Israelƒuɔ Bɔlɛ 3:15 - Katɔti Ɔku Kedee

¹⁵ Na Katɔti ɔ́sɔ ɔsu Mose ɔnini, “Su Israelƒuɔ anini, ‘Bina bati kuuku Abraham Katɔti ku Isak Katɔti ku Yakob Katɔti nátála-mi ɔ́kya-mii.’ Na lɛnyi lɛmɛni na mɔɔdi úsela uwi ƒui na ani na bina bawɔ bawɔ badubuti beteenyimo-mi ɔ́si kaba úsie kaba.”

Israelƒuɔ Bɔlɛ 3:15 Referans Kwoze

Hebriƒuɔ 13:8

Yesu Kristo ulávumana. Kalɛ kani na úse uwi ɔni návi kemmo ni, lɛni kani na use ɔƒɛni ku uwi ɔni mebo ƒui lɛnɔ kemmo.

Malakai 3:6

Yakob bebi ku bawɔ, ami ndi Unwoti Ɔyikune Ƒui ɔni naaavumana uwi ɔdi. Anwuɔsu na ńtayila-mii udu ńtedie ƒui

Hosea 12:5

anwu ɔni ndi Unwoti Katɔti Ɔyikune Ƒui. Na Unwoti ndi lɛnyi lɛni na bekyuli baabu.

Mika 4:5

Kadi bamba bekyuli badubɔsiaku bana baƒiɔ, nsu abu amu bɔdubɔsiaku bula Unwoti Katɔti uwi ndi uwi.

Israelƒuɔ Bɔlɛ 3:6

Na Katɔti ɔ́su Mose ɔnini, “Ami ndi ƒ'ɔti Katɔti ku Abraham Katɔti ku Isak Katɔti ku Yakob Katɔti.” Na ka Mose ɔɔyia ka wanu Katɔti ɔsu ni, ɔ́bɛla nwuna anumi.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Kɔgya 102:12

Nsu ni, O Unwoti, awɔ adi ɔga úsela uwi ƒui. Na adubɔƒɔ lɛnyi na bekyuli ƒui akɔ ɔ́si kaba útédu kaba.

Kɔgya 135:13

O Unwoti, ƒula lɛnyi liláyi kudii. Na kadi ƒui bekyuli badubo butaakali ƒula ala ani na ábla uwi biala.

Batalane Kabla 7:32

‘Ami ndi ƒula bati kuuku Abraham ku Isak ku Yakob bene Unwoti.’ Amu na lɛlɔ lɛ́tɔ Mose ku bɔyia ɔni na ɔsɔ útakana mmɔ bɔnu.

Lɛkpa Ulu 1:11

Na muuvele nnii Katɔti ɔni ndi bina bati kuuku Unwoti ɔya na bɛsɔ bimomo mpim mpim bibu na ute-mii kusɛ kusɛ na lɛla biala kemmo aani kalɛ na ɔ́su úse.

Israelƒuɔ Bɔlɛ 4:5

Amu na Unwoti ɔ́su Mose ɔnini, “Bla ɔmɛni tina-ma, na ɔdubɔya na baƒɔ badi ka ami bana bati kuuku Abraham Katɔti ku Isak Katɔti ku Yakob Katɔti nédie lɛlɔ lɛ́tina-a.”

Yesaia 63:12

Ɔma muudie kɔnu taabla ɔyikun ala ani muukeye si Mose ɔ́talaku kɔnu katɔ, na úle ɛpu kemmo inyɔ na bana anumi, na nwuna lɛnyi lise lísela uwi ƒui?

Kɔgya 72:19

Bemwi-nwu lɛnyi lɛni muukeye úsela uwi ƒui. Na nwuna bukeye bɔƒɔ kalɔ lɛlɔ ƒui. Ɔsia lɛni! Na ɔsɔ ɔsia lɛni!

Kɔgya 72:17

Ya na ƒula ɔga ɔƒɔ lɛnyi na lisie ɔgyu lɛkya bekyuli akɔ uwi ƒui kalɛ kani na ɔƒɛ ɔɔtu teekeye. Ala atɛnku kadi ƒui bekyuli na beteete ɔga kusɛ kusɛ.

Ala Alɛdi 2 28:9

Samaria mmɔ na Oded ɔmɛni ɔ́kya na ɔdi Unwoti Katɔti kenye udiene. Uwi ɔni na Israelƒuɔ bási kekpokɔ na Yuda badubo ni, útásiaku-ma na ulu lɛlɔ na ɔ́su-ma ɔnini, “Unwoti bina bati kuuku Katɔti ɔ́ya na bɛ́di Yudaƒuɔ bekpone lɛlɔ, ɔsika úti kɔnyi ɔ́kya-ma. Nsu ɔɔɔdi lɛni ƒui na ɔdi ka bɛbla-ma ulikplu ala bitédu.

Mateo 22:32

‘Ami ndi Abraham Katɔti ku Isak Katɔti ku Yakob Katɔti!’ Ɔmɛni ɔɔtina ka ama bani néekpi ni, bamu beli ngba. Anwuɔsu ɔdi ama lɛnɔ Katɔti.”

Lɛkpa Ulu 4:1

Bɛdi ɔda bubo bɔni ƒui mɔɔtina-mii mɛni lɛlɔ kalɛ na bɛdubɔkana na bilie kalɔ kani na Katɔti ɔni ndi Bina Bati Kuuku Katɔti úti uute-mii lɛlɔ.

Lɛkpa Ulu 1:35

“Bina kaba kekpidi kamɛni kadi biala ɔgba ɔɔɔdubo bɔnya kalɔ kabuni kani na lɛ́su líse ka meti mete bina bati kuuku mmɔ lɛlɔ

Batalane Kabla 3:13

Ɔsika Unwoti úti ɔbu úte Ubidi Yesu. Na Unwoti ɔmɛni ndi Abraham ku Isak ku Yakob lɛnɔ Ɔti. Na anwu kani ndi bula bati kuuku lɛnɔ Unwoti. Ubidi Yesu ɔmmɔ na amii bíti bíte bɛnii badu. Na bíni-nwu na Pilato anumi bɛnii bɛɛɛgyi-nwu ina ka Pilato ɔ́yɔ ka ɔnyonu-nwu.

Hebriƒuɔ 11:16

Mmomu ni, baanu ulu teete kalɔ kani ndia ntulo kammɔ. Na aka ndi Katɔ Ɔga Ɔma kadi. Ɔmmɔ ɔsu ulekpo Katɔti lɛnɔ kɔƒa ka balɔ-nwu banii bana Katɔti. Ɔsika ɔ́ɔda ɔma unengudi ɔdi úse-ma.

Ala Kalɔ Buse 24:12

Amu na ɔ́kpali katɔ ɔ́su ɔnini, “O Unwoti, mina ɔtɔlati Abraham Katɔti, ya na lɛla lɛni ɔsu na líbo mɛni lɛtɛ lite-mi ɔmwi. Na anu mina ɔtɔlati Abraham kɔnyana.

Israelƒuɔ Bɔlɛ 3:13

Amu na Mose úye Katɔti ɔnii, “Na si banii lísie ńténye Israelƒuɔ anumi na lɛ́su-ma nnii, ‘Bina bati kuuku Katɔti nátala-mi ɔ́kya-mii’ na béye-mi banii, ‘Dɛ na baalɔ-nwu’ ni, bi na nsu-ma?”

Israelƒuɔ Bɔlɛ 4:1

Amu na Mose úye Unwoti ɔnini, “Na si Israelƒuɔ bátaƒɔ-mi bátadi iye bétenu mina litemi na básu banii, ‘Unwoti útedie lɛlɔ biala útatina-a’ ni, dɛ na mabla?”

Israelƒuɔ Bɔlɛ 6:2

Amu na Katɔti ɔ́sɔ ɔ́su Mose ɔnini, “Ami ndi Unwoti.

Israelƒuɔ Bɔlɛ 15:2

Unwoti ndi mina ɔyikun ɔni ɔsu na mɔɔtu kɔgya. Anwu nénwini mina ɔƒɔne. Na mina Katɔti na ndubumwi, Ɔdi mina Katɔti, mina bati kuuku Katɔti, na ndubɔkɔliku-nwu lɛnyi katɔ.

Israelƒuɔ Bɔlɛ 15:3

Unwoti ɔdi ukpone geen. Na nwuna lɛnyi ndi Unwoti.

Kɔgya 30:4

Amii bani nsiaku Unwoti kama siin ni, bidie lɛnu bimwi-nwu na bitaakali kalɛ na use kedee.

Agba 18:10

Unwoti lɛnyi lɛdi lɛtakpɛ bonwu lɛni na ukyuli ukpo kama. Na nwuna kudɔ na bekyuli babuni beekeli teesie na baakɛ́ bɔƒɔ.

Yesaia 26:8

Unwoti, ka aatɛ litemi siin ɔsu ni, bunye bɔɔnu-ɔ ulu, ɔsika bɔɔwia ka buteemwi-ɔ lɛnyi kedee na butaabla-a lɛyɔla uwi ndi uwi.

Yesaia 42:8

“Ami ndi Unwoti na lɛɛɛdubo bunye bɔnu na baƒiɔ iye ukyuli ɔyawine ɔdi ɔta unye ɔnii ami ku-nwu buule mina bukeye ku bumwi bɔni na ɔlɛka bekyuli beti bete-mi.

Daniel 2:23

Awɔ ndi Katɔti ɔni na mina bati kukuuku bákpa. Ɔƒɛni ni, mɔɔgyá-a enu, na muumwi-ɔ. Ɔsika ábla-mi ɔnundane geen na ásu-mi kɔna kɔni na ɔga úgye ku kuna kalɔ budie.”

Ala Alɛdi 1 16:16

Bunyimi bɔmmɔ na únyimiku Abraham na úse kenye ɔnii bɔdubɔkya anwu ku Isak lɛnɔ ntɛ.

Ala Alɛdi 1 29:18

“Ya na utaada-bu kubiti uwi biala ka buteeboku-ɔ ala. Na ebunku-bu na bɔkana na bɔsiaku-ɔ kama siin butaadi ƒula litemi lɛlɔ aani kalɛ na bula bati kuuku Abraham ku Isak ku Yakob bákpa-a.

Kɔgya 30:5

Uléti kɔnyi taakya ukyuli uwi gyɔlɔɔ. Mmomu nwuna lɛƒɔndia lise lísela uwi ƒui. Si ina keku sɔɔn na buuwulo usien umodi ni, lɛlɔ lɛdubɔyɔ-bu ɔtanta.

Kɔgya 68:5

Awɔ Katɔti, bekpinebi ɔti, awɔ mɔɔnu bekpinele lɛlɔ ɔ́si ƒula keliekɔ kedee kesii kani na elie.

Kɔgya 102:13

Adubɔnu Sion kɔnyana ɔƒɛni amu. Ɔsika uwi ɔmmɔ údu na anwu na ɔdi mɛni.

Hosea 12:6

Anwuɔsu binwini bibo bina Katɔti kudɔ na biwi lɛlɔ buɛɛ na biti bina anu ƒui bɛsia-nwu lɛlɔ. Bɛsu litemi geen na bɛdi nwuna litemi lɛlɔ siin na bɛyɔ-nwu.