Israelƒuɔ Bɔlɛ 23:6 - Katɔti Ɔku Kedee

⁶ “Tebulo ɔwabane litemi bɔtɛ siin na litemi katɛkɔ.

Israelƒuɔ Bɔlɛ 23:6 Referans Kwoze

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Yeremia 5:28

na ala adianku-mii, nsu bíni na bilébunku bekyuli bamba. Na bɛɛbla bawabane lɛla lɛni na bɛɛkali ka lɛ́manku-ma.

Etemila 5:8

Si ánu ka baanya bekyuli bani na bese kpɛtɛ taakya na ƒula kalɔ lɛlɔ, na ala tabla ulu lɛlɔ búti ala bɔbla siin kenye ni, utabla-a dɛye dɛye, ɔsika bekyuli bani nkya lɛlɔ badine kalɔ ni, ɔlɛka benu bana batɔnkune litemi.

Lɛkpa Ulu 27:19

‘Ewida asiaku ukyuli ɔni mɔɔnya bekyuli bani naaadi Israelƒuɔ ku bekpinebi ku bekpinele taakya.’ Na ɔlɛka bekyuli batuna banii, ‘Ɔsia lɛni.’

Lɛkpa Ulu 16:19

Na beteƒu litemi geen lɛmmɔ batakya na batanu bekyuli anumi lɛnɔ. Na bataƒɔ egulabi na bɔbɛ kemmo, ɔsika etela ammɔ udu aabwɛ banundane ku bekyuli bani lɛlɔ mbo ɔbu anumi, na balátɛ litemi siin.

Lewiƒuɔ Ɔda Bubo 19:15

“ ‘Bitatɛ litemi likpidi na bɛnya ɔwabane ɔdi bɛkya iye binye ɔlakɛne ɔdi kama mmomu bɛtɛ bina bakpana litemi ulu lɛlɔ.

Yeremia 7:6

Bɛda kasiakɔ bɔkɛ na baƒɔ ku bekpinebi ku bekpinele lɛlɔ bɛya. Na bɛda bekyuli bani na bátabla-mii lɛla lɛdi bɔdu bɛya. Na bɛda baƒiɔ bɔkpa bɛya.

Yeremia 6:28

Na adubɔnu ka bebo ɔkplu geen aani abuala egyiedi ku atonwudi. Na badi bekyuli bani mɔɔta teenye-mi lɛlɔ na ɔkɔ kani na baanyi uwi ndi uwi.

Hiob 31:13

“Si mina kabla ɔblane ɔnanabi iye ulekubi ɔdi úti lɛla lɛni muukpóku-nwu úboku-mi ni, mɔɔtɛ-ni teete-nwu ulu lɛlɔ na naaanyi ɔkɔ.

Ala Alɛdi 2 19:7

Anwuɔsu bɛnu ka bɛ́bla bina kabla ƒui na bíti ɔbu bíte-nwu. Na bɛti lɛnɔ ka ɔɔɔdubo-mii kuƒi bute na bɛnu ukyuli ɔdi anumi bɛbla lɛla lɛdi iye bɛbɛ bɛƒɔ lɛla lɛdi bɛsiku ɔdi kudɔ bɛdi.”

Samuel 1 8:3

Nsu bebi bamɛni balabla ala siin na Unwoti ulu lɛlɔ. Mmomu bénwini kama bákya-nwu na baabla bekyuli ulikplu ala na baaƒɔ́-ma ala taadi na bɔbɛ kemmo. Na balábla lɛla lɛdi ulu lɛlɔ.

Agba 18:5

Ɔɔɔdia ka litemi ɔtɛne unye ukyuli ɔni na nwuna litemi liiibo ubo kama iye ɔdu ukyuli ɔbuni kɔtɔ.

Agba 22:22

Tasia ulu ɔdi lɛlɔ na eyu bawabane anii kɔwaba kɔda-ma ɔsu. Na tasia ulu ukpidi ɔdi lɛlɔ na akɛ bekyuli bani mɔɔyaki lɛla lɛdi lɛlɔ kɔsia na litemi katɛkɔ.

Agba 31:5

Ɔsika si báni ntɛ ni, ɔƒɛni kalɛ badubɔyiƒala lɛla lɛni na ɔda bubo bɔmmɔ bɔɔtina na balakana litemi bɔtɛ budie bani na baanya taakya na bakɛ bana kuƒi kadikɔ.

Yesaia 5:23

Bekyuli bani mɔɔbɛ́ taaƒɔ ala, na beete balalane ubo ka bekeli bana kɔtu bɔni, na baaní bekyuli babuni mmomu kɔtu ni, bɔbuɛ beete-ma.