Israelƒuɔ Bɔlɛ 28:3 - Katɔti Ɔku Kedee

³ Su lɛwu bakane babuni bani na líte-ma lɛnunda ka bakana awu ɔmmɔ udu bɔka kani na baka awu ɔmmɔ bete Aaron kalɛ na bedie-nwu bese sɛsɛɛ bete ka ɔbla ɔkpane kabla ute-mi.

Israelƒuɔ Bɔlɛ 28:3 Referans Kwoze

Eƒesoƒuɔ 1:17

Muuvele nnii Katɔti ɔni ndi Blɔti Yesu Kristo Ɔti na ɔdi bula Ɔti Buni geen ute-mii nwuna Kɔyu kɔni ndubɔya na bɛda anu na udie Katɔti ɔmmɔ ɔtina-mii. Na ɔya na bɛti-nwu kaduɛ bibu.

Yesaia 11:2

Na Katɔti Kɔyu kɔdubɔƒɔ-nwu lɛlɔ kemmo ƒui, kɔyu kɔni ndanku lɛnunda ku ala kalɔ bunu kakwɛ ku ɔyikun ku lɛlati ku Katɔti bɔyia.

Yakobo 1:17

Ala abuni ani ƒui na bubo na bɔɔnu ka adia geen sɔsɔ ni, Katɔti kudɔ na aasí. Na ulávumana iye udie-bu atu aani ɔƒɛ ku kɔbuli kɔni nédie kuse na buduo lɛdisa kemmo.

Lɛkpa Ulu 34:9

Na asa na Mose wekpi ni, úti nwuna enu ɔ́sia Yosua lili na ɔ́kpali katɔ, na Unwoti úte Yosua lɛnunda kɔyu. Anwuɔsu Israelƒuɔ béti ɔbu béte Yosua na beenú-nwu litemi na baadi ɔda bubo bɔni na Unwoti úti úte-ma lɛlɔ ɔkɛnku Mose lɛlɔ.

Agba 2:6

Ɔsika Unwoti muute lɛnunda! Na nwuna etemila aayá na ukyuli ɔɔtí lɛla na ɔɔdá anu.

Israelƒuɔ Bɔlɛ 35:35

Ɔ́ya na nwuna kɔyu kɔ́ƒɔ bekyuli bamɛni lɛlɔ kemmo kalɛ bakana na banwi ala lidu lidu na bataa ala lidu lidu na beti linwo buluu ku ligyiedi lɛni náƒɔ kuye ku adi kpɛtɛ kpɛtɛ bedi ala lidu lidu. Na bagyi bana kabla kaduɛ.”

Israelƒuɔ Bɔlɛ 35:30

Amu na Mose ɔ́su Israelƒuɔ bammɔ ɔnini, “Unwoti údie Besaleel ɔni ndi Uri ubidi na ɔdi Hura uwɔ ɔni nási Yuda kaba kemmo.

Israelƒuɔ Bɔlɛ 35:25

Na beleku bani lɛnɔ ngyi budi béti bana linwo buluu ku ligyiedi lɛni náƒɔ kuye ku adi kpɛtɛ kpɛtɛ béboku.

Israelƒuɔ Bɔlɛ 35:31

Na ɔ́ya na nwuna kɔyu kɔƒɔ-nwu lɛlɔ kemmo ku lɛnunda ku lɛlati, na úte-nwu kɔnu kemmo kabla lidu lidu.

Israelƒuɔ Bɔlɛ 36:1

“Anwuɔsu Besaleel ku Oholiab ku bani ƒui na Unwoti úte-ma kɔnu kemmo kabla lɛnunda ka bakana Katɔti Kevo kammɔ bɔtu ni, ɔlɛka babla kabla kammɔ aani kalɛ kani na Unwoti úbo-ma ɔda.”

Baga 1 7:14

Ɔnana ɔmɛni uni ɔdi ukpinele na ɔ́si Neƒtali kɔdua kemmo. Na ɔti ɔ́si Tiro na ɔɔbla abuala egyiedi lɛlɔ kabla. Na Huram ɔmmɔ ɔlati ɔgyi abuala egyiedi lɛlɔ kabla lidu lidu geen. Úbo Ɔga Salomo kudɔ, na úbabla kabla kani ƒui na úte-nwu ka ɔbla kaduɛ.

Israelƒuɔ Bɔlɛ 35:10

Amu na Mose ɔ́su bekyuli bani ƒui nda kɔnu kemmo kabla ka bebo na babla kabla kani Katɔti úbo-ma ɔda.

Israelƒuɔ Bɔlɛ 36:2

Amu na Mose ɔ́lɔ Besaleel ku Oholiab ku ukyuli biala na Unwoti úte-nwu lɛlati lɛmmɔ ku bani na ɔ́si-ma kayi ka bebebunku kabla kammɔ ka bebo.