Israelƒuɔ Bɔlɛ 23:18 - Katɔti Ɔku Kedee

¹⁸ “Biteti lɛla biala kemmo na bɔnyii bɔkya bitebunku ubugya akpala ani na bíti biite-mi lɛlɔ. “Na bebuo bani akpala na bɛ́bla bíte-mi na emeyi atɛ amɛni kemmo ni, bɛnu ka kadi kétegye ɔdi lɛmwi lɛlɔ.

Israelƒuɔ Bɔlɛ 23:18 Referans Kwoze

Lewiƒuɔ Ɔda Bubo 2:11

“ ‘Edula ebi etela biala na ɔdi éti aduboku-mi ni, nu ka bɔnyii bɔdi buuubo-nwu kemmo. Ɔsika lɛla lɛni kemmo na bɔnyii bɔkya iye uwɔ ni, utalɛka beti-nwu babla ogya akpala bɔkyula ƒui bete-mi.

Israelƒuɔ Bɔlɛ 34:25

“Teti akpala ubugya ku lɛla biala kemmo na bɔnyii bɔkya tabla akpala tete-mi. Na akpala ani na ábla na Kukpi Lili Bɔvia Limeyi ni, taya na kadi kegye akpala ammɔ lɛlɔ.

Lɛkpa Ulu 16:4

Na emeyi maatɛ kemmo ɔdi biala uteti bɔnyi bɔni mɔɔyá na ɔlaaƒɔ uuƒu utese nwuna kaduli. Na ebuo ɔni na bɛ́du na Kukpi Lili Bɔvia limeyi lideedi useyi uwi ni, na bɛkun lɛna lɛmmɔ useyi ɔmmɔ kani. Bitebu ɔdi bitese lɛlɔ.

Israelƒuɔ Bɔlɛ 12:10

Na bɛnu ka lɛna lɛmmɔ lɛdi lítebu asa na kadi kégye. Na si ɔdi úbu ni, na bɛkyula-ni ɔtanta ɔmmɔ.

Lewiƒuɔ Ɔda Bubo 7:15

Ɔƒɛni ebuo ɔni na úti úboku úbo ɔɔbla unwi bɔbla enugya akpala ammɔ ni, limeyi lɛni na bábla akpala ammɔ lɛlɔ kani na ɔlɛka bakun lɛna lɛmmɔ. Na ukyuli ɔmmɔ ulada-ni ulése na kadi kegye kewi-nwu lɛlɔ.

Israelƒuɔ Bɔlɛ 12:8

Na usien ɔmmɔ ni, ukyuli biala uƒi nwuna lɛna na ɔkun-ni ku evete ani mbo ɔdu ku bodobodo ɔni kemmo na bɔnyii buuubo.

Lewiƒuɔ Ɔda Bubo 7:12

“ ‘Si ukyuli ɔmmɔ ɔnii ɔɔbla akpala ammɔ na adanku linugya ni, na ɔlɛka ubunku ɔlaaƒɔ ɔni na bánwu na béƒi-nwu aani bodobodo na bɔnyii buuubo-nwu kemmo, na ɔsala-nwu ku nnɔ, ku bodobodo uƒidi udu bamba ɔni nse bɛbɛɛbɛ kunu kunu na bésusu nnɔ nwuna lɛlɔ. Na edula ebi ɔlaaƒɔ ɔni na bánwu béƒi mɛni ni, banu ka bábaka-nwu kaduɛ ku ɔlaaƒɔ ɔni nse sɛɛn na básala-nwu ku nnɔ.

Israelƒuɔ Bɔlɛ 12:15

Biti emeyi maatɛ bɛdi bodobodo ɔni kemmo na bátakya bɔnyii. Na emeyi maatɛ ammɔ limeyi lideedi ni, ukyuli biala na ubo bɔnyii na nwuna kaduli ubo-nwu uwiakun. Na Ukyuli biala madi bodobodo ɔni kemmo na bákya bɔnyii emeyi maatɛ ammɔ kemmo ni, ndubɔda-nwu lidie mina bekyuli akɔ.

Israelƒuɔ Bɔlɛ 16:19

Amu na Mose úbo-ma ɔda ɔnii, “Ukyuli biala utada nwuna adila ammɔ adi utese na kadi kegye-nya lɛlɔ.”

Israelƒuɔ Bɔlɛ 29:34

Na si adila kedee ammɔ ébu úti útédu lɛdigye ni, na bakyula-nya.