Israelƒuɔ Bɔlɛ 22:25 - Katɔti Ɔku Kedee

²⁵ “Na si bívo egulabi adi bíte mina bekyuli ni, bitabla lɛlɔ aani bekyuli bani muuvó egulabi teete bekyuli bamba kalɛ. Bitaƒɔ kuvonsia bitasia-nwu lɛlɔ.

Israelƒuɔ Bɔlɛ 22:25 Referans Kwoze

Kɔgya 15:5

Uuvó egulabi teete bekyuli na ulaƒɔ kuvonsia. Na ulabɛ taaƒɔ egulabi na ɔdu ukyuli ɔni na útabla likpidi lɛdi kɔtɔ. Ukyuli ɔni na ɔɔsia ala amɛni anu taabla taasiaku-nya lɛlɔ ni, ɔtɔtɔ ɔɔɔdubo-nwu bɔgyu kudii.

Esekiel 18:8

Ulevo ala teete bekyuli na ɔƒɔ-ma lɛla lɛdi uye, iye ɔƒɔ kuvonsia kunengudi kɔdi. Na ulayɔ ka ɔbla ukyuli ɔdi likpidi lɛdi. Na si litemi líbo badi ntɛ ni, ɔɔtɛ-ma ntɛ litemi ulu siin lɛlɔ.

Agba 28:8

Ukyuli ɔni mɔɔbla egulabi na bekyuli bamba lɛlɔ ɔkɛnku kuvonsia bonwu ɔsu ni, lɛkɛ lɛmmɔ lɛdubɔyii-nwu kɔnu lisie ukyuli ɔni mbo lɛƒɔndia ute bawabane kudɔ.

Nehemia 5:7

Na líti etemila ammɔ kasusu kɔlɛ kɔlɛ. Mmɔ na líti kɔtɔ bɔdu líte mina bakutine ku mina benengu. Na lɛ́su-ma nnini, “Kuvonsia kɔni mɔɔlɛ́ mɛni kɔ́si-mii kudɔ!” Ɔmmɔ ɔsu lɛ́lɔ bekyuli bammɔ ƒui na búduo litemi lɛmmɔ kemmo.

Esekiel 18:17

Na ulevo ala teete bekyuli na ɔƒɔ-ma ala uye, iye ɔƒɔ-ma kuvonsia kunengudi kɔdi. Ɔɔdi mina litemi ku ɔda bubo lɛlɔ siin. Ukyuli ɔmɛni udu ulekpi na ɔti likpidi ɔsu, mmomu ɔdubulie ngba.

Esekiel 18:13

Na uuvó ala teete bekyuli na ɔɔƒɔ́-ma ala teeye na ɔɔƒɔ́ kuvonsia pii lɛnɔ. Ukyuli ukpidi ɔni na use lɛni ni, ulakana na welie ngba bukpi kani na ɔdubo bukpi na anwu ɔlati ɔdubuti nwuna etila.

Yeremia 15:10

Si bɔwɔ na bátawɔ-mii muedi nka mɔɔyɔ́ ɔmmɔ teetulo ƒui! Lɛsɛ lɛkya ami ku ukyuli biala ntɛ na Yuda na nkya lɛbibo kemmo uwi ndi uwi. Neeevo sika ukyuli ɔdi kudɔ iye ami livo sika lite ukyuli ɔdi. Nsu ewida enwi pɛ kani, na ukyuli biala uuwida-mi.

Baga 2 4:7

Amu na uleku ɔmmɔ úsie kenye udiene ɔmmɔ kudɔ, na kenye udiene ɔ́su-nwu ɔnini, “Teesie na etéti nnɔ bɔmmɔ eye na aƒɔ ƒula kɔyu ƒui. Na lɛla lɛni mebu ni, na eti ataanu ƒula kaduli lɛlɔ.”

Baga 2 4:1

Ukpinele ɔdi na nka ɔgyani ɔ́kya kenye bediene lɛkpa kemmo úsie Elisa kudɔ na ɔ́su-nwu ɔnini, “Ati, mina ɔgyani úkpi. Na aani kalɛ na agyi ni, ɔdi ukyuli ɔni mɔɔyia Katɔti geen. Na mina ɔgyani ukyuli ɔni na ɔda kayu ɔdubo ubeti mina bebi bananabi inyɔ ɔtɔlɔku na bátátaabla-nwu kabla.”

Luka 19:23

Na si agyi lɛni ni, bi ɔsu na éteti mina egulabi átatákya egulabi kesekɔ? Mmɔ ni, ngyi ka nka ndubɔkɛ kɔsia lɛsia-nwu lɛlɔ si lɛ́si líbo.’

Mateo 25:27

Amu bi ɔsu na éteti mina egulabi étetése egulabi kesekɔ, na si líbo ni, na mbaƒɔ mina egulabi ku kuvonsia?’

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Lɛkpa Ulu 15:7

Na si bina Unwoti Katɔti úti kalɔ kani lɛlɔ na bísela bitélie mmɔ úte-mii na bísie bilie-ka lɛlɔ na bina ɔnwa ɔdi ɔɔyaki lɛla lɛdi na lɛma lɛmmɔ ɔdi kemmo ni, bitabla-nwu lili ɔkplu.

Lɛkpa Ulu 24:13

Mmomu useyi uwi ni, ti ɔwabane ɔmmɔ kɔdi boku-nwu na ubi lɛlɔ ɔtɛ. Na ɔmɛni ɔdubɔda-nwu kubiti na kaƒɔ kadubɔyɔ bina Unwoti Katɔti.

Esekiel 18:7

Na ulanya ukyuli taakya iye uyu ɔdi lɛnɔ. Na lɛla biala na ukyuli ɔdi úti úse lɛlɔ kama úte-nwu asa na úvo lɛla lɛdi ni, ɔɔsɔku-ni teete-nwu. Na uleyu bekyuli. Na uute bawabane adila. Na bani nkɛ ku kasɔngya ni, uute-ma adala.

Amos 2:8

Na adala ani na báƒɔ ɔkpa básiku bekyuli kudɔ na kayu kenye na baavá taatɛ na kakpakɔ biala. Na kɔyu kɔni na bákya bekyuli ni, beeti egulabi ammɔ teeye ntɛ na baaní-mu muedi na Unwoti kakpakɔ mmɔ.