Israelƒuɔ Bɔlɛ 22:22 - Katɔti Ɔku Kedee

²² “Na bitabla ukpinele iye ukpinebi ɔdi kalala. Na si ɔdi ɔ́bla unyeƒi ni, amii Unwoti ndubo-ma kenye budie si béwulo bákpali-mi ka baawia mina kebunku.

Israelƒuɔ Bɔlɛ 22:22 Referans Kwoze

Yesaia 1:17

Bɛtɛya lɛbuni bɔbla. Na bɛbla ala ulu lɛlɔ siin. Bibunku bekyuli bani na beekpóku, na bikpo bite bekpinebi, na bɛya na bekpinele bakɛ bana kadikɔ.”

Lɛkpa Ulu 24:17

Bɛsi litemi lɛlɔ siin bite baƒɔ bani nkya-mii akɔ ku bekpinebi. Na ɔdi utaƒɔ ukpinele ɔdi kɔdi utese ɔkpa si ɔɔwia kevonkɔ kadi.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.

Sakaria 7:10

Bɛsɔ bitabla bekpinele iye bekpinebi iye baƒɔ iye bawabane ulikplu. Na bɛsɔ bitelie bitataakya likpidi bɔbla kɔkwɛ na bina bakpana lɛlɔ ka bɛbla-ma kalala.

Esekiel 22:7

Bina akɔ ɔdi biala ulabu nwuna bawɔne. Na bɛɛnya bekyuli bani ndi baƒɔ lɛnɔ taakyaku bekpinebi ku bekpinele.

Yesaia 10:2

Na balátɛ litemi ulu lɛlɔ teete bawabane ku bekpinele ku bekpinebi kalɛ kɔnu kutuku-ma bana ala lɛlɔ.

Lɛkpa Ulu 27:19

‘Ewida asiaku ukyuli ɔni mɔɔnya bekyuli bani naaadi Israelƒuɔ ku bekpinebi ku bekpinele taakya.’ Na ɔlɛka bekyuli batuna banii, ‘Ɔsia lɛni.’

Lɛkpa Ulu 10:18

Na ɔdi-nwu lɛyɔla ka bekpinebi ku bekpinele baakɛ́ bana kadikɔ. Na ɔɔyɔ́ baƒɔ litemi na uute-ma adila ku adala.

Lɛkpa Ulu 24:18

Na binyimo ka dii uwi ɔdi kemmo ni, Egyipteƒuɔ bénye-mii lɛlɔ na bítaabla kabla teete-ma asa na bina Unwoti Katɔti úbaƒɔ-mii ɔ́lɛku bana enu kemmo. Ɔmɛni ɔsu na muubó-mii ɔda amɛni udu.

Hiob 31:16

“Na ńtanya bekpinele ńtakya iye bani mɔɔyaki lɛla lɛdi na belie beteebo abi.

Agba 23:10

Tagyu bati ɔmii ugyii ɔdi na eƒie bekpinebi kalɔ aƒɔ anii beeebo ubunkune ɔdi ɔsu.

Agba 23:11

Ɔsika bana Ɔƒɔne ubo ɔyikun geen. Na anwu ɔmmɔ ɔlati ndubɔwia-a litemi.

Yeremia 7:6

Bɛda kasiakɔ bɔkɛ na baƒɔ ku bekpinebi ku bekpinele lɛlɔ bɛya. Na bɛda bekyuli bani na bátabla-mii lɛla lɛdi bɔdu bɛya. Na bɛda baƒiɔ bɔkpa bɛya.

Yeremia 7:7

Na ndubɔya na bilie ngba gyɔlɔɔ na kalɔ na líti líte bina bati kuuku mɛni lɛlɔ.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Lɛkpa Ulu 15:9

Na utasu ɔnii kayu butitaakyiɛ lɛkwa lɛdaku budu ɔsu, ulete ukyuli ɔmmɔ kebunku kani na ɔɔwia. Ɔdi utaya na kasusu kekpidi kammɔ udu keduo-nwu lili kemmo. Na si ukyuli ɔmmɔ ɔ́bla nwuna ɔnwani ulikplu na útete-nwu kevonkɔ kani na ɔɔwia mmɔ na ukyuli ɔmmɔ úwulo na ɔ́kpali Katɔti ni, Katɔti ɔdubɔni ulikplune ɔmmɔ kɔtu geen.

Hiob 34:28

Na báya na bawabane kɔvanu kúbedu Katɔti kudɔ na ulikplu ala ani na baabla-ma ɔsu, na ɔ́bla bana lɛƒɔyɔ úte-ma.

Kɔgya 10:14

Nsu geen geen ni, awɔ Katɔti aanu na agyi kɔnyana ku abi ani na ƒula bekyuli beebó. Na agyi kalɛ na eekpó teete-ma. Na ka ɔwabane uuubo lɛla lɛdi na ɔɔbla ɔsu ni, uuti lɛlɔ teete-ɔ. Na eebunku-nwu aani kalɛ na eebunku bekpinebi.

Kɔgya 34:7

Unwoti ɔtu ɔɔnu taamana bekyuli bani mɔɔyia Unwoti na uudie-ma.

Agba 22:23

Ɔsika Unwoti uukpó teete-ma. Na ukyuli ɔni makya-ma ɔlɛ ni, Unwoti lɛnɔ ɔdubɔkya-nwu ɔlɛ.

Mateo 23:14

Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Biisié bekpinele kudɔ ka bitébunku-ma, nsu bɛɛtɔ́lɔ-ma taaƒɔ-ma ala. Na bɛɛkpali katɔ gyɔlɔɔ taabu-ma kɔdɔlɔ. Ɔmɛni ɔsu ni, bina kɔtu bɔni bɔdubɔkɔ katɔ bubu!