Israelƒuɔ Bɔlɛ 24:4 - Katɔti Ɔku Kedee

⁴ Ɔmmɔ kama Mose únweni Unwoti ɔda bubo bɔmmɔ lɛla biala úse. Mose ɔ́ta ɔtanta tutuutu na ɔ́tu lɛkpabi ɔ́lɛ kɔbi kɔmmɔ kaƒɔna, na úti atakpɛ leevu-anyɔ úse lɛkpabi lɛmmɔ kudɔ. Na lɛkpabi linwi biala linye lite Israel adua leevu-anyɔ ammɔ.

Israelƒuɔ Bɔlɛ 24:4 Referans Kwoze

Lɛkpa Ulu 31:9

Anwuɔsu Mose únweni ɔda bubo etemila ammɔ úse na úti-nya úte Israelƒuɔ benengu ku Lewiƒuɔ bakpane bani nti Katɔti Bunyimi Adaka.

Ala Kalɔ Buse 28:18

Ka kadi kégye ɔtanta ni, Yakob ɔ́ta na úti lɛtabi lɛni lɛlɔ na ɔ́sia lili mmɔ úku únyene na ɔ́bla akpala na mmɔ na úti nnɔ úwi-ni lili.

Budie Taatina 21:14

Na kowodu kalɔ atabi ani bákya kowodu kɔmmɔ kalɔ ebo atabi leevu-anyɔ. Na bénweni Koƒonu Ubi ɔmmɔ batalane anyi leevu-anyɔ básia kadi biala lɛlɔ.

Galatiƒuɔ 2:9

Na ka Yakobo ku Petro ku Yohane bani nnye baƒɔtaadine lɛkpa lɛmmɔ kenye geen aani batɔnkune kalɛ bánu Katɔti kabla kani na úti ɔ́kya-mi enu kemmo mɛni báti ni, bégyingya enu na báƒɔ ami ku Barnaba. Na bénu kalɔ ka abu buteesie butásu litemi buni lɛmmɔ bute bani naaadi Yudaƒuɔ, na ama lɛnɔ bataasu-ni teete Yudaƒuɔ.

Luka 22:30

Bɛdubɔdi na bɛni na mina adila kadikɔ na mina lɛga kadikɔ. Na bɛdubulie bagaboku lɛlɔ na bɛdi Israel kaba leevu-inyɔ kɔmmɔ lɛlɔ.”

Esra 6:17

Na kakpakɔ buti taakya Katɔti lɛkɔkɔ limeyi lɛmɛni bɔdi kemmo ni, béte ɔmantɛ bɔkɔ eti anyɔ ku baƒonu bagyani eti ene ku baƒonu bagyani bakɔdi eti maane ka beti babla likpidi buti taakyiɛ buvele akpala na Israel kadi bekyuli ƒui lili. Na béte betukpa leevu-inyɔ na Israelƒuɔ adua leevu-anyɔ ammɔ kenye.

Baga 1 11:30

na Ahia údie nwuna awu ɔwɔdi ɔni na ɔkya mmɔ na ɔ́duli-nwu kɔkɛ kɔkɛ leevu-inyɔ.

Yosua 4:20

Gilgal mmɔ na Yosua úti atakpɛ leevu-anyɔ ani básiku Yordan Ketu mmɔ bátálɛ.

Bumomo Bɔka 17:2

“Kɔ lɛsa na asu Israelƒuɔ kaba leevu-inyɔ bammɔ ɔtɔnkune biala na ɔnwi ugyii ɔdadi unwi. Na enweni ɔdi biala lɛnyi asia nwuna ugyii lɛlɔ.

Lewiƒuɔ Ɔda Bubo 24:5

“Ti akyami leevu-inyɔ ɔni na ana ƒui ese unwi na eti ɔlaaƒɔ na anwu bodobodo akya-nya kemmo na eƒi.

Israelƒuɔ Bɔlɛ 28:21

Ɔlɛka atabi ammɔ abla leevu-inyɔ na enye ete Israel bebi leevu-inyɔ bammɔ anyi kenye. Na atabi ammɔ adubɔbla aani ekposela atabi, na adubɔnwi bana anyi asia unwi unwi.

Ala Kalɔ Buse 31:45

Ɔmmɔ ɔsu ni, Yakob úti lɛtabi lɛdi úku únyene mmɔ.

Ala Kalɔ Buse 28:22

Na lɛtabi lɛni na lɛ́lɛ mɛni ni, lɛdubunye aani ƒula ɔtɔ kalɛ. Na ala ani ƒui na adubo-mi bute ni, ndubuti lɛkpa leevudi lite-ɔ.”

Israelƒuɔ Bɔlɛ 17:14

Amu na Unwoti ɔ́su Mose ɔnini, “Nweni kekpo kamɛni lɛlɔ bɔdi etemila kya kakunkɛ kadi kemmo na aya na Yosua unu, na unwini enyimo na uteese, ɔsika ndubo Amalekƒuɔ ƒui udu bɔyila na kalɔ kamɛni lɛlɔ na ukyuli ɔdi ɔsɔ uleti-ma lɛlɔ kasusu.”

Israelƒuɔ Bɔlɛ 17:15

Mmɔ na Mose ɔ́tu lɛkpabi na ɔ́sia-ni lɛnyi ɔnii, “Unwoti mɔɔyá na mɔɔdi lɛlɔ.”

Israelƒuɔ Bɔlɛ 21:1

“Na ɔda bubo bɔmɛni na ɔlɛka eti ete Israelƒuɔ.

Israelƒuɔ Bɔlɛ 24:7

Ɔmmɔ kama ɔ́ka Unwoti Bunyimi Kedee Ɔku kemmo etemila úte bekyuli bammɔ. Amu na bekyuli bammɔ básu banii, “Bɔdubo lɛla biala na Unwoti ɔ́su-bu bɔbla bɔsiaku lɛni kani, na bunu-nwu litemi.”

Israelƒuɔ Bɔlɛ 34:27

Amu na Unwoti ɔ́sɔ ɔ́su Mose ɔnini, “Nweni etemila amɛni ƒui se. Ɔsika etemila amɛni na ndubo buti bɔbla mina bunyimi ku Israel.”

Yesaia 19:19

Na batu lɛkpabi na Egyipte kalɔ kemmo ntɛntɛ, na balɛ likpose lɛkpa lɛdi na lɛkpabi lɛmmɔ kɔmadɔ na ɔmii lɛlɔ.

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Yosua 4:5

Na ɔ́su-ma ɔnini, “Biteesie Yordan kemmo na kesii kani bakpane bani nti Katɔti Bunyimi Adaka mmɔ benye. Na ɔdi biala utágyu lɛtakpɛ linwi ɔsia lɛmangba lɛlɔ. Na lɛtakpɛ biala linye lite Israel kaba kenwi.

Baga 1 18:31

Amu na Elia úti atabi leevu-anyɔ. Na lɛtabi biala linye lite Israel kaba kenwi na bebi bani na Yakob ɔ́wɔ kenye. Anwu ndi ukyuli ɔni lɛlɔ na Unwoti ɔ́su kenye kamɛni ɔnii, “Ƒula lɛnyi ndi Israel.”

Nehemia 10:1

Na bekyuli bani nákya bunyimi bɔmmɔ kɔnu kalɔ ndi bamɛni. Kalɔ lɛlɔ ɔnune Nehemia ku Hakalia ubidi Sedekia