Israelƒuɔ Bɔlɛ 23:1 - Katɔti Ɔku Kedee

¹ “Ukyuli ɔdi utegyingya ɔkɔ etemila. Na ɔdi utenye ɔlalane kama utedie kenye utete-nwu ulu ukpidi lɛlɔ.

Israelƒuɔ Bɔlɛ 23:1 Referans Kwoze

Kɔgya 101:5

Ukyuli ɔni mɔɔbɛla lɛlɔ taalɔ bekyuli anyikpi ni, ndubɔyila-nwu udu. Na ukyuli ɔni mɔɔtina lɛlɔ na ɔɔkun lɛmɛnɛ ni, lɛɛɛdubo bɔtunaku-nwu.

Agba 19:5

Ukyuli ɔni mɔɔnyi ɔkɔ teedie etemila kenye ni, ulékeli kɔtu bɔni. Na ɔkɔ ɔnyine ɔdi ulakana na wekeli.

Israelƒuɔ Bɔlɛ 20:16

Tada ukyuli ɔdi kenye.

Kɔgya 35:11

Ɔkɔ banyine báta na bánwi etemila ani lɛlɔ na lɛɛɛgyi básia-mi ka ami nábla-nya.

Lɛkpa Ulu 5:20

Tada ukyuli ɔdi kenye.

Lewiƒuɔ Ɔda Bubo 19:16

“ ‘Bitataalɔ bina bakpana anyikpi taavi. “ ‘Na ɔdi utabla lɛla lɛni maya na nwuna ɔkpanadi ngba buduo ɔgbankpi kemmo. Ami ndi Unwoti.

Budie Taatina 12:10

Ɔmmɔ kama línu lɛdi bonwu lɛdi na katɔ na lɛɛsu lɛnini, “Ɔƒɛni na Katɔti ngba bɔƒɔ ku nwuna ɔyikun ku lɛgadi lɛ́da lɛ́lɛ. Na nwuna Ukyuli Ɔƒunadi ɔmmɔ kenyekɔ lɛnɔ káda kálɛ. Ɔsika bábɔku baƒɔtaadine ukisine ɔmmɔ bálɛku katɔ mmɔ. Anwu muunye bula Katɔti anumi usien ku ɔƒɛ taawia baƒɔtaadine bammɔ litemi.

Romaƒuɔ 3:8

Si búti-nwu lɛni ni, bɔkana bɔsu bɔnii, “Bɛya na butaabla likpidi kalɛ na lɛla lɛbuni lɛlɛ lɛsiku-nwu kemmo.” Bekyuli bani meti-nwu lɛni ni, bámanku ka Katɔti ɔdu-ma kɔtɔ. Nsu lɛni na bekyuli badi beedumi-bu, na baasu taatina ka abu násu lɛni.

Agba 19:9

Ukyuli ɔni mɔɔnyi ɔkɔ teedie etemila kenye ni, ulékeli kɔtu bɔni. Na ɔkɔ ɔnyine ni, badubo-nwu bɔyila ku udu.

Petro 1 3:16

Bɛya na bina kayi kemmo keteese ƒaa uwi biala kalɛ na si beedumi-mii ka bɛsiaku Kristo kama ni, na kɔƒa kukpo bekyuli bani mɔɔlɔ-mii anyikpi mmɔ.

Timoteo 2 3:3

Badi bekyuli bani na ukyuli bamba lɛlɔ lilakywi-ma kaƒɔ, ku bani naaanu kɔnyana. Badi bekyuli bani mɔɔnyi ɔkɔ taada litemi taasia bekyuli lɛlɔ, ku bekyuli bani mbo kalala. Na bana anumi eeese buɛɛ. Na badi bekyuli bani nkisi lɛla lɛbuni.

Eƒesoƒuɔ 4:25

Anwuɔsu bɛda ɔkɔ bɔnyi bɛya. Na ukyuli ɔdi biala ɔsu nwuna ɔkpanadi litemi geen. Ɔsika bula ƒui bɔdi Kristo lɛlɔ ekpo bute lɛlɔ.

Agba 24:28

Tanyi ɔkɔ tedie kenye ada ƒula ukyulikpana ɔni nátabla lɛla lɛdi kenye.

Agba 21:28

Ukyuli ɔni mɔɔnyi ɔkɔ teedie litemi kenye ni, badubutile-nwu kuƒi. Na ukyuli ɔni mɔɔsu lɛla lɛni nálɛ geen ni, anwu na badubɔya na udie ala kenye.

Agba 10:18

Ukyuli ɔni muukisi ukyuli na ɔɔbɛla-mu ɔdi ɔkɔ ɔnyine. Na ukyuli ɔni mɔɔlɔ bekyuli anyikpi ɔdi ɔdɔlɔdi.

Agba 6:19

ɔkɔ kenye litemi bediene bani mɔɔnyi ɔkɔ taaka ala. Ukyuli ɔni mɔɔkya bekyuli ntɛ taabla ala ani na ubile banwani ntɛ.

Kɔgya 15:3

Ukyuli ɔmmɔ ulalɔ bekyuli anyikpi. Na ulabla nwuna ɔkpana likpidi lɛdi. Na ulewi-nwu anumi kalɔ na kadi akɔ.

Lewiƒuɔ Ɔda Bubo 19:11

“ ‘Ɔdi uteyu. “ ‘Na ɔdi utanyi ɔkɔ. “ ‘Na bitataanyi ɔkɔ taatɔlɔ lɛlɔ.

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Luka 3:14

Bekpone badi lɛnɔ béye-nwu banini, “Na abu nɔɔ? Bi na ɔlɛka bɔbla?” Amu na ɔ́su ama lɛnɔ ɔnini, “Bɛya na bina lɛyuƒɔla lɛda-mii ebiti. Na bɛsɔ bitasia ɔmɛni kama bitanya ukyuli ɔdi bitamana na bɛƒɔ-nwu egulabi adi iye bitadu ukyuli ɔdi kɔtɔ na ulu ukpidi lɛlɔ.”

Mateo 19:18

Mmɔ na ɔnana ɔmmɔ úye-nwu ɔnini, “Ɔda bubo bɔmani?” Yesu ɔ́su-nwu ɔnini, “Tadu ukyuli, tadi kɔsɔnɔ, teyu, tada ƒula ukyulikpana kenye,

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Agba 25:23

Kalɛ na ɔƒɛƒɛɛ ɔni muukpó taasi katɔ taayu uuboku ɔnantu ni, lɛni kani na katɛ ɔtɛne keeke ɔɔkya ukyuli kɔnyi.

Agba 25:18

Ɔkɔ bɔnyi taasia bekyuli uuduo teetulo ka eti kadadi iye kewii iye lɛtula atu ukyuli.

Agba 19:28

Ukyuli ɔni mɔɔnyi ɔkɔ teedie litemi kenye ni, uudumi na ɔɔmá litemi bɔtɛ ulu ɔni ntɛ nse. Na balalane baaƒɔ́ likpidi teebweli aani adila.

Agba 17:4

Alaekpidi bablane ni, likyulikpi atɛ na beesé atu teenu. Na ɔkɔ banyine ni, beesé atu teenu atɛ ani muubile ala.

Agba 12:17

Ukyuli ɔni muudie lɛla lɛni na ɔ́nu kenye ulu lɛlɔ ni, ɔɔsu litemi geen lɛmmɔ. Nsu ukyuli ɔni muudie lɛla lɛni na útanu kenye ni, ɔdi ɔkɔ ɔnyine.

Kɔgya 120:3

Bɛnu kaduɛ na lɛla lɛni na Katɔti ɔdubo-mii bɔbla lɛlɔ, ɔsika ɔɔɔdubo-mii buse buɛɛ.

Kɔgya 27:12

Tanyonu-mi takya mina bekisine enu kemmo. Ɔsika ɔkɔ banyine báta ku lɛnungyie kemmo na baanyi ɔkɔ taasia-mi na baawia ka badu-mi.

Samuel 2 19:27

Na ubanyi ɔkɔ ɔ́sia ami, ƒula kabla ɔblane, úte awɔ mina ati ku ɔga. Mina ati ku ɔga, ese aani Katɔti ɔtu, anwuɔsu bla lɛla biala mɔɔyɔ́-ɔ kaƒɔ.

Samuel 2 16:3

Amu na Dawid úye-nwu ɔnini, “Na wɛ na ƒula ɔtɔlati uwɔ anwu ɔkya?” Siba údie kenye ɔnini, “Ɔkya Yerusalem, ɔsika na nwuna kakali kenye ni, ɔ́su ɔnini, ‘Ɔmwi Israelƒuɔ badubɔsɔku mina nana ɔnana Saul Lɛga kadikɔ bete-mi.’ ”

Israelƒuɔ Bɔlɛ 23:7

Ɔkɔ kenye kani na báda básia ukyuli ɔdi ni, teti litemi lɛmmɔ tabla kabla na adu ukyuli buni kɔtɔ anii badu-nwu, ɔsika lɛɛɛdubo litemi ɔtɛne ukpidi ɔmɛni ubo bute na ɔlɛ kɔtu bɔni kemmo.

Yohane 7:51

“Bula ɔda bubo búte-bu ulu ka bɔdu ukyuli kɔtɔ si bútenu-nwu kenye litemi na bɔti lɛla lɛni na ɔdanku iye ɔɔbla?”

Ala Kalɔ Buse 39:17

Amu na ɔ́nwi kɔtɛ kɔmɛni ɔ́su ɔgyani ɔnini, “Hebrini kabla ɔblane ɔni na áƒɔ ábakya kaduli mmɔ ni, úbo-mi kudɔ ɔnii ubeƒie-mi ɔyɔ.

Agba 14:5

Ukyuli ɔni nánu lɛla lɛdi na uudie litemi geen lɛmmɔ kenye ni, ulanyi ɔkɔ. Nsu ukyuli ɔni na útanu lɛla lɛmmɔ ɔɔnyi ɔkɔ.