtu bɔni budie libila libi Bunyimi Adaka lɛlɔ na kakpakɔ bule kɔdi kɔmmɔ kama, si ɔɔɔdi lɛni ɔdubo bukpi, ɔsika ami Unwoti mɔɔdá taalɛ libila lɛmmɔ katɔ na liƒlukutu kemmo.

Lewiƒuɔ Ɔda Bubo 16:16

Lɛni na ɔdubɔbla na udie likpidi kɔtu bɔni bɔni nkɛnku Katɔma Kedee kammɔ lɛlɔ ala bɔbla na Israelƒuɔ ala ani muusé lɛlɔ bɔbla ku kalɛ na bénwini kama bákya Unwoti ɔsu ina bi ekpidi na bábla. Lɛni kani na ɔdubɔbla ute Kasakɔ Kevo kani nkya-ma ntɛ na bana ɔbladu ɔni muusé lɛlɔ mmɔ ɔsu.

Baga 1 1:50

Nsu ka Adonia ɔɔyia Salomo ɔsu ni, úsie na útébo ɔ́da bebuo ese ani nlɛ lɛkpabi lɛmmɔ lɛlɔ.

Ala Alɛdi 1 6:49

Nsu Aaron ku nwuna kaba bebi ama ni, ama mɔɔbla akpala na Unwoti lɛkpabi lɛlɔ. Na baakyula oloƒui lɛnɔ na kesii kani nse kedee ƒui teeti taabla likpidi kɔtu bɔni budie akpala teete Israelƒuɔ. Aani kalɛ na Mose ɔni ndi Katɔti kabla ɔblane úbo ɔda.

Lewiƒuɔ Ɔda Bubo 4:7

Na uti ubugya ɔmmɔ ɔdi ususu ebuo ese ani nlɛ oloƒui lɛkpabi lɛni nnye Unwoti anumi na Unwoti Adi Kevo kemmo mmɔ lɛlɔ. Na akɔ ɔmmɔ ubugya ɔkladi ƒui ni, ɔkpane ɔmmɔ ɔdubuti uwi lɛkpabi lɛni nnye Unwoti Adi Kevo kammɔ kayakun kenye mmɔ kalɔ.

Lewiƒuɔ Ɔda Bubo 4:18

Ɔdubuti ubugya ɔmmɔ ɔdi ususu ese ani nlɛ lɛkpabi lɛni nnye Unwoti Adi Kevo kammɔ kemmo lɛlɔ na Unwoti anumi. Na uti ubugya ɔkladi uwi lɛkpabi lɛni lɛlɔ na baakyula akpala mmɔ lɛlɔ na linye Unwoti Adi Kevo kammɔ kayakun kenye.