Israelƒuɔ Bɔlɛ 24:10 - Katɔti Ɔku Kedee

¹⁰ na bánu Israelƒuɔ Katɔti. Na kesii kani na nwuna lɛgba lɛnya ni, use aani ulu ɔni na béti sika atabi ani baalɔ Saƒaya bákya bávi na uukeye aani kayaa.

Israelƒuɔ Bɔlɛ 24:10 Referans Kwoze

Yohane 1:18

Ukyuli ɔdi útanu Katɔti nwaa dii. Nsu Katɔti ubidi unwi pɛ ɔni mma-nwu lɛlɔ ni, anwu nédie-nwu nwaa ɔ́tina bekyuli.

Esekiel 10:1

Na uwi ɔmmɔ ni, lɛ́nu lɛla lɛni mbi bebweyi ine ku ngba ku ngba bammɔ eli. Na lɛla lɛni na nse aani lɛgaboku lɛni nse aani Saƒira lɛtabi lɛni muukeye mmɔ lɛlɛ.

Budie Taatina 4:3

Na uukeye kede kede! Na bukeye bɔmmɔ buse aani aseebi egyiedi ku aƒualadi ani náƒɔ kuye. Na bukeye bonwu bɔdi bɔ́ka bɔ́mana lɛgaboku lɛmmɔ ƒui aani evete awɔdi bukeye.

Timoteo 1 6:16

Anwu lɛti nli ngba ɔni na ulekpi kudi kudii. Na uukeye ɔni na ukyuli ɔdi ulakana-nwu anumi bɔda bɔlɛ. Ukyuli ɔdi útanu-nwu kudii na ɔdi lɛnɔ ulakana-nwu bɔnu. Na bumwi ku ɔyikun ɔdi anwu ɔdi úsela ƒui. Ɔsia lɛni.

Israelƒuɔ Bɔlɛ 33:23

Na ɔmmɔ kama ndubɔda mina enu lidie-ɔ lɛlɔ, na adubɔnu mina kama, nsu ɔɔɔdi mina anumi.”

Israelƒuɔ Bɔlɛ 33:20

Na aaadubo mina anumi bɔnu. Ɔsika ukyuli biala ulanu-mi anumi na welie ngba.”

Ala Kalɔ Buse 32:30

Ɔmmɔ ɔsu ni, Yakob ɔ́sia mmɔ lɛnyi ɔnii Peniel, na ɔ́su ɔnini, “Lɛ́sia mɛni lɛnyi lɛni, ɔsika lɛ́nu Unwoti Katɔti anumi ku anumi na útayila-mi ngba.”

Budie Taatina 21:11

Na Katɔti bukeye bɔ́ƒɔ-nwu lɛlɔ ƒui. Na uukeye aani liseebi lɛni náƒɔ kuye geen na baalɔ-ni yaspa, na lise kede kede aani asogya atabi.

Yohane 1 4:12

Ukyuli ɔdi útanu Katɔti kudii. Nsu si bɔɔyɔ́ lɛlɔ ni, Katɔti uliku-bu, na bɔyɔ bɔni bubo bute-nwu búdu bɔ́wɔlɔ.

Yohane 14:9

Mmɔ na Yesu údie kenye na úye-nwu ɔnini, “Ɔ́si uwi gyɔlɔɔ ɔni ƒui na lɛ́ɛkya-mii kudɔ mɛni ni, bɔsu na amu ada anii aaagyi-mi? Ƒilipo, ukyuli ɔni náanu-mi dii ni, ɔ́ɔnu Ati lɛnɔ. Na bi ɔsu na asɔ aasu-mi anii, ‘Tina-bu Ati ɔmmɔ’?

Mateo 17:2

Ɔƒɛni ka baanu ni, kavumana kadi kébo Yesu lɛlɔ. Nwuna anumi eekeye aani ɔƒɛ, na nwuna adala lɛnɔ eekeye na aatu anumi.

Budie Taatina 1:16

Ukyuli ɔmmɔ ɔda ayabi maatɛ na nwuna kɔdianu. Na litemi geen lɛni nse aani kewii kani na bádɔ-ka lɛvi inyɔ lɛɛlɛ́-nwu kenye. Na nwuna anumi eekeye aani kalɛ na ɔƒɛ ɔɔbi.

Yohane 6:46

Ɔmɛni ulátina ka ukyuli ɔdi ɔ́ɔnu Ati ɔmmɔ. Mmomu ami ɔni lɛti nási Katɔti kudɔ ni, ami lɛti náanu-nwu.

Lɛnu Ƒui Ɔnu 6:10

Ése álɛ ligblebi ku bukeye aani kalɛ na ɔtanta kayaa kese. Na eekeye aani kɔbuli. Na aatu anumi aani ɔƒɛ bukeye! Na ƒula bɔdia bɔɔda kayi teetulo ayabi ani nkya kayaa ƒui.

Baga 1 22:19

Amu na Mikaia úsie anumi ku nwuna kenye budie ɔnini, “Ɔmmɔ ɔsu binu Unwoti litemi. Lɛ́nu ka Unwoti úli nwuna liboku lɛlɔ na katɔ batu ƒui bénye-nwu kɔmii ku kɔdianu.

Israelƒuɔ Bɔlɛ 3:6

Na Katɔti ɔ́su Mose ɔnini, “Ami ndi ƒ'ɔti Katɔti ku Abraham Katɔti ku Isak Katɔti ku Yakob Katɔti.” Na ka Mose ɔɔyia ka wanu Katɔti ɔsu ni, ɔ́bɛla nwuna anumi.

Israelƒuɔ Bɔlɛ 24:11

Nsu Katɔti útabla Israel batɔnkune bamɛni lɛla lɛdi, mmomu bánu Katɔti, na bádi na báni.

Bumomo Bɔka 12:8

Mɔɔtɛmi ku anwu anumi ku anumi, na ɔɔɔdi agyolo kemmo, mmomu atɛ nwaa kemmo, na ɔɔnu kalɛ na Unwoti use ku nwuna anumi. Na bi ɔsu na bítayia ka bɛsu lɛla lɛdi na bɛ́ta bínye mina kabla ɔblane Mose lɛlɔ?”

Lɛnu Ƒui Ɔnu 5:14

Na nwuna enu ese aani kugyii kɔgba kɔni na béti sika ugyiedi bákya-nwu bɔdia ku asɛɛ ani na áƒɔ kuye. Na nwuna ɔlɔgyii umodi use aani atu ɔtunkpɛ.

Kɔnyana Buwulo 4:7

Yerusalem batɔnkune bétebie na beekeye aani etubankɛ iye aani si nnɔmii báwɛɛ. Na bebo ɔlɔkplu na baadia bɔnu aani asɛɛ ebi ani náƒɔ kuye na aatu anumi.

Esekiel 1:1

Ami ndi Esekiel, Busi ubidi, na ndi ɔkpane. Uwi ɔni na béƒie Ɔga Yekonia bátɔlɔku bésienku Babilon aani bana ɔtɔntɛne kalɛ úbunku abu bakladi, ɔbla akwa alɔ kama ni, lɛ́kya kesii kadi na kede ketu kani baalɔ banii Keba. Na ami ku bani na béti bátɔlɔku mmɔ nkya mmɔ. Amu na kɔbuli kunedi limeyi lɛlɔndi lɛlɔ na lɛkwa leevu-lɛtɛdi kemmo ni, kayaa kálɛmi kɔnakunwi. Na Unwoti úti nwuna enu ɔ́sia-mi lɛlɔ na údie kɔyu kemmo ala adi ɔ́tina-mi.

Daniel 10:17

Ƒula kabla ɔblane kani na ndi na dɛ na ndubɔkana na lɛtɛmiku ukyuli ɔni na ubo ɔyikun ɔmɛni udu ka ubo-mi ɔkplu geen muedi asa na mɔɔkana bɔnwuna?”

Ala Kalɔ Buse 32:31

Uwi ɔni na ɔkɛ Paniel mmɔ ni, kadi káata, na ɔkɛ ɔɔtu ɔgba taakya ka nwuna kasɔma likubi líkpeli ɔsu.

Ala Alɛdi 2 6:17

Muuvele nnii sia anu kenye kani na ése ƒula kabla ɔblane Dawid mɛni kaduɛ lɛni kani.