Israelƒuɔ Bɔlɛ 3:6 - Katɔti Ɔku Kedee

⁶ Na Katɔti ɔ́su Mose ɔnini, “Ami ndi ƒ'ɔti Katɔti ku Abraham Katɔti ku Isak Katɔti ku Yakob Katɔti.” Na ka Mose ɔɔyia ka wanu Katɔti ɔsu ni, ɔ́bɛla nwuna anumi.

Israelƒuɔ Bɔlɛ 3:6 Referans Kwoze

Luka 20:37

Ɔmmɔ kalɔ geen na Mose údie na Bunweni Kedee Ɔku kemmo ka bekpine basɔ baata teelie ngba. Ɔsika uwi ɔni na unye kugyii kɔni mɔɔda anumi ni, ɔ́lɔ Katɔti aani Abraham Katɔti ku Isak Katɔti ku Yakobo lɛnɔ Katɔti.

Mateo 22:32

‘Ami ndi Abraham Katɔti ku Isak Katɔti ku Yakob Katɔti!’ Ɔmɛni ɔɔtina ka ama bani néekpi ni, bamu beli ngba. Anwuɔsu ɔdi ama lɛnɔ Katɔti.”

Marko 12:26

Nsu na bekpine bɔsɔ taata litemi lɛlɔ ni, Mose únweni lɛla lɛdi na Bunweni Kedee Ɔku kemmo ɔ́siku kugyii blii kɔni mɔɔkywí lɛlɔ. Munuu bilenyimo? Mmɔ na únweni ka Katɔti ɔ́su-nwu ɔnini, ‘Ami ndi Abraham Katɔti ku Isak Katɔti ku Yakob lɛnɔ Katɔti.’

Israelƒuɔ Bɔlɛ 4:5

Amu na Unwoti ɔ́su Mose ɔnini, “Bla ɔmɛni tina-ma, na ɔdubɔya na baƒɔ badi ka ami bana bati kuuku Abraham Katɔti ku Isak Katɔti ku Yakob Katɔti nédie lɛlɔ lɛ́tina-a.”

Batalane Kabla 7:32

‘Ami ndi ƒula bati kuuku Abraham ku Isak ku Yakob bene Unwoti.’ Amu na lɛlɔ lɛ́tɔ Mose ku bɔyia ɔni na ɔsɔ útakana mmɔ bɔnu.

Ala Kalɔ Buse 28:13

Na ubili kɔnyakɔ kɔmmɔ katɔ ƒui ni, ɔ́nu ka Unwoti Katɔti unye. Na ɔ́su-nwu ɔnini, “Ami ndi Unwoti, ƒula ɔti Abraham ku Isak Katɔti. Na ndubuti kalɔ kani lɛlɔ na atɛ mɛni lite awɔ ku ƒula kaba kemmo bebi.

Budie Taatina 1:17

Ka lɛ́nu-nwu ni, líbuli ńtáyu kalɔ aani ukpine na nwuna anumi. Nsu ukyuli ɔmɛni úti nwuna kɔdianu ɔ́sia-mi lɛlɔ na ɔ́su-mi ɔnini, “Sɔ tayia! Ami ndi Udeedi ku Ukplodi.

Baga 1 18:36

Ka useyi akpala bɔbla uwi údu ni, Kenye Udiene Elia ɔ́lɛ úsie úténye anumi. Amu na ɔ́kpali Katɔti ɔnini, “O Unwoti ɔni ndi Abraham ku Isak ku Israel Katɔti! Ya na bekyuli bamɛni banu bati ɔmwi ka ni, awɔ ndi Israel Katɔti. Na ami lɛnɔ ndi ƒula kabla ɔblane. Na ala ani lɛ́bla mɛni ni, ƒula ɔda bubo kenye na lɛ́bla-nya.

Litemi Batɛne 13:22

Amu na Manoa ɔ́su ulekudi ɔnii, “Bɔdubo bukpi, ɔsika búti bula anumi bɔ́nu Katɔti.”

Yeremia 32:38

Badubɔbla mina bekyuli na ami lɛbla bana Katɔti.

Yeremia 31:33

“Bunyimi bɔni na ami Katɔti mɔɔsu ka ndubo bunyimiku-ma na uwi ɔni ndubo kemmo ndi ɔmɛni. Ndubuti mina ɔda bubo lɛkya-ma kayi kemmo. Na ndubunweni-mu lɛsia-ma kasusu lɛlɔ Ndubɔbla bana Katɔti na ama lɛnɔ babla mina bekyuli.

Yeremia 24:7

Ndubuti mina lɛlɔ ebiti bɔkya-ma kayi kemmo na bati-mi na benwini mina kadi bekyuli. Na badubɔwia ka lɛbla bana Katɔti na benwini bebo-mi kudɔ ku bana kayi ƒui.

Kɔgya 132:2

Na ɔ́kpali Katɔti úse kenye úte Unwoti ɔni ndi Yakob Katɔti Ɔyikune Ƒui ɔnini,

Baga 1 19:13

Na ka Elia únu lɛdi lɛmmɔ ni, ɔni nwuna awu ɔtɔdi úbi anumi na ɔ́lɛ úténye ubu ɔmmɔ kenye. Mmɔ na lɛdi lɛmmɔ líye Elia ɔnini, “Bi na aabla mɛni?”

Israelƒuɔ Bɔlɛ 29:45

Na ami Unwoti ndubɔkya-mii akɔ aani bina Katɔti kalɛ.

Ala Kalɔ Buse 32:9

Ɔmmɔ kama ni, Yakob ɔ́kpali katɔ na úvele ɔnini, “O mina Unwoti, Abraham Katɔti ku Isak Katɔti, awɔ ɔni násu-mi anini, ‘Nwini na eteesie ƒula kalɔ lɛlɔ ku ƒula lɛlɔ bekyuli kudɔ na ndubɔya na enu ku akɔkɔ eyi-ɔ.’

Ala Kalɔ Buse 31:42

Na Unwoti Katɔti ɔni ndi mina ɔti lɛnɔ Katɔti na ɔdi Abraham Katɔti ɔsiaku-mi. Na bɔyɔ geen bɔni na mina ɔti Isak ɔ́yɔ Unwoti Katɔti lɛnɔ búdie-mi. Si ɔɔɔdi lɛni nka áya na lɛ́tɔlɔ enukplu. Nsu Unwoti Katɔti ɔ́nu mina kogyoklo ku lɛbibo. Ɔmmɔ ɔsu na ɔ́dɔnku-ɔ kamaadi usien.”

Ala Kalɔ Buse 26:24

Usien ɔmmɔ ni, Unwoti Katɔti údie lɛlɔ ɔtina-nwu na ɔ́su-nwu ɔnini, “Ami ndi ƒula ɔti Abraham Katɔti. Tayia, ɔsika nsiaku-ɔ. Ndubute-ɔ kusɛ kusɛ na lɛya na ƒula bebi ku bawɔ bemomo bebu na mina kabla ɔblane Abraham ɔsu.”

Ala Kalɔ Buse 17:3

Mmɔ ni, Abram ɔ́yu úbi kalɔ na Katɔti ɔ́su-nwu ɔnini,

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Ala Kalɔ Buse 12:1

Na uwi ɔmmɔ kemmo ni, Unwoti ɔ́su Abram ɔnini, “Tɔlɔ ƒula kalɔ lɛlɔ, ku ƒula bekyuli kudɔ ku ƒ'ɔti kaduli na eteesie kalɔ kani na matina-a lɛlɔ.”

Hebriƒuɔ 12:21

Lɛla lɛni bánu mmɔ lɛdi liƒu lɛla libendi lɛni náya na Mose ɔ́su ɔnini, “Liƒu lítulo-mi, na lɛlɔ lɛɛtɔ́-mi!”

Batalane Kabla 7:34

Sɔsɔ ni, lɛ́nu lɛbibo lɛni kemmo na mina bekyuli bakya na Egyipte kalɔ lɛlɔ. Na muunú bana keku kani na beewulo taakpali-mi. Anwuɔsu lɛ́yu líbo nnii medie-ma. Bo, na lɛtala-a Egyipte.’

Luka 5:8

Ka Simon Petro ɔ́nu lɛla lɛni nálɛ mɛni ni, ɔ́lɛ akɔnkɔ na Yesu anumi na ɔ́su-nwu ɔnini, “Blɔti, takpɛ tede-mi, ɔsika alaekpidi ɔblane na ndi.”

Mateo 17:6

Uwi ɔni na batɛyane ɛtɛ bamɛni bénu lɛdi lɛmɛni ni, liƒu lɛ́da-ma geen na báyu bébi kalɔ.

Sakaria 8:8

na basɔ benwini bebelie Yerusalem. Badubunwini mina bekyuli, na ami lɛbla bana Katɔti, na lɛsia mina litemi kama siin, na lɛtɛ bana etemila ulu siin lɛlɔ lite-ma.

Esekiel 11:20

na bitaadi mina ɔda bubo ku mina ala ani mɔɔtina-mii lɛlɔ. Na bɛdubɔbla mina kadi bekyuli na ami lɛbla bina Katɔti.

Nehemia 9:9

“Na ánu bula bati kuuku lɛbibo na énu bana kɔvanu na Ɛpugyie kɔtu.

Ester 3:4

Limeyi ndi limeyi ni, baatɛmiku-nwu ka nka unwini kasusu, nsu útenu kalɔ. Anwuɔsu bésie bátásu Haman lɛla lɛni na Mordekai ɔɔbla na banu si dɛ na badubo-nwu bɔbla.

Hebriƒuɔ 11:16

Mmomu ni, baanu ulu teete kalɔ kani ndia ntulo kammɔ. Na aka ndi Katɔ Ɔga Ɔma kadi. Ɔmmɔ ɔsu ulekpo Katɔti lɛnɔ kɔƒa ka balɔ-nwu banii bana Katɔti. Ɔsika ɔ́ɔda ɔma unengudi ɔdi úse-ma.

Ala Kalɔ Buse 24:12

Amu na ɔ́kpali katɔ ɔ́su ɔnini, “O Unwoti, mina ɔtɔlati Abraham Katɔti, ya na lɛla lɛni ɔsu na líbo mɛni lɛtɛ lite-mi ɔmwi. Na anu mina ɔtɔlati Abraham kɔnyana.

Israelƒuɔ Bɔlɛ 3:16

Ɔ́sɔ ɔ́su-nwu ɔnii, “Sie na atálɔ Israel atɔƒi benengu ƒui asala na asu-ma anii, ‘Unwoti ɔni ndi bina bati kuuku Abraham ku Isak ku Yakob Katɔti nédie lɛlɔ ɔ́tina-mi ɔnini, lɛ́nu kalɛ na Egyipteƒuɔ baabla-mii kalala.

Israelƒuɔ Bɔlɛ 15:2

Unwoti ndi mina ɔyikun ɔni ɔsu na mɔɔtu kɔgya. Anwu nénwini mina ɔƒɔne. Na mina Katɔti na ndubumwi, Ɔdi mina Katɔti, mina bati kuuku Katɔti, na ndubɔkɔliku-nwu lɛnyi katɔ.

Ala Kalɔ Buse 28:17

Ɔ́yia na ɔ́su ɔnini, “Ntɛ bɔmɛni bubo liƒu, ɔsika Unwoti Katɔti keliekɔ geen na kadi mɛni! Na kadi katɔ ɔban kayakun kammɔ geen kenye.”

Israelƒuɔ Bɔlɛ 33:20

Na aaadubo mina anumi bɔnu. Ɔsika ukyuli biala ulanu-mi anumi na welie ngba.”

Lɛkpa Ulu 6:3

Israelƒuɔ, binu! Bɛnu kaduɛ na bɛdi ɔda bubo bɔmmɔ lɛlɔ. Na ɔmɛni ndubɔya na lɛla biala lisieku-mii kaduɛ. Na bɛdubo bumomo bubu na kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii na bísela bitélie mmɔ lɛlɔ aani kalɛ na Unwoti ɔni ndi Bula Bati Kuuku Katɔti ɔ́su úse.