Israelƒuɔ Bɔlɛ 24:18 - Katɔti Ɔku Kedee

¹⁸ Na Mose úduo liƒlukutu lɛmmɔ kemmo ka ɔ́kɔ úsela kɔbi kɔmmɔ lili. Na ɔ́kya kɔbi kɔmmɔ lɛlɔ emeyi aavlene usien ku ɔƒɛ.

Israelƒuɔ Bɔlɛ 24:18 Referans Kwoze

Lɛkpa Ulu 9:9

Lɛ́kɔ lísie kɔbi kɔmmɔ lili nnii ntáƒɔ kenye kani na únyimiku-mii na únweni ɔ́sia atabi bɛbɛ anyɔ ammɔ lɛlɔ. Lílie kɔbi kɔmmɔ lili emeyi aavlene usien ku ɔƒɛ ɔni na ńtadi na ńtani.

Lɛkpa Ulu 10:10

Uwi ɔni na kɔmmɔ lɛlɔ ni, lɛ́kya mmɔ emeyi aavlene usien ku ɔƒɛ emeyi aani kalɛ kani na lɛ́kya kudeedi. Na Unwoti únu mina buvele na bina lili. Anwuɔsu na útayila-mii udu.

Israelƒuɔ Bɔlɛ 34:28

Na Mose ɔ́kya Unwoti kudɔ na kɔbi kɔmmɔ lili emeyi aavlene usien ku ɔƒɛ, na útadi iye útani lɛla lɛdi. Na únweni bunyimi bɔmmɔ ku Ɔda Bubo Leevu bɔmmɔ ɔ́sia atabi anyɔ ammɔ lɛlɔ.

Lɛkpa Ulu 9:25

Anwuɔsu lɛ́yu lɛ́tɛ kalɔ na línwini anumi libi kalɔ na Unwoti anumi emeyi aavlene ammɔ kemmo usien ku ɔƒɛ. Ɔsika línu ka Unwoti ɔ́su ka ɔdubɔyila-mii udu.

Lɛkpa Ulu 9:18

Amu na kunyɔdi lɛnɔ ntayu lɛ́tɛ Unwoti anumi na líti mina anumi líbi kalɔ emeyi aavlene usien ku ɔƒɛ ɔni na ntadi iye ntani lɛla lɛdi. Lɛ́bla ɔmɛni ƒui ɔ́si likpidi lɛni bɛ́bla Unwoti na bɛɛbla lɛla lɛni naaayɔ-nwu kaƒɔ ɔsu. Na bɛ́ya na ɔ́kɛ kɔnyi.

Luka 4:2

Mmɔ na Satan útékpoku-nwu ɔ́nu emeyi aavlene sɔɔn. Na uwi ɔmɛni kemmo ƒui ni, Yesu útadi lɛla lɛdi ɔsu kɔka kúbo kɔɔda-nwu na kawɔlɔkɔ.

Marko 1:13

Anwu lɛti úlie mmɔ emeyi aavlene. Uwi ɔmmɔ kemmo na Satan úkpoku Yesu ɔ́nu si wasiaku-nwu. Ɔmɛni kama ni, Katɔti batu bébo bébebunku-nwu na bákya-nwu ɔkplu.

Mateo 4:2

Na ka Yesu úlie kɔka usien ku ɔƒɛ emeyi aavlene kama ni, kɔka kúbo kɔɔda-nwu.

Baga 1 19:8

Anwuɔsu ɔ́ta na ɔ́di na ɔ́ni. Na ka adila ammɔ ákya-nwu ɔkplu ni, úsie lɛgba usien ku ɔƒɛ emeyi aavlene útédu ka údu Katɔti kɔbi kɔni baalɔ banii Horeb.

Israelƒuɔ Bɔlɛ 24:17

Na Israelƒuɔ bani nnye kalɔ baanu teemene ni, Unwoti bukeye bɔmmɔ buse-ma aani ogya bonwu ɔni mɔɔkyula ala na kɔbi kɔmmɔ eli.

Israelƒuɔ Bɔlɛ 19:20

Amu na Unwoti ɔ́yu úbo Sinai kɔbi kɔmmɔ lili. Na ɔ́kpali Mose ka ɔkɔ ubo kɔbi kɔmmɔ lili. Amu na Mose ɔ́kɔ úsie mmɔ.

Israelƒuɔ Bɔlɛ 9:33

Amu ka Mose ɔ́nya ɔ́tɔlɔ Ƒarao kaduli na ɔ́lɛ ɔma ubendi ɔmmɔ kemmo kani na ɔ́talaku enu katɔ na ɔ́kpali Unwoti na úvele-nwu. Na mmɔ kani na etubankɛ atakpɛ bonwu ammɔ ƒui ku ɔƒɛƒɛɛ ku katɔ budu bɔmmɔ kenye káyɔ.

Israelƒuɔ Bɔlɛ 9:29

Amu na Mose ɔ́su Ƒarao ɔnini, “Si lɛ́nya lɛ́lɛ ɔma ubendi ɔmɛni kemmo ni, ndubɔkɔliku enu katɔ na livele Unwoti na etubankɛ ku katɔ budu bɔmmɔ ƒui kenye kawɔ, na anu ati ka Unwoti nédie kayawi na anwu mbo-ka.

Agba 28:1

Ukyuli ɔdi ulábɔku bekyuli bekpidi asa na ama alati beekeli. Nsu bekyuli babuni baakya kayi aani bagyata.

Israelƒuɔ Bɔlɛ 25:1

Amu na Unwoti ɔ́su Mose ɔnini,

Israelƒuɔ Bɔlɛ 32:1

Uwi ɔni na Israelƒuɔ bammɔ bánu ka Mose úsie ɔkya kɔbi lili na ulébo ni, bekyuli bammɔ básala lɛlɔ lisu na bésie Aaron kudɔ na bátásu-nwu banini, “Bɔɔɔgyi lɛla lɛni nálɛku Mose ɔni nákpanku-bu ɔ́lɛku Egyipte kalɔ lɛlɔ. Anwuɔsu bla unwoti ɔdi te-bu na ɔkpanku-bu.”

Baga 1 19:11

Amu na Unwoti údie kenye ɔnini, “Lɛ ténye kɔbi kɔmmɔ lɛlɔ na Unwoti anumi. Ɔsika Unwoti ɔdubo ubasia mmɔ ɔvi.” Amu na ɔƒɛƒɛɛ ubendi ɔdi úkpo, na úle kɔbi kɔmmɔ kemmo inyɔ, na úgyingya atakpɛ ammɔ na Unwoti anumi. Nsu Unwoti uuubo ɔƒɛƒɛɛ ɔmmɔ kemmo. Na ɔƒɛƒɛɛ ɔmmɔ kama ni, kalɔ kákunku, nsu Unwoti uuubo kalɔ bɔkunku bɔmmɔ kemmo.

Lɛkpa Ulu 5:31

Nsu awɔ Mose amu adubɔsɔ bɔkya-mi kudɔ mɛni na ndubuti mina ɔda bubo bɔmmɔ ƒui lite-ɔ. Na atina bekyuli bammɔ ɔda bubo etemila ammɔ kalɛ badi-nya lɛlɔ na kalɔ kani lɛlɔ bésela betélie mmɔ.”