Israelƒuɔ Bɔlɛ 24:6 - Katɔti Ɔku Kedee

⁶ Amu na Mose úle bebuo bammɔ ubugya kemmo inyɔ na úti kakɛ úwi lɛkyami kemmo. Na ɔ́kuna kakɛ kakladi lɛnɔ úwi lɛkpabi lɛmmɔ lɛlɔ.

Israelƒuɔ Bɔlɛ 24:6 Referans Kwoze

Petro 1 1:19

Mmomu Kristo ubugya ɔni náƒɔ kuye na ɔdi. Anwu ndi Koƒonu Ubi ɔni námanku lɛkpa na bina lili.

Israelƒuɔ Bɔlɛ 24:8

Amu na Mose úti ubugya ɔni nwi lɛkyami kemmo mmɔ na ɔ́kuna uwi bekyuli bammɔ. Na ɔ́su-ma ɔnini, “Ɔmɛni ndi ubugya ɔni mɔɔbala bunyimi bɔni na Unwoti unyimiku-mii uwi ɔni na úti ɔda bubo bɔmmɔ úte-mii.”

Hebriƒuɔ 9:18

Ɔmmɔ ɔsu ni, asa na bunyimi bɔkukudi bɔbala ukyuli ni, ubugya néwi kalɔ.

Lewiƒuɔ Ɔda Bubo 4:6

Na ɔkya ubugya ɔmmɔ lɛnimi ɔkuna uwi Unwoti Adi Kevo kammɔ kakpakɔ bule kɔdi kɔmmɔ anumi maatɛ.

Petro 1 1:2

Unwoti Katɔti ɔlati náƒuna-mii na nwuna bɔyɔ kenye. Na ɔ́ya na nwuna Kɔyu kɔ́bla-mii nwuna bekyuli kedee ka bɛ́di Yesu Kristo litemi lɛlɔ ɔsu. Na nwuna ubugya ɔ́bla-mii lɛlɔ sɛɛn. Muuvele nnii Katɔti lɛƒɔndia ku keyi buɛɛ kasiaku bina ƒui uwi biala kemmo.

Hebriƒuɔ 12:24

Na bíbo bíbasiaku Yesu ɔni ndi bunyimi bɔwɔdi bɔmɛni kenye unyene. Na ɔ́kuna nwuna ubugya ɔni mɔɔsu etemila ani mbo ɔyikun etulo Abel ɔdi úwi-mii lɛlɔ.

Koloseƒuɔ 1:20

Na ɔkɛnku Ubidi ɔmmɔ lɛlɔ na Katɔti ɔ́klibi anwu ku ala ani nkya katɔ ku kalɔ ƒui ntɛ. Na ɔ́ya na bɔ́kɛ keyi buɛɛ ɔkɛnku Ubidi ɔmmɔ ubugya ɔni néwiakun na ugyii ɔni lɛlɔ na bákana-nwu bámana ɔsu.

Lewiƒuɔ Ɔda Bubo 3:8

Na ɔdubuti enu ɔsia-ku lili na ɔmmɔ kama na ɔdu-nwu na Unwoti Adi Kevo kammɔ kenye. Na Aaron bebi bananabi bammɔ badubuti ubugya ɔmmɔ bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 3:2

Na uti nwuna enu ɔsia ebuo ɔmmɔ lili uti ɔtina ka ɔmmɔ na úti únyene nwuna lɛlɔ kenye. Ɔmmɔ kama na badu ebuo ɔmmɔ na Unwoti Adi Kevo kammɔ kenye. Na Aaron bebi bananabi bakpane bammɔ beti ubugya ɔmmɔ bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 1:11

Na badubɔdu ebuo ɔmmɔ na lɛkpabi lɛmmɔ katɔ kakɛ na Unwoti anumi. Na Aaron bebi, bakpane bammɔ badubuti ubugya ɔmmɔ na bakuna bewi lɛkpabi lɛmmɔ lɛlɔ bamana.

Lewiƒuɔ Ɔda Bubo 1:5

Ɔmmɔ kama ni, ɔdubɔdu ɔmantɛ akɔ ɔgyani ɔmmɔ na Unwoti Adi Kevo kammɔ kayakun kenye. Na Aaron bebi bananabi bani ndi bakpane mmɔ ndubɔkɔliku ubugya ɔmmɔ katɔ batina-mi asa na bakuna-nwu bewi lɛkpabi lɛni nnye Unwoti Adi Kevo kammɔ kayakun kenye mmɔ lɛlɔ bamana.

Israelƒuɔ Bɔlɛ 29:20

Na adu ebuo ɔmmɔ. Na eti ubugya ɔmmɔ ɔdi esusu Aaron kɔdianu kɔtu kawɔlɔkɔ ku nwuna kɔdianu kɔnu ku ɔgba animigya. Na abla lɛni kani ete nwuna bebi lɛnɔ. Na akuna ubugya ewi lɛkpabi lɛmmɔ ekpo ene ammɔ ƒui.

Israelƒuɔ Bɔlɛ 29:16

Na adu koƒonu kɔmmɔ na akuna ubugya ɔmmɔ ewi lɛkpabi ekpo ene ammɔ ƒui.

Israelƒuɔ Bɔlɛ 12:22

Na si bɛ́du bebuo bammɔ ni, na biti bebuo bammɔ ubugya biwi ɔɔƒɛɛ ɔdi kemmo. Na bɛwia libu lɛni baalɔ hisope na biti bitákya ubugya ɔmmɔ kemmo na bɛkuna biwi kɔyaku ligyii lɛmmɔ eli ku amadɔ. Na ukyuli biala utalɛ keyi úti útédu ka kadi kégye.

Israelƒuɔ Bɔlɛ 12:7

Na biti bebuo bammɔ ubugya bɛkuna biwi bina kɔyakun ligyii lɛtɔdi ku amadɔ lɛdi lɛlɔ na kesii kani na bɛdubo lɛna lɛmmɔ bɔkun mmɔ.

Korintoƒuɔ 1 11:25

Lɛni kani na adila ammɔ kama ni, úti ɔɔƒɛɛ na ɔ́su ɔnini, “Ɔɔƒɛɛ ɔmɛni ndi Katɔti bunyimi bɔwɔdi bɔni na úti mina ubugya úse likpo. Na uwi biala na bɛdubɔni-nwu ni, bɛni na biti biteenyimo-mi.”

Hebriƒuɔ 8:9

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Ɔsika bátadi lɛla lɛni na línyimiku-ma lɛlɔ. Anwuɔsu línwini kama lɛ́kya-ma.

Hebriƒuɔ 9:19

Kudeedi ni, Mose úbo ɔda ute bekyuli na ala ani mɔɔbala na ɔda bubo bɔmmɔ kenye. Ɔmmɔ kama ni, úti bese ku bakɔ ubugya ɔ́salaku ntu na úti ɔ́kuna ubugya ɔmmɔ úwi ɔda bubo ɔku ɔmmɔ lɛlɔ ku bekyuli bammɔ ƒui lɛlɔ. Na úti unwo ugyiedi únyimi evete ani baalɔ bani hisope na úti ɔ́bla ɔdi ɔmmɔ.

Hebriƒuɔ 9:21

Lɛni kani Mose ɔ́kuna ubugya úwi kakpakɔ kammɔ ku ala ani na beeti taabla lɛkpa lɛmmɔ ƒui.

Baga 2 17:15

Béni nwuna ɔda bubo, na bátadi bunyimi bɔni na únyimiku bana bati kuuku lɛlɔ ku kalɛ na ɔ́lɛ-ma kpakplaa mmɔ lɛlɔ. Na basia baakpá baƒiɔ bani neeebo kɔsia. Ɔmmɔ ɔsu ama lɛnɔ bátalɛ kɔsia kɔdi. Na básiaku kadi bamba bekyuli bani náka bámana-ma baatɛya bana ablala ina ka Unwoti ɔ́su-ma ɔnini, “Bitabla ala ani na baabla.” Nsu ala ani lɛlɔ geen na Unwoti úbo-ma ɔda ka batabla ni, anya basia baabla.

Kɔgya 99:6

Bula bati kuuku Mose ku Aaron bakya Katɔti bakpane akɔ. Na bula Nana Samuel lɛnɔ ubunku-ma na bákpali Unwoti na úbunku-ma.

Yeremia 31:32

Na ulése aani kalɛ na línyimiku bana bati kuuku na uwi ɔni na lɛ́da-ma kɔnu kɔnu na lɛ́tɔnku-ma lɛ́lɛku Egyipte kalɔ lɛlɔ. Na ina ami ndi bana Katɔti muedi ni, bátadi bunyimi bɔmmɔ lɛlɔ.