Israelƒuɔ Bɔlɛ 23:25 - Katɔti Ɔku Kedee

²⁵ Bɛkpa ami bina Unwoti Katɔti lɛti pɛ, na mina kusɛ kusɛ ɔdubo-mii bɔsiaku na bɛkɛ bɛdi na bɛkɛ bɛni. Na ndubo ɔlɛ biala bɔda budie bina akɔ.

Israelƒuɔ Bɔlɛ 23:25 Referans Kwoze

Lɛkpa Ulu 7:15

Na Katɔti ɔɔɔdubo bɔya na ɔlɛ ɔdi ubo-mii lɛlɔ. Na uláya na lɛlɛ buɛ lɛni nébo na Egyipte kalɔ lɛlɔ mmɔ ɔdi webo-mii lɛlɔ. Mmomu kadi biala mekisi-mii ni, ɔdubɔya lɛlɛ lɛmmɔ udu libo bekyuli bammɔ lɛlɔ.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Yosua 22:5

Nsu Yosua ɔ́sɔ ɔ́su-ma ɔnini, “Binyimo ɔda ɔni na Unwoti kabla ɔblane Mose úbo-mii. Na ɔda bubo bɔmmɔ ndi ka bɛyɔ bina Unwoti Katɔti na bɛsia nwuna litemi anu kaduɛ, na bɛdi nwuna ɔda bubo lɛlɔ, na biti lɛlɔ bɛsia-nwu lɛlɔ, na biti bina kayi ku kɔyu ƒui bitaabla-nwu kabla.”

Yesaia 33:24

Unwoti ɔdubuti bina ekpidi ɔkyiɛ-mii, na ɔdi ulasu ɔnii uuƒi.

Kɔgya 103:3

Anwu muuti mina alaekpidi ƒui taakyiɛ-mi. Na ɔɔbwi-mi lɛlɛ lɛni ƒui na muuƒi.

Lɛkpa Ulu 7:13

Na ɔmɛni ɔdubɔya na ɔyɔ-mii litemi na bimomo na ute amii ku bina bebi kusɛ kusɛ na bɛkɛ edula pii na bina adingyii ku nnɔ egyii mmo bɔbla kaduɛ. Na bina ɔmantɛ bakɔ ku baƒonu lɛnɔ bawɔ pii na kalɔ kani na ɔ́su bina bati kuuku úse ka wete-mii lɛlɔ.

Lɛkpa Ulu 10:12

Lɛla lɛni na Katɔti ɔɔwia ɔsiku bina kudɔ ndi ka biti ɔbu bite-nwu na bɛsia nwuna ulu ɔni na ɔ́tina-mii na bɛyɔ-nwu ku bina kayi ƒui ku bina kɔyu ƒui.

Lɛkpa Ulu 6:13

Bɛyia bina Unwoti Katɔti ɔmmɔ na bɛkpa anwu lɛti. Na si biisé kenye kadi ni, bise-ka na anwu lɛti lɛnyi kemmo.

Mateo 4:10

Amu na Yesu údie kenye ɔnini, “Satan, gyu-mi lɛlɔ! Bunweni Kedee Ɔku ɔ́su ɔnii, ‘Ƒula Unwoti Katɔti kani na ɔlɛka alɛ akɔnkɔ emwi.’ ”

Samuel 1 12:20

Nsu Samuel úse-ma kayi ɔnini, “Bɛsɔ bitayia. Sɔsɔ na ɔdi ka bɛ́bla ala buɛ amɛni. Nsu bɛda udu ɔmmɔ bɛya na bɛsɔ bitenwini kama bitakya Unwoti. Mmomu biti bina kayi ƒui bɛbla-nwu kabla.

Lɛkpa Ulu 10:20

Na biti ɔbu bite bina Unwoti Katɔti na bitaakpa anwu lɛti pɛ. Bɛsiaku-nwu kama kpakplaa.

Yosua 24:21

Amu na Israelƒuɔ básu Yosua banini, “Kudii! Unwoti lɛti na bɔdubɔsiaku.”

Lɛkpa Ulu 13:4

Bɛsiaku bina Unwoti lɛti pɛ kama na biti ɔbu bite-nwu. Na bɛdi nwuna etemila ku ɔda bubo bɔni ƒui na úte-mii lɛlɔ. Na bɛkpa-nwu na ulu ɔni na ɔɔwia lɛlɔ na bɛda-nwu kpakplaa.

Samuel 1 7:3

Limeyi lɛdi ni, Samuel ɔ́su Israelƒuɔ ƒui ɔnini, “Si bɛɛyɔ́ ka binwini udu na biti lɛlɔ bite Unwoti bɔdi ni, amu ɔlɛka bidie bɛtina nwaa na bina ɔbladu kemmo. Na bɛyila baƒiɔ bani na bɛ́vɔ bíte lɛlɔ udu. Na bɛyila Astarot baƒiɔ bani lɛnɔ bɛ́vɔ mmɔ udu. Binwini kama bɛkya baƒiɔ bammɔ ƒui na biti bina kayi bite Unwoti ƒui kede kede. Na bitaakya lili kalɔ teete anwu lɛti pɛ na ɔda-mii udie Ƒilsitiƒuɔ enu kemmo.”

Yosua 24:24

Amu na Israelƒuɔ básu Yosua banini, “Unwoti ɔni ndi bula Katɔti lɛti bɔdubɔsiaku. Na bɔdubɔnu-nwu litemi.”

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Yesaia 33:16

badubulie bekpone kagyumakɔ kpakplaa kemmo na lɛtakpɛ lili na bakɛ adila badi kaduɛ na bani lɛnɔ kaduɛ.

Samuel 1 12:24

Nsu bɛsia anu na bitaayia Unwoti, na bɛsiaku-nwu kama siin, na bitaadi nwuna litemi lɛlɔ ku bina kayi ƒui. Na biteenyimo ala ebendi ani na ɔ́ɔbla úte-mi.

Yeremia 8:2

Na badubugyingya bana ekubi ammɔ bewi kalɔ mmɔ bamana na kesii kani na ɔƒɛ ku kɔbuli ku ayabi ammɔ ataalɛ teewi-nya, ɔsika anya na bátaakpa.

Lewiƒuɔ Ɔda Bubo 11:44

Ami ndi bina Unwoti Katɔti. Bidie lɛlɔ bise sɛsɛɛ na bɛbla lɛlɔ kedee ɔsika nse Kedee. Na bitabla na bina lɛlɔ liteese lɛlɔ ɔkɛnku kubweyi kɔni mɔɔkpɛ́ kalɔ mɛni ɔsu.

Lewiƒuɔ Ɔda Bubo 26:3

“ ‘Si bɛ́di mina ɔda ɔni líbo-mii lɛlɔ na bɛ́sia mina bunyimi ƒui anu kaduɛ ni,

Etemila 5:20

Na Katɔti ɔmmɔ ɔdubɔda-nwu na nwuna kayi kayɔ ɔni na ulenye uléteekpoku lɛlɔ kasusu na nwuna ngba emeyi lɛlɔ.

Daniel 1:15

Emeyi leevu kama ni, Daniel ku nwuna bakpana bákɛ lɛlɔ na baadia bɔnu teetulo bakloƒu bakladi bani na beete adila ani na beete ɔga kesii bekyuli bammɔ.