Israelƒuɔ Bɔlɛ 27:21 - Katɔti Ɔku Kedee

²¹ Na beti asogya ɔmmɔ balɛ Adi Kevo kemmo kesii kani na mɔɔsiáku-mii mmɔ ku aduni ani nƒa mmɔ anumi asa na adubuduo adaka ɔmmɔ kudɔ. Na Aaron ku nwuna bebi banu ka lɛsogya lɛmmɔ ƒui lɛɛda na Unwoti anumi mmɔ ɔ́si useyi uwi útálɛ kadi bugye. Ɔmɛni ɔdi bunyimi bɔni na Israelƒuɔ ɔdi ka bese likpo na bataadi-mu lɛlɔ uwi ndi uwi.”

Israelƒuɔ Bɔlɛ 27:21 Referans Kwoze

Bumomo Bɔka 19:21

Na ɔda bubo bɔmɛni buse busela uwi ƒui. Na ukyuli ɔni maakuna ntu bɔni mɔɔyá ukyuli ɔɔbla sɛɛn mmɔ mewi ukyuli ɔdi ɔlɛka anwu lɛnɔ ɔƒɔ nwuna adala. Na ukyuli biala meetuku ntu bɔdi ɔdubuse lɛlɔ wetédu useyi uwi.

Bumomo Bɔka 18:23

Lewiƒuɔ kani na ɔlɛka bataabla kabla na Unwoti Adi Kevo kammɔ kemmo. Na si lɛla lɛdi lɛ́lɛ mmɔ ama kani ndubɔnuku-ni. Ɔda bubo bɔmɛni buse úsela uwi ƒui útédu bina bawɔ bawɔ akɔ lɛnɔ. Na ama beeebo kadikɔ kadi na Israelƒuɔ akɔ.

Ala Alɛdi 2 13:11

Na limeyi biala ni, kunyɔ na baakyula akpala ku oloƒui teete Unwoti. Na ala kasiakɔ kani na bábla-ka na kese kedee lɛlɔ na beeti bodobodo ɔni nse kedee mmɔ taasia na batu asogya ɔni nsia sika ugyiedi ligyii lɛlɔ mmɔ bese limeyi biala useyi uwi si ɔƒɛ ɔ́nu. Na bɔsiaku Unwoti bula Katɔti ɔda bubo, nsu amii bíni-nwu!

Samuel 1 3:3

Na ka Samuel ɔ́wɔlɔ nwuna kabla ni, ɔ́yu ɔ́tɛ ɔnii utaalɛɛ na kakpakɔ mmɔ kesii kani na Unwoti Bunyimi Adaka ɔmmɔ ɔlɛ kudɔ na asogya ɔma ɔɔda.

Lewiƒuɔ Ɔda Bubo 16:34

“Na bunyimi bɔmɛni bɔdubuse bute-mii uwi ƒui. Na ɔlɛka babla likpidi kɔtu bɔni budie akpala ɔdi ɔmɛni kunwi na lɛkwa kemmo ute Israelƒuɔ ƒui ekpidi lili.” Na bábla básia kalɛ kani na Unwoti úbo Mose ɔda.

Lewiƒuɔ Ɔda Bubo 3:17

“ ‘Na ɔmɛni ɔdi ɔda ɔni na muubó-mii úti úsela bina kaba kaba kemmo bawɔ ƒui akɔ. Na kesii biala bɛdubulie ƒui ni, bitadi lɛmwi lɛdi biala iye ubugya biala.’ ”

Petro 2 1:19

Ɔmɛni ɔsu bɔ́sɔ bɔ́ƒɔ kenye bediene linyese lɛmmɔ bɔ́di geen búbu. Na ɔlɛka amii lɛnɔ bise atu geen na binu-ni. Ɔsika lise aani ogya ɔni mɔɔda na kesii kani nse suu utálɛ uwi ɔni na kadi kadubugye. Na kadi bugye bɔmmɔ ndi Kristo bukeye bɔni ndubukeye na bula kayi kemmo aani kalɛ na ɔtanta ayabi eekeye lɛdigye.

Yohane 5:35

Yohane úkeye aani ogya ɔni mɔɔda. Na nwuna bukeye bɔmmɔ bɔ́da-mii ebiti uwi klukui ɔdi kemmo.

Samuel 1 30:25

Na lɛla lɛmɛni líbenwini bunyimi bɔni na Dawid ɔ́lɛ ugyii úte Israelƒuɔ ƒui, na baadi-mu lɛlɔ úti úbedu ɔmwi limeyi lɛmɛni lɛlɔ.

Israelƒuɔ Bɔlɛ 28:43

Na uwi biala na beeduo Adi Kevo kammɔ kemmo iye bébo bababla ɔkpane kabla na mina lɛkpabi kudɔ ni, na baláni lɛtuni beleboku lɛlɔ na ɔdi wekpi. “Na ɔda bubo bɔmɛni bɔdubuse bute anwu ku nwuna kaba bebi úsela uwi ƒui.”

Budie Taatina 2:1

Amu na ɔ́su ami Yohane ɔnini, “Nweni ɔku te Eƒeso baƒɔtaadine lɛkpa ɔtu anii, “Ami Yesu nda ayabi maatɛ na mina kɔdianu na muusié teebo na sika ugyiedi ligyii maatɛ lɛni lɛlɔ na asogya ɔɔsia mmɔ ntɛ. Na ami mɔɔsu kenye kamɛni.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Luka 12:35

“Bɛklibi lɛlɔ bise bite lɛla biala mebo, na bɛtu akpagya. Na bina likpo liteni.

Malakai 2:7

“Amii bakpane, ɔlɛka bina inye bugyingya lɛlati, na ukyuli biala ubo-mii kudɔ ubenu bɔlɛ, ɔsika amii mɔɔtɛmi teete ami, Unwoti Ɔyikune Ƒui.

Kɔgya 134:1

Amii Unwoti kabla bablane, bɛtu kɔgya bimwi Unwoti. Na amii bani mɔɔkpá-nwu na nwuna ɔtɔ kemmo usien ni,

Bumomo Bɔka 8:9

Na aya na Lewiƒuɔ bammɔ bebenye Unwoti Adi Kevo kammɔ anumi, na asala Israel kadi bekyuli bammɔ ƒui.

Lewiƒuɔ Ɔda Bubo 24:9

Na bodobodo ɔmmɔ ɔdi Aaron ku nwuna kaba ɔdi. Na ɔlɛka badi bodobodo ɔmmɔ na kesii kani nse kedee. Ɔsika bodobodo ɔmɛni ɔdi adila ani nse kedee na beti bete Unwoti ka bakpane badi.”

Lewiƒuɔ Ɔda Bubo 24:3

Asogya ɔni nlɛ Unwoti anumi na kesii kani na kakpakɔ bule kɔdi kɔmmɔ kɔƒa Bunyimi Adaka kama mmɔ ni, Aaron utaatu asogya ɔmmɔ na utaasia-nwu anu ɔsi useyi uwi útédu ɔtanta. Na ɔda bubo bɔmɛni buse bute bina bawɔ.

Lewiƒuɔ Ɔda Bubo 3:8

Na ɔdubuti enu ɔsia-ku lili na ɔmmɔ kama na ɔdu-nwu na Unwoti Adi Kevo kammɔ kenye. Na Aaron bebi bananabi bammɔ badubuti ubugya ɔmmɔ bakuna bewi lɛkpabi lɛmmɔ lɛlɔ bamana.

Israelƒuɔ Bɔlɛ 40:3

Na eti Bunyimi Adaka ɔmmɔ alɛ-nwu kemmo na eti kakpakɔ bule kɔdi kɔni mɔɔbala adaka ɔmmɔ anumi aƒala.

Israelƒuɔ Bɔlɛ 30:36

Na awɔ ala ammɔ adi abla ɔlaaƒɔ na akuna ɔlaaƒɔ ɔmmɔ ewi Unwoti unyimi adaka ɔmmɔ anumi, kesii kani munye taatɛmiku-mii. Oloƒui ɔmɛni ɔbla lɛla lɛni nse kedee utulo ƒui ute-mii.

Israelƒuɔ Bɔlɛ 29:44

“Na ndubo kevo kammɔ ku lɛkpabi lɛmmɔ budie buse sɛsɛɛ bute ami Unwoti na lidie Aaron ku nwuna bebi bananabi lɛnɔ lise sɛsɛɛ na benwini bakpane bataabla-mi kabla.

Israelƒuɔ Bɔlɛ 29:42

“Na lɛni na awɔ ku ƒula kaba ƒui bɛdubo akpala amɛni butaabla na Adi Kevo kammɔ kayakun kesii kani na ndubo mbasiaku-mii na lɛtɛmiku-mii.

Israelƒuɔ Bɔlɛ 25:16

Ɔmmɔ kama ndubuti atabi anyɔ ani lɛlɔ na ɔda bubo etemila asia lite-ɔ na eti-nya akya adaka ɔmmɔ kemmo.

Israelƒuɔ Bɔlɛ 16:34

Aaron ɔ́bla kalɛ na Unwoti úbo Mose ɔda mmɔ pɛpɛɛpɛ na úti manna ɔmmɔ ɔdi úse Bunyimi Adaka ɔmmɔ anumi kalɛ na bada bese kama bete bawɔ bammɔ.

Ala Kalɔ Buse 1:8

Na kuƒi kɔmmɔ na Katɔti ɔ́lɔ ɔnii kayaa. Na useyi údu na kadi kégye na limeyi linyɔdi lɛ́vi.

Ala Kalɔ Buse 1:5

Na bukeye bɔmmɔ na Katɔti ɔ́lɔ ɔnii kadi nwaa, na ɔ́lɔ lɛdisa ɔnii usien. Na useyi údu na kadi kégye na limeyi lideedi lɛ́vi.

Lewiƒuɔ Ɔda Bubo 24:2

“Su Israelƒuɔ na beboku nnɔ bɔni na bédie básiku nnɔ egyii kemmo na buse kede kede ute asogya ɔmmɔ kalɛ na utaada uwi biala.

Bumomo Bɔka 18:5

“Amii na ɔlɛka bitaanu Adi Kevo kammɔ lɛlɔ ku lɛkpabi lɛmmɔ lɛlɔ, kalɛ na mina kɔnyi kɔsɔ kuláda kulálɛ Israelƒuɔ lɛlɔ.

Israelƒuɔ Bɔlɛ 12:14

“Bidie limeyi lɛmɛni bise bitaadi uwi ƒui amii ku bina kaba kemmo bebi ƒui, ɔsika ɔdi lɛla bonwu lɛni na ami Unwoti lɛ́bla líte-mii.

Lewiƒuɔ Ɔda Bubo 6:15

Na ɔkpane ɔmmɔ ɔdubɔma akpala etela ammɔ ɔlaaƒɔ ɔni muukeye lɛkɔkɔ linwi ku nwuna lɛlɔ nnɔ ku oloƒui ɔna ƒui ɔni nsia etela ammɔ lɛlɔ. Na ɔdubuti ɔkyula na lɛkpabi lɛmmɔ lɛlɔ aani lɛkpabi lɛlɔ enyimo likposela adila bɔkyula ƒui akpala na uyɔ ɔmmɔ ɔnyi ƒɛƒɛɛ ɔyɔ-mi kaƒɔ.

Lewiƒuɔ Ɔda Bubo 7:36

Ala amɛni na líbo ɔda ka Israel kadi bekyuli beti bete-ma ɔ́si limeyi lɛni na béwi-ma nnɔmii lili bése-ma likpo. Na ɔmmɔ ɔdubɔbla bana kadikɔ úti úsela kaba kaba kemmo ƒui.

Lewiƒuɔ Ɔda Bubo 10:9

“Ɔkpane ɔdi biala, awɔ ku ƒula bebi bananabi ɔdi utani ntɛ bubulodi bɔni kemmo na bɔnyii bɔkya iye bɔbambadi bɔdi biala udu na uduo Unwoti Adi Kevo kammɔ kemmo, si ɔɔɔdi lɛni bɛdubo bukpi. Na bunyimi bɔmɛni lɛlɔ na bɛdubɔdi úti úsela uwi ƒui amii ku bina kaba kaba ƒui bekyuli.

Lewiƒuɔ Ɔda Bubo 17:7

Na básɔ batabla akpala adi betete bese udu baƒiɔ bani na bakɛ basiaku aani kalɛ na bayalɛ baabla. Na ɔda bubo bɔmɛni buse bute amii ku bina kaba ɔ́si ɔƒɛni úsela uwi ƒui.’

Lewiƒuɔ Ɔda Bubo 23:14

Ɔdi utadi bodobodo biala iye edula ebi ani na béƒi iye awɔdi úti útédu limeyi lɛni bíti akpala ammɔ bíbabla akpala bíte bina Katɔti. Na ɔda bubo bɔmɛni buse bute amii ku bina bawɔ ƒui na kesi kesii na bɛdubulie.

Lewiƒuɔ Ɔda Bubo 23:21

“ ‘Na limeyi lɛmmɔ kani lɛlɔ ni, kɔ lɛsa na bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi. Ɔda bubo bɔmɛni buse bute amii ku bina bawɔ na kesi kesii na bɛdubulie.

Bumomo Bɔka 35:29

“ ‘Na ɔda bubo bɔmɛni buse bute amii ku bina kaba ƒui na kesi kesii bɛdubo bulie.