Israelƒuɔ Bɔlɛ 23:21 - Katɔti Ɔku Kedee

²¹ Binu ɔtu ɔmmɔ litemi biala lɛni na ɔdubo-mii bɔsu. Na ɔdi utata utenye-nwu lɛlɔ, ɔsika ami nátala-nwu. Na si ɔdi ɔ́ta únye-nwu lɛlɔ ni, uleti ulakyiɛ-nwu, ɔsika mina lɛnyi lɛlɔ na ɔkɛ.

Israelƒuɔ Bɔlɛ 23:21 Referans Kwoze

Kɔgya 78:56

Nsu ɔmɛni ƒui kama ni, bákɔku Ɔyikune Ƒui bánu na báta bénye-nwu lɛlɔ na bátadi nwuna litemi lɛlɔ.

Kɔgya 78:40

Bekyuli bamɛni báta bénye-nwu lɛlɔ kɔlɛ kɔlɛ na kalɔ kakwiidi kemmo mmɔ, na báya na kayi kaakpulu-nwu geen.

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Yohane 10:38

Nsu si anya na mɔɔbla bɔdi ni, si ina bilaƒɔ ami ɔlati taadi ni, ɔdi ka bɛƒɔ ala ani na mɔɔbla anya bɛdi. Na si bɛ́bla lɛni ni, bɛdubɔnu bɔti kɔnakunwi ka Katɔti uliku-mi na ami lɛnɔ nliku-nwu.”

Yohane 10:30

Ati ku ami ƒui ni, bekyuli benwi na bɔdi.”

Yosua 24:19

Amu na Yosua ɔ́su Israelƒuɔ ɔnini, “Ngyi ka bilakana Unwoti bɔɔsiaku, ɔsika ɔdi Katɔti ɔni nse kedee na uukpó kogyulo na si bɛ́ta binye-nwu lɛlɔ ni, uleti bina ekpidi ulakyiɛ-mii.

Israelƒuɔ Bɔlɛ 3:14

Amu na Katɔti ɔ́su-nwu ɔnini, “Si béye-ɔ mina lɛnyi ni, na asu-ma anii, ‘Ami baalɔ Ami Ndi Ami.’ Na asu-ma ka ‘Ami Ndi Ami nátala-mi ɔ́kya-mii.’ ”

Koloseƒuɔ 2:9

Ɔsika Kristo kemmo ni, Katɔti ulie ngba na ɔlɔna kemmo ku nwuna udu ƒui.

Eƒesoƒuɔ 4:30

Na bitaya na Katɔti Kɔyu kúduo kɔnyana kemmo. Ɔsika Kɔyu kɔmmɔ nése-mii likpo kúse ka bɛdi Katɔti bekyuli bani ngba na ɔdubɔƒɔ na limeyi likplodi lɛmmɔ lɛlɔ.

Lɛkpa Ulu 18:19

Na si ubo ni, lɛla biala wasu-ma ni, ɔdubɔsu-ni na mina lɛnyi kemmo. Na ukyuli biala na ulénu-nwu litemi ni, Ami Katɔti ndubɔni-nwu kɔtu.

Bumomo Bɔka 14:11

Amu na Unwoti úye Mose ɔnini, “Na akɔla ala lidu lidu lɛni na lɛ́bla na bekyuli bamɛni anumi kama ni, uwi ɛlɛ na badubuni-mi bétédu, na baláƒɔ-mi baladi, na bataata teenye taanu-mi anumi lɛni?

Yohane 5:23

kalɛ na ukyuli biala utaabu Ubidi aani kalɛ kani na baabu Ɔti. Nsu si bíni na bilábu ami Katɔti Ubidi ɔni na ɔ́tala ɔ́kya-mii ni, bilábu Ɔti lɛnɔ.

Bumomo Bɔka 14:35

Ami Unwoti násu, na ndubɔnu ka ala ani lɛ́su ka mabla bekyuli bekpidi bani nása lili na báta bénye-mi lɛlɔ mɛni ébo lɛni. Na ndubɔnu ka ɔdi biala úkpi na ketele kalɔ kakwiidi kamɛni kemmo.”

Israelƒuɔ Bɔlɛ 32:34

Nsu ɔƒaani ni, teesie na atákpanku bekyuli bammɔ esienku kesii kani lɛ́su-ɔ líse. Na enyimo ka mina ɔtu ɔdubo-ɔ bɔgyumana. Nsu uwi ɔdi ɔdubo ɔni na ndubo bekyuli bamɛni kɔtu bɔni ɔkɛnku likpidi lɛni bábla ɔsu.”

Israelƒuɔ Bɔlɛ 6:3

Na lídie lɛlɔ lɛ́tina Abraham ku Isak ku Yakob ka ami ndi Katɔti Ɔyikune Ƒui. Na Unwoti lɛnyi lɛni na mɔɔdi ni, ńtedie-ni keyi ńtatina-ma tɔ?

Budie Taatina 2:23

Lɛnɔ ni, ndubo uleku ɔmɛni basɔnɔbi ƒui bɔdu. Na mmɔ ni, baƒɔtaadine lɛkpa lɛmmɔ ƒui badubɔti ka ami ndi ukyuli ɔni ngyi ukyuli biala kayi ku lili kemmo. Ndubo bina akɔ ɔdi biala kayu bɔƒɔ na lɛla lɛni na ɔ́bla kenye.

Budie Taatina 2:8

Na ɔ́su-mi ɔnini, “Nweni te Smirna baƒɔtaadine lɛkpa ɔtu anii, “Ami Yesu ndi Udeedi ku Ukplodi. Na líkpi, nsu lɛ́sɔ lɛ́ta líbo nli ngba. Na ami mɔɔsu kenye kamɛni.

Budie Taatina 1:8

Blɔti ɔni mbo ɔyikun ƒui mɔɔsu ɔnini, “Ami ndi kalɔ kesekɔ ku kawɔlɔkɔ. Ami nli, na lílie, na ndubo bulie uwi ɔni ndubo ƒui.”

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Budie Taatina 3:7

Ɔmmɔ kama ni, ɔ́su-mi ɔnini, “Nweni te Ƒiladelƒia baƒɔtaadine lɛkpa ɔtu anii, “Lɛni na anwu ɔni nse kedee na nwuna litemi lɛdi litemi geen ɔɔsu. Anwu nda Ɔga Dawid ɔyikun ɔni na si ɔ́lɛmi kayakun kadi ni, ɔdi ɔsɔ ulakana-ka bɔkalɛ. Na si ɔ́kalɛ-ka ni, ɔdi ulakana-ka bɔlɛmi.

Yohane 1 5:16

Si ɔdi ɔ́nu ka nwuna ɔnwa ɔƒɔtaadine ɔ́bla likpidi lɛdi lɛni na lilákpanku-nwu taatákya kukpi ƒui kemmo ni, ɔkpali katɔ na nwuna lili na Katɔti ɔdubute-nwu ngba. Na ɔmɛni use ute bekyuli bani na bana ekpidi alákpanku-ma taatákya kukpi ƒui kemmo. Nsu likpidi lɛdi lɛkya lɛni mɔɔkpanku bekyuli taatákya kukpi ƒui kemmo. Na naaasu nnii bɛkpali katɔ na likpidi lɛmɛni lili.

Hebriƒuɔ 3:16

Na ɔma bene na bɛɛkali ka ama nénu na báta bénye Katɔti lɛlɔ mmɔ? Ɔɔɔdi bekyuli bani ƒui na Mose ɔ́tɔnku ɔ́lɛku Egyipte kalɔ lɛlɔ mmɔ badi yoo?

Mateo 17:5

Uwi ɔni na ɔɔsu ɔmɛni ni, ulɔyɔ ɔni muukeye úbewi-ma lɛlɔ. Na bénu Katɔti lɛdi na ulɔyɔ ɔmmɔ kemmo na lɛ́su lɛnini, “Ɔmɛni ndi mina ubi ɔyɔne unwi pɛ ɔni mɔɔƒɔ́-mi anu geen. Binu-nwu litemi.”

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Yeremia 5:7

Unwoti ɔnini, “Amii Yudaƒuɔ, dɛ na ndubɔkana na liti bina kɔtu bɔni lɛkyie-mii? Líte-mii lɛla biala na bɛɛwia, nsu bíni-mi na bísie bɛɛkpá baƒiɔ. Amii banana bɛ́lɛ bina beleku kama na bísie bɛsiaku bayalɛ.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 45:6

Na ɔƒaani ni, ukyuli biala ɔ́si ɔƒɛ katukɔ útédu ɔƒɛ kanukɔ ɔdubɔti ka ami ndi Unwoti ɔmmɔ na baƒiɔ badi beeebo na badi lɛla lɛdi geen mina kalɛ.

Yesaia 42:8

“Ami ndi Unwoti na lɛɛɛdubo bunye bɔnu na baƒiɔ iye ukyuli ɔyawine ɔdi ɔta unye ɔnii ami ku-nwu buule mina bukeye ku bumwi bɔni na ɔlɛka bekyuli beti bete-mi.

Yesaia 9:6

Ɔsika báwɔ ubi ɔnanabi béte-bu. Na bekyuli ƒui lɛlɔ bɔdi lɛdubɔsia-nwu lɛlɔ. Na badubɔlɔ-nwu banii Kasusu Buni Ɔkyane ku Katɔti Ɔyikune ku Ati Ɔni Nli Uwi Ƒui ku Keyi Buɛɛ Ɔga Ubi.

Yesaia 7:14

Ɔmmɔ ɔsu ni, Unwoti ɔlati ɔdubute-mii likposela lɛdi. Bɛnu! Adagyaa ɔdi ɔdubɔda kaƒɔ na ɔwɔ ubi ɔnanabi. Na badubɔlɔ-nwu banii Imanuel.

Kɔgya 83:18

Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

Kɔgya 72:19

Bemwi-nwu lɛnyi lɛni muukeye úsela uwi ƒui. Na nwuna bukeye bɔƒɔ kalɔ lɛlɔ ƒui. Ɔsia lɛni! Na ɔsɔ ɔsia lɛni!

Lɛkpa Ulu 9:7

Bitayiƒala kalɛ na bɛ́ya na Unwoti úti kɔnyi ɔ́kya-mii na kalɔ kakwiidi kemmo. Úti ɔ́si limeyi lɛni lɛlɔ na bɛ́ta Egyipte kalɔ úti úbedu limeyi lɛni bíbeduo mɛni ni, lɛni kani na bɛkya bɛɛta teenye Unwoti lɛlɔ.

Litemi Batɛne 13:18

Na ɔtu ɔmmɔ údie kenye ɔnini, “Bi ɔsu na aawia mina lɛnyi ati? Ɔmmɔ uuubo kalɔ bunu.”

Yesaia 9:5

Na bekpone adala ku agbanvuo ani nákpi ubugya na kekpo ni, ala ammɔ bene ƒui adubunwini ala ani na badubo ogya bɔkya.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”