Israelƒuɔ Bɔlɛ 23:8 - Katɔti Ɔku Kedee

⁸ “Na ɔdi utaƒɔ egulabi na bɔbɛ kemmo, ɔsika ala ammɔ udu aabwɛ bekyuli bani mɔɔnu anumi na balátɛ litemi siin.

Israelƒuɔ Bɔlɛ 23:8 Referans Kwoze

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Yesaia 5:23

Bekyuli bani mɔɔbɛ́ taaƒɔ ala, na beete balalane ubo ka bekeli bana kɔtu bɔni, na baaní bekyuli babuni mmomu kɔtu ni, bɔbuɛ beete-ma.

Agba 17:23

Bekyuli bekpidi baabɛ́ taaƒɔ ala bekyuli kudɔ kalɛ na batu litemi benwini.

Agba 15:27

Lɛlakɛ lɛni naaakɛ ulu ɔbuni lɛlɔ líduo lɛkɔkɔ ni, Unwoti ɔɔyá na lɛbibo liiduo ɔtɔ ɔmmɔ ƒui kemmo. Nsu ama bani naaabɛ taaƒɔ ala bekyuli kudɔ taadi ni, ama ndubulie ku keyi buɛɛ.

Samuel 1 8:3

Nsu bebi bamɛni balabla ala siin na Unwoti ulu lɛlɔ. Mmomu bénwini kama bákya-nwu na baabla bekyuli ulikplu ala na baaƒɔ́-ma ala taadi na bɔbɛ kemmo. Na balábla lɛla lɛdi ulu lɛlɔ.

Etemila 7:7

Ala buƒu taakya ɔɔyá na ɔnundane uunwíni ɔdɔlɔdi. Na ala bɔbɛ taaƒɔ taadi ulaya na ukyuli kayi keeti-nwu taasiaku ala bɔbla ulu lɛlɔ siin.

Agba 17:8

Ala ani beete ukyuli na bɔbɛ kemmo ni, etulo kuvo ete bani mɔɔbla udu ɔmmɔ. Baasia ɔmmɔ lɛlɔ na ala aatɛ teete-ma.

Kɔgya 26:10

Bebo kalala kɔkwɛ na baabɛ́ taaƒɔ sika taadi.

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”

Lɛkpa Ulu 10:17

Ɔsika bina Unwoti Katɔti ubo ɔyikun utulo ɔyikun biala na ɔlɛka buti ɔbu bute-nwu geen. Na ɔdi Unwoti ɔni na ulánu anumi taabla lɛla lɛdi na ulabɛ taaƒɔ lɛla lɛdi ukyuli kudɔ.

Mika 7:3

Bekyuli baasála lɛlɔ taabla unwi ka babla alaekpidi na bana ablala ɔsu. Litemi batɛne ku bana benengu baawia ka baƒɔ ala basiku bekyuli kudɔ na bɔbɛ kemmo. Na lɛlɔ badine baanya bekyuli taakya na litemi katɛkɔ.

Amos 5:12

Ami ndi Unwoti na ngyi bina ekpidi enengudi ani na bɛɛbla. Bɛɛƒɔ́ ala bɔbɛ kemmo na bɛɛyila bawabane bani nse siin lili, na biládi etemila lɛlɔ siin teete-ma.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Agba 19:4

Lɛlakɛ liiboku bakpana pii, nsu kɔwaba kɔɔgyá-ma.

Hosea 4:18

Ntɛ banine badivone na badi. Na si báni-mu békpi báwɔlɔ lɛni ni, na bana lɛyalɛ ku lɛsɔnɔdi ala lɛɛkɔ́-ma katɔ. Na baayɔ́ kɔƒa ala ammɔ teetulo bana kenyekɔ ku ɔbu ɔni na nka ɔkya-ma lɛlɔ mmɔ.

Yesaia 1:13

Bɛsɔ biteboku-mi akpala ani neeebo kɔsia kɔdi! Bina oloƒui ɔni bɛɛkyula ƒui uusé-mi. Na bina emeyi buni ani bɛɛdi ƒui átamanku-mi. Kɔbuli kɔwɔdi bɔlɛ ku lɛnwunameyi ku emeyi aƒunadi ani na biilie kɔka ku bina emeyi buni ani bɛɛsála lɛlɔ taadi ƒui adi likpidi ku ɔkɔ ala sɔɔn. Nsɔ naaawia-mii naaablaku lɛla lɛdi.

Kɔgya 15:5

Uuvó egulabi teete bekyuli na ulaƒɔ kuvonsia. Na ulabɛ taaƒɔ egulabi na ɔdu ukyuli ɔni na útabla likpidi lɛdi kɔtɔ. Ukyuli ɔni na ɔɔsia ala amɛni anu taabla taasiaku-nya lɛlɔ ni, ɔtɔtɔ ɔɔɔdubo-nwu bɔgyu kudii.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 5:22

Bɔbuɛ beete bani na ntɛ kanikɔ na badi bayikune na ama ntulo ƒui ka baasála-mu lidu lidu taani ɔsu.

Yesaia 33:15

Nsu bekyuli bani nli ngba siin na baasu litemi geen lɛmmɔ ni, badubo bana lɛyuƒɔla bɔƒɔ ku bani na balayɔ ka baƒɔ egulabi adi na bɔbɛ kemmo iye benye ukyuli ɔdi lɛlɔ na beƒie-nwu lɛla lɛdi baƒɔ ku bani nkisi ka bewi ukyuli ubugya kalɔ na balayɔ lɛsɛ ku udunkpi bamba ƒui lɛnɔ ni,