Israelƒuɔ Bɔlɛ 29:12 - Katɔti Ɔku Kedee

¹² Na eti lɛnimi akya ubugya ɔmmɔ kemmo na eti esusu bebuo ese ani nlɛ lɛkpabi lɛmmɔ lɛlɔ. Na ewilimi ubugya ɔmmɔ ɔkladi ewi kalɔ na lɛkpabi lɛni kudɔ bɛ́du ebuo ɔmmɔ.

Israelƒuɔ Bɔlɛ 29:12 Referans Kwoze

Israelƒuɔ Bɔlɛ 27:2

Na anwi bebuo ese adanku lɛbi lɛmmɔ lɛkɔkɔ ine bɔmmɔ ƒui sala bla unwi na eti abuala egyiedi ammɔ anwamana akwa lɛbi lɛmmɔ ku ese ammɔ lɛlɔ ƒui.

Lewiƒuɔ Ɔda Bubo 9:9

Na nwuna bebi bananabi béti ubugya ɔmmɔ béte-nwu. Na ɔ́kya-nwu lɛnimi na úti úsusu bebuo ese ani nlɛ lɛkpabi lɛmmɔ lɛlɔ na úti ɔkladi úwi lɛkpabi lɛmmɔ kalɔ.

Lewiƒuɔ Ɔda Bubo 8:15

Ɔmmɔ kama Mose ɔ́du ebuo ɔmmɔ, na úti lɛnimi ɔ́kya ubugya ɔmmɔ kemmo na úti úsusu bebuo ese ani ƒui nlɛ lɛkpabi lɛmmɔ lɛlɔ na ɔ́bla lɛkpabi lɛmmɔ sɛɛn. Na úti ubugya ɔkladi úwi lɛkpabi lɛmmɔ kalɔ na ɔ́bla lɛkpabi lɛmmɔ kedee na lise sɛsɛɛ úte Unwoti kalɛ na udie kɔtu bɔni biala nina lɛlɔ.

Israelƒuɔ Bɔlɛ 30:2

Na aya na nwuna bune ku bɔbɛbɛ bɔbla unwi ɔgba bɔkɔku unwi ku kakɛ. Na nwuna bɔkuku lɛnɔ bɔdi lɛgba bɔkɔku ɛtɛ. Na abla ɔmantɛ akɔ ɔgyani ese udu alɛ lɛkpabi lɛmmɔ ekpo ene ammɔ.

Hebriƒuɔ 10:4

Ɔsika bese ku bakɔ ubugya ulakana ekpidi bɔƒɔ budie ukyuli lɛlɔ.

Hebriƒuɔ 9:22

Geen ni, ɔda bubo bɔmmɔ bɔɔtina na bɔkana na bɔsu bɔnii ala ƒui aabla sɛɛn ɔkɛnku ubugya lɛlɔ. Na ɔkɛnku ubugya kalɔ buwi kemmo na Katɔti uuti bula ekpidi taakyiɛ-bu.

Lewiƒuɔ Ɔda Bubo 16:14

Na ɔdubuti akɔ ɔni na ɔ́du mmɔ ubugya ɔdi na uti nwuna lɛnimi ɔkya ubugya ɔmmɔ kemmo na ɔkuna ubugya ɔmmɔ ɔdi uwi likpidi kɔtu bɔni budie libila lɛmmɔ anumi. Na ɔmmɔ kama ɔsɔ uti lɛnimi ɔkya ubugya ɔmmɔ kemmo na ɔkuna ubugya ɔmmɔ libila lɛmmɔ lɛtɔtɔ maatɛ.

Lewiƒuɔ Ɔda Bubo 5:9

Na ɔdubɔkuna nwuna ubugya ɔmmɔ uwi lɛkpabi lɛmmɔ kɔmadɔ. Na ɔya na ubugya ɔkladi ɔkpala uwi lɛkpabi lɛmmɔ kalɔ. Na ndubɔƒɔ lite-nwu aani likpidi kɔtu bɔni budie akpala.

Lewiƒuɔ Ɔda Bubo 4:34

Ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ lɛkpabi lɛmmɔ lɛlɔ. Na uti ubugya ɔkladi ɔmmɔ ƒui uwi lɛkpabi lɛmmɔ kalɔ.

Lewiƒuɔ Ɔda Bubo 4:30

Na ɔkpane ɔmmɔ ɔdubuti lɛnimi ɔkya ubugya ɔmmɔ kemmo na uti ususu ese ani nlɛ bɔkyula lɛkpabi lɛlɔ mmɔ na uti ubugya ɔkladi uwi lɛkpabi lɛmmɔ kalɔ.

Lewiƒuɔ Ɔda Bubo 4:25

Ɔƒɛni ɔkpane ɔmmɔ ɔdubuti lɛnimi ɔ́kya ebuo ɔni na úti úboku ka ubabla likpidi lili buvele akpala mmɔ ubugya kemmo na uti ususu ese ani nlɛ lɛkpabi lɛni lɛlɔ na baakyula bebuo mmɔ lɛlɔ. Na ubugya ɔkladi ni, ɔdubuti uwi lɛkpabi lɛmmɔ kalɔ.

Lewiƒuɔ Ɔda Bubo 4:18

Ɔdubuti ubugya ɔmmɔ ɔdi ususu ese ani nlɛ lɛkpabi lɛni nnye Unwoti Adi Kevo kammɔ kemmo lɛlɔ na Unwoti anumi. Na uti ubugya ɔkladi uwi lɛkpabi lɛni lɛlɔ na baakyula akpala mmɔ lɛlɔ na linye Unwoti Adi Kevo kammɔ kayakun kenye.

Lewiƒuɔ Ɔda Bubo 4:7

Na uti ubugya ɔmmɔ ɔdi ususu ebuo ese ani nlɛ oloƒui lɛkpabi lɛni nnye Unwoti anumi na Unwoti Adi Kevo kemmo mmɔ lɛlɔ. Na akɔ ɔmmɔ ubugya ɔkladi ƒui ni, ɔkpane ɔmmɔ ɔdubuti uwi lɛkpabi lɛni nnye Unwoti Adi Kevo kammɔ kayakun kenye mmɔ kalɔ.

Israelƒuɔ Bɔlɛ 38:2

Na ɔ́nwi bebuo ese ɔ́lɛ ekpo ene ammɔ ƒui na ana ƒui adanku lɛlɔ ábla lɛla linwi. Na úti abuala egyiedi ɔ́kwa-nwu lɛlɔ.

Budie Taatina 6:9

Amu na Koƒonu Ubi ɔmmɔ ɔ́mami likpo lɛlɔndi. Na lɛ́nu ayu adi na katɔ ka enye lɛbi lɛni lɛlɔ na baakpá mmɔ kalɔ. Badi bekyuli bani ƒui na bádu ayu ka básu Katɔti litemi buni ɔsu. Ama ndi bani nédie ala ammɔ kenye na ulu lɛlɔ.

Israelƒuɔ Bɔlɛ 29:11

Na adu ebuo ɔmmɔ na mina lɛkpabi lɛni nlɛ mina Adi Kevo kammɔ kudɔ.