Israelƒuɔ Bɔlɛ 23:15 - Katɔti Ɔku Kedee

¹⁵ “Bɛdi Bodobodo Ɔni Néteƒu Limeyi emeyi maatɛ. Na bɔnyii butakya bodobodo ɔmmɔ kemmo aani kalɛ na líbo-mii ɔda. Na bɛdi limeyi lɛmmɔ na Abib kɔbuli kɔni kemmo lɛ́lɛ ugyii lite-mi kemmo, ɔsika kuna kemmo na bɛ́tɔlɔ Egyipte kalɔ lɛlɔ. “Ɔdi biala utebenye-mi anumi ku enukplu.

Israelƒuɔ Bɔlɛ 23:15 Referans Kwoze

Luka 22:7

Ɔmmɔ kama ni, limeyi lɛni na badu baƒonu bebi bete Kukpi Lili Bɔvia Limeyi líbedu na bodobodo ɔni néteƒu emeyi bɔdi kemmo.

Israelƒuɔ Bɔlɛ 34:20

Nsu ebo kuƒi ka aƒɔ ƒula ɔpɔnkɔ ɔgyani ubi udeedi ɔni na éti éte-mi na aƒɔ-nwu lili kayu ku koƒonu kɔkɔdi. Na si átabla lɛni ni, ɔlɛka aƒɛ-nwu limɔ. Na aƒɔ ƒula ubi ɔnanabi udeedi lili kayu ete Unwoti. “Na tebo-mi anumi ku enu kplu.

Lɛkpa Ulu 16:16

Na lɛkwa biala kemmo ni, Israelƒuɔ ƒui banana ɔlɛka bebo Unwoti anumi kɔtɛ babakpa-nwu na kesii kani na ɔ́su úse ka bitaakpa-nwu mmɔ. Na emeyi ani badubɔdi mmɔ ndi Bodobodo Ɔni Néteƒu Limeyi ku Edula Bɔƒɛ Limeyi ku Kevo Kemmo Bulie Emeyi. Na ukyuli ɔdi utebo Katɔti anumi mmɔ ku enukplu.

Marko 14:12

Na limeyi lideedi na Bodobodo Ɔni Néteƒu Limeyi bɔdi kemmo uwi ɔni na baadú Kukpi Lili Bɔvia koƒonubi bakpa na bana ɔdi kenye ni, Yesu batɛyane béye-nwu banini, “Wɛ na aayɔ́ ka butáklibi bula limeyi lɛmɛni bɔdi buse bute-ɔ?”

Lewiƒuɔ Ɔda Bubo 23:10

“Kɔ lɛsa na asu Israelƒuɔ anini, ‘Si bísie bítéduo kalɔ kani na líti muute-mii kemmo na bɛ́ƒɛ bina edula edeedi ni, na biti-nya bisienku ɔkpane.

Israelƒuɔ Bɔlɛ 34:18

“Di Bodobodo Ɔni Néteƒu Limeyi. Na adi bodobodo ɔni kemmo na bɔnyii buuubo emeyi maatɛ aani kalɛ na líbo-ɔ ɔda. Na abla ɔmɛni na Abib kɔbuli kɔni na líse líse kemmo, ɔsika kɔbuli kɔmmɔ kemmo na álɛ Egyipte kalɔ lɛlɔ.

Israelƒuɔ Bɔlɛ 13:4

Ɔmwi, na Abib kɔbuli kɔmɛni kemmo ni, bɛdubɔlɛ Egyipte kalɔ lɛlɔ.

Luka 2:41

Lɛkwa ndi lɛkwa ni, Yesu bawɔne beesié Yerusalem taatádi limeyi lɛni baalɔ banii Kukpi Lili Bɔvia Limeyi.

Batalane Kabla 12:3

Na ka ɔ́nu ɔ́ti ka ebiti áda Yudaƒuɔ na lɛla lɛni na ɔ́bla mɛni ɔsu ni, úƒie Petro lɛnɔ na uwi ɔni kemmo na baadi Bodobodo Ɔni Néteƒu Limeyi.

Israelƒuɔ Bɔlɛ 12:2

“Kɔbuli kɔni kemmo bɛkya mɛni ndi kɔbuli kudeedi na lɛkwa lɛmɛni kemmo ute-mii.

Israelƒuɔ Bɔlɛ 22:29

“Na biteni-mi bina edula ku ntɛ akpala buboku. “Na biti bina bebi bananabi bedeedi bani bɛ́wɔ bite-mi.

Samuel 1 6:3

Mmɔ na bédie kenye banini, “Si bɛ́sɔku Unwoti Bunyimi Adaka ɔmmɔ bíselaku Israel ni, biteti anwu lɛti bitada, mmomu biti etela adi bibunku bitékpi kɔtɔ. Na bina ɔlɛ ɔdubɔba-mii. Na bɛdubɔti lɛnɔ lɛla lɛni ɔsu na Unwoti ɔ́ya na ɔgbankpi ɔmɛni udu ɔ́siaku-mii lɛni.”

Israelƒuɔ Bɔlɛ 13:3

Amu na Mose ɔ́su Israelƒuɔ bammɔ ɔnini, “Bise limeyi lɛmɛni likpo. Ɔsika lɛdi limeyi lɛni na bɛ́lɛ Egyipte kalɔ lɛlɔ na kesii kani na bɛ́kya bítaabla-ma kabla. Na ɔkɛnku Unwoti ɔyikun kabla kani na údie nwuna ɔyikun ɔ́bla ɔsu na ɔ́kpanku-mii ɔ́lɛku mmɔ. Anwuɔsu ukyuli biala utadi bodobodo ɔni na bɔnyii bɔkya-nwu kemmo limeyi lɛmmɔ lɛlɔ.

Mika 6:6

Na bana akɔ ɔdi ɔdubɔkana na uye ɔnini, “Unwoti, bi na ndubuti liboku mbakpa awɔ ɔni na ƒula lɛnyi lɛ́kɔ katɔ kakaaka mɛni si uwi ɔni na líbo nnii mbakya-a lili kalɔ? Ɔmantɛ bakɔ bakɔdi bani náƒɔ lɛkwa linwi na bélie lɛmwi na baadia bɔnu teetulo ƒui na muuti liboku?