Israelƒuɔ Bɔlɛ 29:1 - Katɔti Ɔku Kedee

¹ “Asa na adubuse Aaron ku nwuna bebi badi bakpane ni, ala amɛni na ɔlɛka abla. Ƒuna ɔmantɛ akɔ ɔgyani ku baƒonu bagyani inyɔ bani na bɔsɔ bɔdi buuubo-ma lɛlɔ.

Israelƒuɔ Bɔlɛ 29:1 Referans Kwoze

Petro 1 1:19

Mmomu Kristo ubugya ɔni náƒɔ kuye na ɔdi. Anwu ndi Koƒonu Ubi ɔni námanku lɛkpa na bina lili.

Hebriƒuɔ 7:26

Ɔmɛni ɔsu ni, Yesu ɔmɛni ndi ɔkpane unengudi ɔni kani ndubɔbla lɛla lɛni na bɔɔwia ute-bu. Na use kedee, na lɛla lɛdi lɛɛɛda-nwu. Use sɛɛn na Katɔti údie-nwu ɔ́lɛku alaekpidi bablane akɔ, na ɔ́kɔliku-nwu útése sɛsɛɛ na katɔ kakaaka ƒui.

Israelƒuɔ Bɔlɛ 12:5

Nsu kaduli biala bekyuli bebo kuƒi ka beti koƒonubi kɔgyani iye ketukpa kani náƒɔ lɛkwa linwi.

Mateo 6:9

Anwuɔsu lɛni na ɔlɛka bɛkpali katɔ bɛsu bɛnii, “ ‘Bula Ɔti ɔni nkya katɔ, balɔ-ɔ lɛnyi buni.

Ala Alɛdi 2 13:9

Na Aron bawɔ muedi beeenye-ɔ kama, ɔsika énye-ma lɛlɔ na ábɔku Unwoti bakpane ku Lewiƒuɔ ƒui álɛku kalɛ kammɔ kemmo. Na átáƒuna bekyuli keeke ka bataabla bakpane kabla bakpane kabla kammɔ aani kalɛ na kadi bamba bekyuli baabla. Na geen ni, ukyuli biala ɔni nákɛ ɔmantɛ akɔ ku baƒonu bagyani maatɛ béboku lɛkpabi lɛmmɔ kudɔ ɔkana na unwini ƒula ala ani na aanu aani baƒiɔ bayikune badi ɔkpane.

Lewiƒuɔ Ɔda Bubo 22:20

Ɔdi uteboku ebuo ɔni násɔ, ɔsika Unwoti ɔɔɔdubo-nwu bɔƒɔ bute-nwu.

Lewiƒuɔ Ɔda Bubo 16:3

“Ulu ɔni lɛlɔ na ɔdubɔsia uduo Unwoti Adi Kevo kammɔ kaduli ndi ɔmɛni, si úsela ni, ɔlɛka uti ɔmantɛ akɔ ɔgyani ɔkɔdi ku koƒonu kɔgyani na uti akɔ ɔmmɔ ɔbla likpidi lili buvele akpala, na uti koƒonu kɔgyani kɔmmɔ ɔbla akpala bɔkyula ƒui ɔdi.

Lewiƒuɔ Ɔda Bubo 9:2

Mmɔ na ɔ́su Aaron ɔnini, “Ti ɔmantɛ akɔ ɔgyani ɔkɔdi na eti abla likpidi lili buvele akpala. Na eti koƒonu kɔgyani kunengudi abla akpala bɔkyula. Na anu ka bebuo bammɔ ƒui bese sɛɛn na lɛla lɛdi lɛɛɛda-ma. Na eti-ma eboku Unwoti anumi.”

Lewiƒuɔ Ɔda Bubo 6:6

“Ɔmmɔ kama ɔdubuti nwuna kɔtɔ bukpi akpala ani ndi koƒonu kɔgyani kɔni nse sɛɛn na kútasɔ kesii kadi ɔ́siku nwuna baƒonu akɔ uboku ɔkpane na uti ute Unwoti. Na ɔlɛka kɔƒɔ kuye kɔni udu na ɔkpane ɔ́tina.

Lewiƒuɔ Ɔda Bubo 4:3

“ ‘Si ɔkpane ɔni na bése-nwu likpo na ɔdi na úti bɔƒiɔ úboku bekyuli ƒui lɛlɔ ni, ɔlɛka uti ɔmantɛ akɔ ɔgyani ubete Unwoti. Na ɔlɛka ɔnu ka akɔ ɔmmɔ use sɛɛn na útasɔ kesii kadi asa beti babla likpidi butitaakyiɛ akpala ammɔ na likpidi lɛni na ɔ́bla ɔsu.

Israelƒuɔ Bɔlɛ 29:21

Na eti ubugya ɔmmɔ ɔdi na eti nnɔmii bɔni na eti éwi Aaron lili mmɔ ɔdi ewi ubugya ɔmmɔ kemmo. Na akuna ewi Aaron ku lɛwu lɛni na ɔkya mmɔ lɛlɔ. Na asɔ akuna ɔdi ewi nwuna bebi ku bana lɛwu lɛlɔ. Na ɔmɛni ndubɔtina ka bése-ma bakpane bete-mi.

Israelƒuɔ Bɔlɛ 28:3

Su lɛwu bakane babuni bani na líte-ma lɛnunda ka bakana awu ɔmmɔ udu bɔka kani na baka awu ɔmmɔ bete Aaron kalɛ na bedie-nwu bese sɛsɛɛ bete ka ɔbla ɔkpane kabla ute-mi.

Israelƒuɔ Bɔlɛ 28:41

Na adubuti lɛwu lɛmmɔ akya ƒ'ɔnwani Aaron ku nwuna bebi na ewi-ma lili nnɔmii ese-ma likpo na edie-ma ese sɛsɛɛ na babla-mi kabla aani mina bakpane.

Israelƒuɔ Bɔlɛ 20:11

Ɔsika emeyi aku kemmo na Unwoti údie katɔ ku kalɔ ku ɛpu ku ala ani nkya-nya kemmo, nsu ɔ́nwuna limeyi maatɛdi lɛlɔ. Anwuɔsu Unwoti údie Lɛnwunameyi sɛsɛɛ na úte-ni kusɛ kusɛ.

Lewiƒuɔ Ɔda Bubo 8:1

Amu na Unwoti ɔ́su Mose ɔnini,

Esekiel 43:23

Ɔmmɔ kama na báƒuna akɔ ɔkɔdi ku koƒonu kɔgyani kɔkɔdi bani na bátasɔ kesi kesii

Israelƒuɔ Bɔlɛ 28:1

Amu na Unwoti ɔ́su Mose ɔnini, “Ƒ'ɔnwani Aaron ku nwuna bebi bani ndi Nadab ku Abihu ku Eleasar ku Itamar ni, lɔ-ma lɛku Israelƒuɔ bammɔ akɔ na bebo-ɔ kudɔ. Ɔsika ama ndi bekyuli bani na lɛ́ƒuna lɛ́lɛku Israelƒuɔ akɔ ka babla mina bakpane.

Lewiƒuɔ Ɔda Bubo 6:13

Banu ka ogya ɔkya mmɔ uwi ndi uwi na uteni.

Lewiƒuɔ Ɔda Bubo 7:35

Ɔmɛni ndi lɛla lɛni na bálɛ ugyii bése sɛsɛɛ béte Aaron ku nwuna bebi ɔ́siku bɔkyula ƒui akpala ani na bábla béte-mi kemmo ɔ́si limeyi lɛni na lɛ́ƒuna-ma ka bataabla ɔkpane kabla teete-mi.

Lewiƒuɔ Ɔda Bubo 14:11

Na ɔkpane ɔni mɔɔbla ɔdi ɔmmɔ ɔdubɔkpanku ukyuli ɔni na ɔɔbla ɔdi ɔmmɔ teete ku akpala ammɔ ƒui usienku Unwoti Adi Kevo kammɔ kayakun.