Israelƒuɔ Bɔlɛ 24:16 - Katɔti Ɔku Kedee

¹⁶ Na Unwoti bukeye bonwu búbaƒɔ Sinai kɔbi kɔmmɔ lɛlɔ. Na emeyi aku sɔɔn na liƒlukutu lɛmmɔ lɛ́kya kɔbi kɔmmɔ lɛlɔ mmɔ. Na limeyi maatɛdi ni, Unwoti ɔ́kpali Mose ɔ́siku liƒlukutu lɛmmɔ kemmo.

Israelƒuɔ Bɔlɛ 24:16 Referans Kwoze

Israelƒuɔ Bɔlɛ 16:10

Uwi ɔni na Aaron ɔkya ɔɔtɛmi teete bekyuli bammɔ ni, bénwini anumi bátina ketele kammɔ. Mmɔ na Unwoti bukeye bonwu bɔ́bwɛ bɔ́lɛ kɔnakunwi na liƒlukutu kemmo.

Bumomo Bɔka 16:42

Nsu uwi ɔni na Israelƒuɔ básala lɛlɔ na baakya ku Mose ku Aaron unyeƒi mmɔ ni, béti anumi bátina Unwoti Adi Kevo na kɔnakunwi liƒlukutu lɛ́si líbewi ɔtɔ ɔmmɔ lɛlɔ, na Unwoti bukeye bonwu bɔ́bwɛ bɔ́lɛ mmɔ.

Esekiel 1:28

na uudie kunweni lidu lidu aani kalɛ na kɔdigye kɔɔlɛ́ na ɔƒɛƒɛɛ ɔdi bukpo kama. Na lɛ́nu lɛ́ti ka Unwoti bukeye ɔsu na mɔɔnu mmɔ nwaa ƒui lɛni! Ɔmmɔ ɔsu líboku lɛlɔ kalɔ buɛɛ lɛ́yu líbi anumi kalɔ. Na kɔnakunwi ni, línu ka lɛdi lɛdi lɛɛtɛmiku-mi.

Kɔgya 99:7

Unwoti ɔ́tɛmiku-ma ɔ́siku liƒlukutu bonwu aani lɛkpa lɛdi kemmo. Na ama bénu na bádi nwuna ɔda bubo lɛlɔ.

Bumomo Bɔka 14:10

Na uwi ɔni na bekyuli bammɔ ƒui bábla kasusu ka badubo Yosua ku Kaleb atabi bubo ni, mmɔ na Unwoti bukeye bɔ́bwɛ bɔ́lɛ Unwoti Adi Kevo anumi na Israelƒuɔ bánu.

Lewiƒuɔ Ɔda Bubo 9:23

Mose ku Aaron bénwini bétéduo Unwoti Adi Kevo kammɔ kemmo. Na ka bálɛ bébete bekyuli bammɔ kusɛ kusɛ kama ni, Unwoti úkeye úbewi bekyuli bammɔ ƒui lɛlɔ.

Budie Taatina 1:10

Na limeyi lɛni lɛlɔ na baƒɔtaadine baasa teemwi Blɔti ni, Katɔti Kɔyu kɔ́ƒɔ-mi lɛlɔ kemmo ƒui na línu ka lɛdi lɛdi lɛ́ku momoomo aani kakpɛɛ na lɛɛtɛmi na mina kama.

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Israelƒuɔ Bɔlɛ 24:17

Na Israelƒuɔ bani nnye kalɔ baanu teemene ni, Unwoti bukeye bɔmmɔ buse-ma aani ogya bonwu ɔni mɔɔkyula ala na kɔbi kɔmmɔ eli.

Israelƒuɔ Bɔlɛ 20:10

Nsu limeyi maatɛdi ndi ami Unwoti ƒula Katɔti Lɛnwunameyi lɛni kemmo na útalɛ ka abla kabla kadi, awɔ iye ƒula bebi iye ƒula kabla bablane iye ƒula bebuo iye ɔƒɔ ɔni nlie-ɔ kudɔ.

Israelƒuɔ Bɔlɛ 19:11

Na baklibi lɛlɔ bese limeyi lɛtɛdi. Ɔsika limeyi lɛtɛdi lɛmmɔ lɛlɔ ndubɔyu bubo Sinai kɔbi kaƒɔna na ukyuli biala ɔnu-mi.

Israelƒuɔ Bɔlɛ 19:9

Amu na Unwoti ɔ́su Mose ɔnini, “Ndubo bɔda bɔlɛ bekyuli bammɔ kudɔ na liƒlukutu bonwu kemmo na benu ka mɔɔtɛmiku-ɔ. Na ɔ́si ɔmmɔ kama ni, badubɔƒɔ-ɔ badi.” Mose ɔ́sɔ únwini ku kenye kammɔ útásu bekyuli bammɔ.

Lewiƒuɔ Ɔda Bubo 9:6

Na Mose ɔ́su ɔnini, “Bɛsia anu na bɛnu lɛla lɛni Unwoti ɔɔwia ka bɛbla asa na nwuna bukeye bubo bubewi-mii lɛlɔ.”

Yesaia 4:5

Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.