Israelƒuɔ Bɔlɛ 23:13 - Katɔti Ɔku Kedee

¹³ “Bɛsia anumi na bɛdi ɔda biala na líbo-mii lɛlɔ. Bitakpali baƒiɔ biala bitawia bana kebunku, na bitalɔ ɔdi lɛnyi muedi.

Israelƒuɔ Bɔlɛ 23:13 Referans Kwoze

Yosua 23:7

Biteti lɛlɔ bitasala ku kadi bamba bekyuli bani nkya mmɔ akɔ, na bitakpali bana baƒiɔ bani na baakpa anyi, na bitese kenye kadi na bana baƒiɔ bammɔ badi kudɔ na bitakpa-ma iye bitalɛ-ma akɔnkɔ kalɔ.

Timoteo 1 4:16

Da lɛlɔ kaduɛ ku ala ani na aatina. Nye kabla kammɔ lɛlɔ kpakplaa. Ɔsika si ábla lɛni ni, adubudie awɔ ku bekyuli bani ƒui muunú ƒula litemi lɛmmɔ alɛku kɔtu bɔni kemmo.

Sakaria 13:2

Unwoti Ɔyikune Ƒui ɔnini, “Si uwi ɔmmɔ úbedu ni, ndubo baƒiɔ ƒui udu biala bɔyila na kalɔ kammɔ lɛlɔ, na bekyuli bayiƒala-ma ƒui úti úsela uwi ƒui kemmo. Na ndubo bana kenye bediene ku ayu ekpidi ani na atɔnku-ma mmɔ ƒui udu bɔyila.

Lɛkpa Ulu 4:9

Nsu uwi ɔni na bilie ngba mɛni ni, binye kagyumana uwi biala kemmo kalɛ na bilayiƒala ɔda bubo bɔmmɔ. Na ala ani ƒui na bíti bina anumi bɛ́nu ni, biti bɛsu bina bebi ku bina bawɔ.

Hosea 2:17

Na nsɔ lɛɛɛdubo bɔya na ɔkpali Baal ɔni kalɔ ndi Ati.

Lɛkpa Ulu 12:3

Bibo bana akpabi ƒui bɛbwɛ. Na bibo bana atabi ani baalɔ atabi kedee lɛnɔ bɛbwɛ kpɛtɛ kpɛtɛ. Na bɛƒɛ bana lɛƒiɔgyii lɛni na bálɛ béte bana baƒiɔ beledi bani baalɔ Asera baƒiɔ. Na bibo bana baƒiɔ ƒui bɛkya ogya kemmo kalɛ na ukyuli ɔdi ulenyimo ka báakpa baƒiɔ badi na mmɔ kudii.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Eƒesoƒuɔ 5:15

Anwuɔsu bɛnu lɛlɔ kemmo kaduɛ na bɛti kalɛ na biti bilie ngba. Bitelie aani bekyuli bani nátada anu. Mmomu bilie ngba aani bekyuli bani náda anu.

Yeremia 10:11

Awɔ násu-mi anii nsu-ma ka ɔɔɔdi baƒiɔ nédie kalɔ kammɔ na adubo baƒiɔ ƒui udu bɔyila.

Kɔgya 16:4

Na bani nsiaku ala bamba kama aani bana unwoti kalɛ ni, badubo abi bubo geen. Na lɛɛɛdubo ubugya buti bɔbla lɛkpa lɛdi bute ala ammɔ. Na lɛɛɛdubo-ma anyi bɔlɔ muedi!

Yosua 23:11

Ɔmɛni ɔsu bɛnu kaduɛ geen na biti bɔyɔ bite bina Unwoti Katɔti.

Yosua 22:5

Nsu Yosua ɔ́sɔ ɔ́su-ma ɔnini, “Binyimo ɔda ɔni na Unwoti kabla ɔblane Mose úbo-mii. Na ɔda bubo bɔmmɔ ndi ka bɛyɔ bina Unwoti Katɔti na bɛsia nwuna litemi anu kaduɛ, na bɛdi nwuna ɔda bubo lɛlɔ, na biti lɛlɔ bɛsia-nwu lɛlɔ, na biti bina kayi ku kɔyu ƒui bitaabla-nwu kabla.”

Eƒesoƒuɔ 5:12

Ɔsika ala ani na baabɛ́ taabla mmɔ adi kɔƒa ka balɔ-nya anyi muedi.

Kɔgya 39:1

Líbo lɛlɔ ɔda lɛ́su nnini, “Ndubɔnu kaduɛ na lɛda mina unyemi na enyekpi adi alálɛ-mi kenye. Na lɛɛɛdubo bɔtɛmi lɛnɔ uwi ɔni na bekyuli bekpidi báka bámana-mi mɛni.”

Lɛkpa Ulu 4:15

Limeyi lɛni na Katɔti ɔ́tɛmi úte-mii ɔ́siku ogya kemmo na Sinai Kɔbi lɛlɔ ni, bítanu nwuna udu biala bítati. Anwuɔsu bɛnu lɛlɔ kemmo kaduɛ.

Bumomo Bɔka 32:38

ku Nebo ku Baal-Meon ku Sibma lɛma. Na lɛma lɛni básɔku bátu mɛni básia-ni anyi.

Israelƒuɔ Bɔlɛ 23:24

Na bitakya lili kalɔ bitete bana baƒiɔ na bitaabla-ma kabla, na bitasiaku bana ɔbladu kama lɛnɔ. Ɔlɛka bɛbwɛ bana baƒiɔ ku bana atabi kedee ammɔ ƒui kpɛtɛ kpɛtɛ.

Israelƒuɔ Bɔlɛ 23:32

Na amii ku bekyuli bammɔ iye bana baƒiɔ ni, bitenyimi lɛla lɛdi bitete lɛlɔ.

Lɛkpa Ulu 4:23

Na bɛnu kaduɛ na bitayiƒala lɛla lɛni na Katɔti únyimiku-mii mmɔ. Na bɛdi nwuna ɔda bubo lɛlɔ bɔni násu-mii ka bitavɔ iye bitanwi lɛla lɛdi bitese bitete lɛlɔ mmɔ lɛlɔ.

Lɛkpa Ulu 6:1

Ɔda bubo bɔmɛni na bina Unwoti Katɔti úti úte-mi ka ntina-mii. Na bɛdi-mu lɛlɔ na kalɔ kani na bɛdubo Yordan Ketu bɔvia na bitéti binwini bina kadikɔ mmɔ lɛlɔ.