Israelƒuɔ Bɔlɛ 23:22 - Katɔti Ɔku Kedee

²² Nsu si bínu ɔtu ɔmmɔ litemi na bɛ́di mina ɔda ɔni líbo-mii lɛlɔ ni, ndubo bina bekisine bukpoku bute-mii.

Israelƒuɔ Bɔlɛ 23:22 Referans Kwoze

Ala Kalɔ Buse 12:3

Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Lɛkpa Ulu 30:7

Na ewida ani na ɔ́su ka adubo-mii lɛlɔ ni, adubunwini busie bina bekisine bani mɔɔwia-mii babla kalala kudɔ.

Sakaria 2:8

Mmɔ na Unwoti Ɔyikune Ƒui ɔni muukeye údie lɛdi úte-mi ɔnii nsu kadi bekyuli bani nékpo Sion na béyu-nwu ala bátɔlɔku nnini, “Sion ɔ́ƒɔ ami Katɔti kuye geen aani mina lɛnumi. Anwuɔsu lɛla biala na bɛ́bla ɔma ɔmmɔ ni, anwu na bɛ́bla.

Yeremia 30:20

Na ɔdubuse aani kuuku kalɛ kani pɛpɛɛpɛ. Bina kadi bekyuli badubo-mi bɔkpa. Na ndubɔni ukyuli biala medumi-mii kɔtu.

Bumomo Bɔka 24:9

Na kadi bekyuli bammɔ bese aani gyata ɔyikune ɔdi. Na si ɔtɛ ɔlɛɛ ni, lɛla biala lɛɛyia-nwu bɔgyila. “Ukyuli biala mete Israel kusɛ kusɛ ni, kusɛ kusɛ ɔdubɔsiaku-nwu. Na ukyuli biala mewida Israel ni, ewida adubɔsiaku-nwu.”

Tesalonikaƒuɔ 2 1:6

Katɔti ɔdubɔtɛ litemi na ulu lɛlɔ. Na ɔdubɔni bani muukpóku-mii ƒui kɔtu.

Lɛkpa Ulu 28:1

Si bɛɛdi bina Unwoti Katɔti litemi lɛlɔ kaduɛ na bɛɛsiaku nwuna ɔda ɔni na uubó-mii ɔmwi mɛni kama ni, bina Unwoti Katɔti ɔdubɔtalaku-mii katɔ utulo bekyuli bani ƒui nkya kayawi.

Israelƒuɔ Bɔlɛ 15:16

Liƒu ku bɔyia geen ndubo bekyuli bamɛni bɔda. O, Unwoti, ɔkɛnku ƒula ɔyikun ɔsu ni, badubo bɔsinsi bunye aani lɛtakpɛ, úti útédu ka awɔ Unwoti ásia ávi, na ƒula bekyuli bani na édie adanku bávi bátɔlɔ.

Bumomo Bɔka 24:8

Unwoti náda-ma údie Egyipte kalɔ lɛlɔ. Na bebo ɔyikun aani ɔmantɛ akɔ unengudi geen na baduli bana bekisine. Na báƒɛ bana ekubi kɔkɛ kɔkɛ. Na beti bana kɔtaminta baƒuaala-ma.

Yosua 9:7

Amu na Israelƒuɔ béye-ma banini, “Bi ɔsu na bɛɛyɔ́ ka bɔbla unwi? Ɔƒaalɛ bina keliekɔ kátagyunku-bu.”

Kɔgya 35:1

Unwoti, muuvele-ɔ geen nnii bekyuli bani muunye teetile-mi ni, awɔ lɛnɔ nye tile-ma. Na bani nsiaku-mi muukpóku-mi ni, awɔ lɛnɔ kpoku-ma.